cam-new

Karlien van Jaarsveld is terug met nuwe enkelsnit ‘As Jy My Roep’

Tue, 05 May 2026 07:05:49 GMT

Karlien van Jaarsveld is terug met nuwe enkelsnit ‘As Jy My Roep’

Die geliefde Afrikaanse sangeres en liedjieskrywer Karlien van Jaarsveld maak ’n opwindende terugkeer na die musiektoneel met haar splinternuwe enkelsnit, “As Jy My Roep” – ’n lied wat ’n perfekte balans tref tussen ligte dansenergie en diep, betekenisvolle lirieke.

Dié liedjie is geskryf deur Karlien saam met Marco van Deventer en Georic Lomas, en bied aanhangers ’n vars, egte klank wat haar groei as kunstenaar weerspieël.

Alhoewel “As Jy My Roep” ’n toeganklike, lekker danstempo het, lê die ware krag van die lied in sy boodskap. Karlien beskryf dit as ’n snit wat ewe gemaklik by ’n Vrydagaand-braai kan speel, maar steeds emosionele diepte en betekenis dra.

“Ek dink mense kan ’n liedjie verwag wat hulle by hul braai op ’n Vrydag kan speel, maar wat substance het,” sê sy.

As ma van vier kinders speel familie ’n sentrale rol in Karlien se lewe – iets wat duidelik in haar musiek deurskemer. Haar perspektief as ouer beïnvloed haar kreatiewe keuses en die boodskappe wat sy wil oordra.

“Ek is op ’n natuurlike wyse baie meer familie-georiënteerd. Ek het self vier kinders en dit maak dat ek altyd aan hulle dink. Ek wonder oor die tipe goed waarna hulle luister. Vir my is dit belangrik dat dit wat hulle na luister, ’n boodskap het,” verduidelik sy.

Met “As Jy My Roep” raak Karlien ook aan haar geloof, en die lirieke weerspieël ’n persoonlike gesprek met God – ’n belofte van gehoorsaamheid en oorgawe wanneer sy geroep word.

Die gepaardgaande musiekvideo is visueel treffend en is in Weiveld geskiet. Kykers kan uitsien na energieke danspassies wat Karlien by Mila G geleer het.

As Jy My Roep is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn se nuwe liedjie is vir langafstandliefde

Mon, 13 Apr 2026 08:39:41 GMT

Chris Steyn se nuwe liedjie is vir langafstandliefde

Die gewilde Afrikaanse sanger en liedjieskrywer Chris Steyn is terug met ’n splinternuwe enkelsnit, “Ek Kom Jou Haal” – ’n opregte liefdesverhaal wat die uitdagings én mooi van ’n langafstandverhouding vasvang.

Dié liedjie is geskryf deur Chris saam met sy liedjieskryfvriende, Marco van Deventer en Georic Lomas, met Chris wat sy eie unieke “geur” by die liedjie gevoeg het. “Ek Kom Jou Haal” vertel die storie van ’n man wat moeg raak vir die afstand tussen hom en sy geliefde – en uiteindelik besluit om alles te los, na haar toe te vlieg en haar te vra om te trou.

“Die liedjie beteken vir my baie, want ek is self in ’n langafstandverhouding,” vertel Chris. “Ek is dalk nog nie heeltemal op daai stadium van trou nie, maar ek verstaan daai verlange en emosie baie goed.”

Met sy aansteeklike sokkie-ritme en opregte lirieke hoop Chris dat luisteraars – veral Suid-Afrikaners wat oorsee werk en hul geliefdes mis – aanklank by die liedjie sal vind. “Ek dink baie mense gaan hulself in die storie herken, en natuurlik hoop ek hulle dans ook lekker saam wanneer die liedjie speel,” voeg hy by.

Die musiekvideo vir “Ek Kom Jou Haal” bring die storie visueel tot lewe: dit begin met Chris wat saam met vriende in ’n kroeg kuier en oor sy meisie gesels, waarna hulle hom aanmoedig om die groot sprong te waag. Hy vertrek lughawe toe, vlieg terug Suid-Afrika toe vanaf Amerika en verras uiteindelik sy geliefde by haar huis.

Die video is in Pretoria geskiet, met Chris se vriende wat ook in die video verskyn. Die produksie is behartig deur ETG Productions.

Ek Kom Jou Haal is nou beskikbaar op alle digitale stroomdienste soos Apple Music, Spotify, Deezer en YouTube Music.

Ruhan du Toit vier die mooi van genoeg met nuwe enkelsnit

Mon, 13 Apr 2026 08:09:50 GMT

Ruhan du Toit vier die mooi van genoeg met nuwe enkelsnit

Die gewilde Afrikaanse sanger en liedjieskrywer Ruhan du Toit is terug met ’n splinternuwe enkelsnit, “Dit Sal Lekker Wees, Dankie”, wat nou op alle digitale platforms beskikbaar is.

Met ’n vars Afrikaanse country/rock-klank bring dié liedjie ’n ligte, saamsing energie wat perfek pas by Ruhan se kenmerkende styl. Dié enkelsnit is geskryf deur Ruhan self, saam met Georic Lomas en Marco van Deventer — ’n span wat reeds bekend is vir hul sterk, eerlike storievertelling.

“Dit Sal Lekker Wees, Dankie” spruit uit ’n eenvoudige, maar kragtige boodskap: in ’n wêreld waar alles vinnig beweeg en mense konstant meer en beter najaag, vergeet ons dikwels om stil te staan en waardering te hê vir dit wat ons reeds het. Die liedjie herinner luisteraars daaraan dat geluk nie altyd in groot dinge lê nie, maar dikwels in die alledaagse – dit wat reeds genoeg is.

Volgens Ruhan is dit juis hierdie universele tema wat die liedjie so besonders maak. “Ek dink meeste mense kan met die boodskap identifiseer,” sê hy. “Dit gaan nie noodwendig oor spesifieke dinge soos jou bakkie of jou verhouding nie — dit kan enigiets wees wat vir jóú geluk bring.”

Met ’n toeganklike, ligte aanslag en ’n refrein wat gemaak is om saam te sing, glo Ruhan dat die publiek die liedjie met oop arms sal ontvang. “Dis nie swaar nie, dis net lekker,” voeg hy by — ’n eerlike uitnodiging om vir ’n oomblik asem te skep en die lewe te geniet.

Vir Ruhan bly die grootste doel van sy musiek om deel te word van mense se herinneringe. “Musiek vorm deel van ’n mens se ‘memory’. As my liedjies deel kan wees van daardie oomblikke, is dit vir my ’n bonus,” verduidelik hy.

Saam met die vrystelling van die enkelsnit kan aanhangers ook uitsien na ’n liriekvideo, wat dit maklik maak om saam te sing en die boodskap nog dieper te beleef.

“Dit Sal Lekker Wees, Dankie” is ’n warm, egte herinnering dat die lewe nie altyd oor méér gaan nie — soms gaan dit net oor genoeg.

Dit Sal Lekker Wees, Dankie is nou beskikbaar op alle digitale stroomdienste soos Apple Music, Spotify, Deezer en YouTube Music.

ONS vra die belangrike vrae met nuwe enkelsnit

Thu, 19 Mar 2026 20:07:32 GMT

ONS vra die belangrike vrae met nuwe enkelsnit

Ná die suksesvolle uitreikings van liedjies soos ONS se “Lag”, “Naam” en “Daai Liedjie”, is die duo – Marco van Deventer en Ruvé Erasmus – terug met ’n nuwe enkelsnit getiteld “Sou Jy?”.

Dié liedjie, wat geskryf is deur Marco, Ruvé en Georic Lomas, delf in die ingewikkelde emosies wat dikwels ná ’n verhouding se einde oorbly – veral die vrae wat ’n mens jouself vra wanneer dinge nie uitwerk soos beplan nie.

“Die storie gaan daaroor dat verhoudings partykeer net nie uitwerk nie. Vir watter rede ook al – partykeer is dit net nie die regte tyd of plek nie. En dit was net nie bedoel om te wees nie. Dit is nie lekker nie, maar ’n mens moet dit aanvaar,” verduidelik Marco.

Die kern van die liedjie lê in ’n universele vraag: As jy die tyd kon terugdraai en dinge oor kon doen – sou jy?

Volgens Ruvé raak die liedjie ook aan ’n baie persoonlike stuk van hulle eie verhaal. Marco en Ruvé was self in ’n verhouding, maar dinge het uiteindelik nie tussen hulle uitgewerk nie.

“Niemand beplan om op te breek nie, maar dit gebeur en dan sit jy met vrae oor wat as…,” sê Ruvé.

Hoewel “Sou Jy?” steeds getrou bly aan die kenmerkende klank waarvoor ONS bekend is, verken die duo met hierdie uitreiking ’n tema wat hulle nog nie voorheen in hul musiek aangeraak het nie.

“Ons skryf gewoonlik nie oor ‘break-ups’ nie,” vertel Marco.

Saam met die vrystelling van die liedjie het ONS ook besluit om ’n kragtige visualizer te skep om die emosie van die snit visueel te versterk. Die opname is in ’n ateljee by Doxa Deo gedoen.

Met “Sou Jy?” wys ONS weer hul vermoë om eerlike stories te vertel – stories wat luisteraars herinner aan liefde, verlies en die vrae wat soms vir altyd bly hang.

Sou Jy? is nou beskikbaar op alle digitale stroomdienste soos Apple Music, Spotify, Deezer en YouTube Music.

Riaan Benadé terug met kragtige nuwe enkelsnit ‘Kattebak’

Mon, 09 Mar 2026 09:26:44 GMT

Riaan Benadé terug met kragtige nuwe enkelsnit ‘Kattebak’

Riaan Benadé is terug in die kollig met sy splinternuwe enkelsnit, “Kattebak” – ’n liedjie wat reeds voor sy debuutalbum, “Spontaan”, begin vorm aanneem het. Dié liedjie is oorspronklik deur Riaan en Georic Lomas geskryf, met die verse wat reeds voor die vrystelling van “Spontaan” ontstaan het.

“Ek het die verse al voor my eerste album geskryf en toe maak ons die liedjie klaar so twee jaar terug,” vertel Riaan.

“Kattebak” delf diep in die uitdagings van ’n verhouding wat deur moeilike tye gaan. Tog dra die liedjie ’n boodskap van hoop. “Die doel van die liedjie is om iemand te herinner dat hulle al beter tye gehad het. En al gaan dit nie nou goed nie, sal dit beter raak as die paartjie kyk na wat hulle al deur is,” verduidelik hy.

Aan die klankfront wys Riaan ’n nuwe, groter dimensie. “Ek is baie opgewonde oor ‘Kattebak’ se klank. Dis so ’n bietjie groter klank as wat ‘Spontaan’ was,” sê hy. Met ’n subtiele danselement verweef in die produksie, beloof dié liedjie ook om gehore aan die beweeg te kry. “Mense gaan baie lekker op hierdie liedjie kan dans,” voeg hy by. “Ek dink as jy gehou het van my vorige musiek, gaan jy baie hou van hierdie liedjie.”

Die musiekvideo vir “Kattebak” spog met die talent van Kate Roothman, bekend vir haar rol in die gewilde kykNET-sepie Binnelanders. Kate het voorheen ook ’n verskyning gemaak in Riaan se “Gooi My Nog ’n Whiskey”-musiekvideo. “Dit was so lekker om haar weer in ’n musiekvideo te hê. Sy is ’n ongelooflike aktrise,” sê Riaan.

Die video is op verskeie plekke in Pretoria verfilm deur Eric T Graham en Tehan Buys. Die span het reeds vroegoggend begin skiet. “Ons was al half vier die oggend op stel gewees, en dan het ons die aand verder verfilm,” onthou Riaan.

’n Besonderse hoogtepunt in die video is ’n ikoniese BMW 325, wat deur sy vriend Corbêr Viljoen beskikbaar gestel is vir die opname. “Dit was so snaaks. Ons moes ekstra sekuriteit reël vir die kar omdat dit so ’n gewilde kar is om mee rond te ry,” lag hy.

Met “Kattebak” bevestig Riaan Benadé weer eens sy vermoë om eerlike stories met kommersiële aantrekkingskrag te kombineer – ’n liedjie wat nie net die hart raak nie, maar ook die voete laat beweeg.

Kattebak is nou beskikbaar op alle digitale stroomdienste soos Apple Music, Spotify, Deezer en YouTube Music.

JACOBUS waag hand aan nuwe klank met ‘Mila’

Mon, 02 Mar 2026 08:02:06 GMT

JACOBUS waag hand aan nuwe klank met ‘Mila’

Ná ’n indrukwekkende debuutjaar waarin die jong en talentvolle JACOBUS die kollig betree het met sy eerste twee enkelsnitte, “Gat In Jou Sak” en “Wag Dat Jy Terugkeer”, is dié sanger en liedjieskrywer terug met ’n splinternuwe uitreiking: “Mila”.

“Mila” is ’n liedjie wat in die stilte van sy kamer op die plaas ontstaan het – ’n eerlike, spontane skepping wat die gevoel van ’n roekelose, filmiese liefde vasvang. “Dit gaan oor ’n roekelose fliek-liefde. Waar mens die beste tye van jou lewe saam met iemand het,” verduidelik JACOBUS.

Waar “Gat In Jou Sak” en “Wag Dat Jy Terugkeer” die seer en verlange van liefde belig het, vertel “Mila” ’n ander kant van die verhaal – een van lig, vryheid en die soort herinneringe wat jou laat glimlag wanneer jy dit die minste verwag. Volgens JACOBUS is dit ’n liedjie waarop mense behoorlik sal kan dans en kuier.

Met dié uitreiking waag hy hom ook buite sy bekende klank. “Mila” is ’n styl-eksperiment wat ’n nuwe rigting aandui vir sy musiek. “Ek sien uit na mense se terugvoer. As mense van ‘Mila’ gaan hou, gaan hulle beslis van die volgende liedjies hou,” sê hy.

Die musiekvideo vir “Mila” is verfilm deur Elias, wat ook JACOBUS se debuutvideo vir “Gat In Jou Sak” behartig het. Soos met sy eerste video, maak die gewilde TikTok-ster Mila G weer ’n verskyning.

Die video vertel die storie van ’n meisie wat rondloop terwyl sy na ’n liedjie luister wat haar terugneem na ’n goeie tyd in haar lewe. Soos die herinneringe ontvou, kruis sy weer paaie met die rede vir daardie spesiale oomblikke – en alles kom in ’n sirkel bymekaar.

Met sy oog op 2026, is JACOBUS gereed om nóg meer energie na die Afrikaanse musiektoneel te bring. “Ek wil baie meer musiek uitbring waarop mense kan dans en kuier. So verwag om ’n nuwe styl te sien,” deel hy opgewonde.

Met “Mila” wys JACOBUS dat hy nie bang is om te groei, te eksperimenteer en nuwe hoofstukke oop te skryf nie – en dié een klink beslis na die begin van ’n opwindende nuwe era.

Mila is nou beskikbaar op alle digitale stroomdienste soos Apple Music, Spotify, Deezer en YouTube Music.

VIA-reeks bring kykers agter die skerms van AiG 2025

Wed, 18 Feb 2026 08:22:24 GMT

VIA-REEKS BRING KYKERS AGTER DIE SKERMS VAN AIG 2025

VIA (DStv-kanaal 147) is gereed om kykers ’n unieke blik te gee op die emosionele reise van vyf van Suid-Afrika se geliefste kunstenaars terwyl hulle voorberei vir die grootste byeenkoms in Afrikaanse musiek.

Die oomblik , ’n ses-episode-werklikheidsdokumentêre reeks, begin op 22 Februarie 2026 en nuwe episodes sal elke Sondagaand om 20:00 uitgesaai word.

Die oomblik is ’n boeiende dokumentêre reeks wat kykers neem op ’n intieme reis saam met vyf uiteenlopende kunstenaars – Spoegwolf, Karlien van Jaarsveld, Dodo Nyoka, Demi Lee Moore en Appel – terwyl elkeen voorberei vir hul optredes by 2025 se Afrikaans is Groot-megakonserte in Pretoria.

" Die oomblik trek die gordyn oop vir ’n eksklusiewe kyk agter die skerms van Afrikaans is Groot en neem kykers saam op reis met van Suid-Afrika se geliefste kunstenaars. Ons ontmoet hul aanhangers en sien wat dit verg om uiteindelik die verhoog te betree," sê Zandri Douglas, die regisseur van Die oomblik .

Elke episode bied ’n diep karakterstudie wat die kunstenaar se persoonlike reis asook ’n portret van die mense wat daardie oomblik vir hulle moontlik gemaak het: ondersteuners, toegewyde superfans , én Afrikaans is Groot se agter-die-skerms-span.

Die reeks begin twee maande voor die groot byeenkoms en bou geleidelik spanning op deur die weke van voorbereiding, intensiewe repetisies en reis, en kulmineer in ’n klimaktiese finale episode wat die al die spanning en aksie agter die konsert se skerms dek.

Lea Knoesen, die reeksvervaardiger van Die oomblik , voeg by: "Ons is so opgewonde om vir kykers ’n ware kykie te gee van wat agter die skerms by Afrikaans is Groot aangaan. Wat ’n voorreg om vyf van ons land se grootste kunstenaars te sien voorberei vir die grootste konsert van die jaar!"

Arnold Coleske, die uitvoerende vervaardiger van Afrikaans is Groot, is verheug oor die samewerking met VIA: “Ons is trots om vir die eerste keer in Afrikaans is Groot se geskiedenis die deur oop te maak en vir kykers ’n kykie in ons wêreld te gee.”

Episode-lys:

Episode 1 (22 Februarie) - Spoegwolf
Episode 2 (1 Maart) - Karlien van Jaarsveld
Episode 3 (8 Maart) - Dodo Nyoka
Episode 4 (15 Maart) - Demi Lee Moore
Episode 5 (22 Maart) - Appel
Episode 6 (29 Maart) - Agter die skerms by Afrikaans is Groot

Die oomblik begin op Sondag, 22 Februarie 2026 om 20:00 op VIA (DStv kanaal 147). Nuwe episodes word elke Sondag om 20:00 uitgesaai. Die volledige reeks sal ook beskikbaar wees op Catch Up en DStv Stream.
Kaartjies vir Afrikaans is Groot 2026 is vanaf 31 Maart 2026 om 10:00 eksklusief op iTickets beskikbaar.

EDEN begin die somer met nóg ’n warm oorwurm!

Fri, 05 Dec 2025 08:04:00 GMT

This is a subtitle for your new post

Ná hulle terugkeer na die verhoog in September by die Afrikaans is 100 Jaar Groot-konsert en die uitreiking van hul nuwe enkelsnit “Kom Klop Weer”, het hulle Pretoria verras by Afrikaans is Groot. Nou is Jay du Plessis, Paulo Azevedo en Sean Else terug met nóg ’n vars oorwurm wat beslis die klankbaan van jou Desember gaan wees: “Gee My.”

“Ons musiek gaan nog altyd oor liefde en ’n goeie tyd. So die besluit om ’n dansliedjie te skryf wat die twee kombineer was nie ’n moeilike een nie,” verduidelik Paulo oor die nuwe liedjie, wat geskryf is deur Marco van Deventer en Georic Lomas.

Volgens Sean vang “Gee My” perfek vas waarvan aanhangers EDEN die meeste liefhet – kuier, dans en saam sing – maar met ’n moderne, energieke klank wat ideaal is vir die somer.

Jay stem saam: “Dis altyd baie pret om aan ’n EDEN-song te werk. Omdat ons drie vriende is wat al ’n lang pad saam stap, is elke enkelsnit fun en kan ons die kreatiwiteit lekker laat vloei.”

Hoewel “Gee My” ’n liefdesliedjie is, sê die groep dit is gemaklik en lig – ’n liedjie wat almal ’n goeie tyd laat hê, ongeag of jy verlief, verloof of enkellopend is.

Paulo voeg by: “Die afgelope paar maande was dit só lekker om weer terug te wees op die verhoog en nuwe musiek te maak. En om iets nuuts vir ons gehoor te bring – dit doen ons nou omdat ons wíl, nie omdat ons móét nie.”

Vir EDEN voel hierdie fase soos ’n nuwe begin. Aanhangers kan in 2026 uitsien na ’n handjievol eksklusiewe optredes – en dalk selfs nóg nuwe musiek.

Gee My is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn vry na ’n ‘bruinoog blond’ in nuwe liedjie

Fri, 05 Dec 2025 07:49:50 GMT

Chris Steyn vry na ’n ‘bruinoog blond’ in nuwe liedjie

Chris Steyn, die talentvolle sanger wat Suid-Afrika behoorlik verras het met liedjies soos “Plaas Dorp Toe”, “Ek Kannie” en “Helemal”, is terug met ’n splinternuwe enkelsnit – en hierdie keer raak hy meer persoonlik as ooit. “Bruinoog Blond” is vandag amptelik uitgereik en beloof om ’n gunsteling onder aanhangers te word.

Dié liedjie is ’n warm en eerlike huldeblyk aan sy meisie – en volgens Chris verduidelik dit presies wie sy is en hoe sy dinge doen. “My nuwe enkelsnit ‘Bruinoog Blond’ gaan oor my meisie, en dit verduidelik presies hoe sy is en hoe sy goed doen,” vertel hy.

Die liedjie is geskryf deur Georic Lomas en Marco van Deventer, twee liedjieskrywers wat ook die Aitsa vir liedjieskrywer van die jaar ontvang het. Chris is vol lof vir die span: “Ek dink Georic en Marco het net presies gecapture wat en hoe my meisie is, en dit in ’n cool liedjie vir my omskep.”

“Ek dink die rede hoekom ek die liedjie nou vrygestel het, is net die blote feit dat dit ’n bitterrrr lekker liedjie is – en ek hoop mense kan hulself daarmee vereenselwig.”

Hoewel “Bruinoog Blond” steeds die tipiese Chris-gevoel dra, erken hy dat dié liedjie ’n bietjie meer persoonlik is as sy vorige treffers. “Dit is meer persoonlik as ‘Plaas Dorp Toe’ of ‘Ek Kannie’,” sê hy. “Ouens wie se meisies blonde hare én bruin oë het, gaan hierdie liedjie vir dieselfde rede luister as ek – en dit net so baie geniet.”

Uiteindelik hoop Chris dat die liedjie net vreugde bring: “Ek wil hê mense moet dit geniet, lekker saam sing, en dat dit vir hulle ’n goeie gevoel gee.”

Hoewel daar nie ’n vol musiekvideo beplan word nie, kan aanhangers uitsien na ’n liriekvideo wat op YouTube beskikbaar sal wees.

Chris Steyn se aanhangers kan regmaak vir nog ’n treffer wat sommer vinnig deel van hul daaglikse en somer speellys gaan word.

Bruinoog Blond is nou beskikbaar op alle digitale stroomdienste soos Apple Music, Spotify, Deezer en YouTube Music.

Ruhan du Toit sê ‘totsiens’ vir die jaar met nuwe enkelsnit

Fri, 14 Nov 2025 10:29:38 GMT

Ruhan du Toit sê ‘totsiens’ vir die jaar met nuwe enkelsnit

Ruhan du Toit, een van Afrikaans se mees geliefde en herkenbare stemme, sluit 2025 op ’n ligte en positiewe noot af met die uitreiking van sy nuwe enkelsnit, “Totsiens” – ’n liedjie wat perfek vasvang hoe ons met hoop en dankbaarheid die ou jaar groet en die nuwe een verwelkom.

“Totsiens” is ’n vrolike, kontemporêre Afrikaanse liedjie wat handel oor die krag van verandering en die mense wat lig bring in moeilike tye. “Partykeer in die rofste tye het jy net daai een iemand nodig wat alles kom verander, sodat jy ‘cheers’ kan sê vir die slegte tye,” verduidelik Ruhan.

Dié liedjie is geskryf deur Georic Lomas en Marco van Deventer, twee name wat onlangs ook met die Aitsa-toekenning vir liedjieskrywer van die jaar weggestap het. Die lirieke en melodie bring die perfekte balans tussen inspirasie en energie – met Ruhan se kenmerkende stem wat die boodskap met opregtheid en warmte oordra.

“Ek wou die jaar afsluit met iets wat mense laat glimlag,” sê Ruhan. “Ons almal het dinge wat ons graag wil agterlaat – en ‘Totsiens’ gee jou daardie lekker gevoel van afsluiting én nuwe begin. Dis ’n liedjie wat mens kan luister of jy verlief is, of net klaar is met alles wat sleg was.”

Volgens hom is “Totsiens” bedoel om luisteraars positief te laat voel. “Ek hoop dit bring lig en vrolikheid – iets wat jy sommer enige tyd van die dag kan aansit om jou gemoed te lig,” voeg hy by.

Die musiekvideo, wat wat saam met die enkelsnit uitgereik word, bied ’n vars, egte kykie agter die skerms. Die produksiespan het doelbewus gekies vir ’n spontane “rehearsal”-styl video – sonder dat die orkes of videograaf die liedjie vooraf gehoor het. “Dit het die verfilming ongelooflik natuurlik gemaak,” sê Ruhan. Die video is by Upper East Side in Hazelwood, Pretoria verfilm, met Eric Graham en sy span aan die produksie, saam met Georic Lomas en Marco van Deventer.

Met “Totsiens” wys Ruhan du Toit weer hoekom hy een van die mees gerespekteerde kunstenaars in die Afrikaanse musiekbedryf bly – ’n kunstenaar wat telkens nuwe lewe in die taal en sy musiek blaas.

Totsiens is nou beskikbaar op alle digitale stroomdienste soos Apple Music, Spotify, Deezer en YouTube Music.

Die Goue 100 Finale: ’n Muntstuk wat harte én geskiedenis vasvang

Tue, 11 Nov 2025 14:35:15 GMT

Die Goue 100 Finale: ’n Muntstuk wat harte én geskiedenis vasvang

Dit was ’n goue jaar—letterlik—vir versamelaars en beleggers. Sedert die eerste Afrikaans is 100 -herdenkingsmunte vroeër vanjaar geslaan is, het die belangstelling rondom hierdie unieke erfenisstukke net sterker gegroei.

Wat begin het as ’n viering van ’n eeu van Afrikaans as amptelike taal, het vinnig ontwikkel in een van die mees opwindende suksesverhale in Suid-Afrikaanse numismatiek. Die beperkte Afrimunt-versameling—gemaak uit goud, silwer en brons—het ’n merkwaardige styging in waarde getoon, wat die wêreldwye groei in edelmetaalpryse weerspieël.

Oor die afgelope ses maande het goud met 16% gestyg, terwyl silwer met ’n verstommende 41% gespring het. Munteienaars is in hul noppies.

“Dit is nie net ’n belegging nie—dit is om ’n stukkie geskiedenis te besit,” vertel een van die eerste versamelaars trots terwyl hy sy goue AfriKoin blink poets.

Die eksklusiewe reeks van slegs 100 goue munte is vroeg in die jaar vinnig deur gretige beleggers en versamelaars opgekoop. Nou val die kollig op Die Groot Nommer—Munt #100 , die laaste en mees gesogte stuk in die reeks.

Hierdie munt sal op 15 November onder die hamer gaan tydens ’n privaat veiling, aangebied in samewerking met Laeveld Agrochem, en saamvallend met die Afrikaans is Groot konsertreeks. Voorbiebod is reeds oop via Bassanis Auction House, en die spanning bou op. Sal Die Goue 100 Finale ’n rekordprys vir ’n 1 oz goue munt haal?

As die massiewe skares wat die DHL-stadion in September 2025 vir die Afrikaans is 100 Groot konsert gevul het, enige aanduiding is, kan die entoesiasme vir hierdie kulturele skatstuk dalk weer geskiedenis maak.

Vir diegene wat nie ’n goue uitgawe kon bemagtig nie, is daar steeds ’n beperkte hoeveelheid silwer- en bronsmunte beskikbaar vir voorafbestelling by www.afrikaansis100.co.za , www.wowbuy.co.za en by die naweek se Afrikaans is Groot konserte vir die wat dit bywoon.

Moenie jou kans mis om geskiedenis te sien gebeur—of self deel daarvan te word nie.

Plaas jou bod vir Munt #100 hier:

Riana Nel keer terug met nuwe album ‘Sing’

Fri, 03 Oct 2025 10:36:22 GMT

Riana Nel keer terug met nuwe album ‘Sing’

Dis vyf jaar sedert Riana Nel laas ’n album uitgereik het, maar die wag is verby. Die bekroonde sangeres en liedjieskrywer stel nou haar nuutste album, “Sing”, bekend – ’n projek wat diep uit haar hart spruit en luisteraars opnuut gaan inspireer.

Die album bestaan uit sewe snitte – “Kies”, “Laat U Wil”, “Ek Wonder”, “Wat Nou?”, “Die Seën” – asook twee splinternuwe liedjies, “Sing” en “Vir Jou”.

“‘Sing’ is wat ek doen as my gedagtes begin dwaal. Want niks werk so goed soos sing om die stemme stil te maak nie. In die geval sing ek oor dinge wat vir my saakmaak. En soos Elvis gesê het: as dit gevaarlik is om te praat, sing,” vertel Riana.

Met hierdie album het sy haar benadering verander: “Hierdie keer voel ek minder bang. Ek maak nie meer musiek om die gehoor tevrede te stel nie. Ek maak kuns met ’n boodskap. Daar is ’n generasie wat rigting soek – en ek ken die pad,” sê sy.

Een van die mees persoonlike snitte, “Vir Jou”, het ontstaan uit haar eie vrae as ma: “Doen ek genoeg? Kan ek my kinders beskerm? Uiteindelik moes ek besef net God kan help. Hierdie liedjie is my oorgawe aan Hom – vir my kinders en vir wat ek glo,” verduidelik sy.

Die titelsnit “Sing” se musiekvideo is verfilm deur New Ending Media en beeld ’n kreatiewe konsep waar Riana teenoor haarself sing – ’n visuele voorstelling van die innerlike stryd oor selfbeeld en identiteit uit.

Die album sluit ook “Die Seën”, Riana se duet met die gospelsanger Retief Burger – ’n Afrikaanse weergawe van die internasionale treffer “The Blessing” deur Kari Jobe en Cody Carnes, wat reeds in 2022 groot impak gemaak het in.

Die ander liedjies – “Wat Nou?”, “Ek Wonder”, “Kies” en “Laat U Wil” – is in die afgelope twee jaar as enkelsnitte uitgereik. Laasgenoemde is veral besonders: “‘Laat U Wil’ het begin as ’n eenvoudige gebed saam met my kinders. Ek het dit nie geskryf met ’n mark in gedagte nie, maar in my kamer – net ek en God. Ek wou Hom eenvoudig vertrou,” sê Riana.

Met “Kies” bring sy weer ’n sterk boodskap: “Ek voel dinge gaan vinnig agteruit in die wêreld. Die vraag is – het jy al gekies?”

Riana som haar nuwe album só op: “Geloofwaardig. Dit is my oorloë wat ek geveg het en my stryd deurgevoer sodat ander hopelik iets kan wegvat, leer en verander in hulself.”

Met “Sing” bevestig Riana Nel nie net haar plek as een van Suid-Afrika se mees veelsydige kunstenaars nie, maar wys sy ook hoe diep haar kreatiwiteit en geloof verweef is.

Sing is nou beskikbaar op alle digitale stroomdienste soos Apple Music, Spotify, Deezer en YouTube Music.

Talentvolle JACOBUS keer terug met nuwe enkelsnit

Fri, 03 Oct 2025 10:24:17 GMT

Talentvolle JACOBUS keer terug met nuwe enkelsnit

Vroeër vanjaar het die talentvolle JACOBUS sy musiekdebuut gemaak met die treffende liedjie “Gat In Jou Sak”. Nou keer hy terug met sy tweede enkelsnit, “Wag Dat Jy Terugkeer” – ’n alternatiewe, storievertellende liedjie wat luisteraars diep in hul emosies gaan laat delf.

Dié liedjie is deur JACOBUS self geskryf en het ontstaan uit ’n baie persoonlike ervaring. “Daar was ’n tyd in my lewe waar ek en iemand se paaie geskei het. In die dae daarna was daar ’n gevoel van afwagting dat die persoon weer sou terugkom. Ek het hierdie liedjie geskryf om presies daardie gevoel vas te vang,” verduidelik hy.

Met ’n drywende akoestiese klank en uitstekende produksie, bring “Wag Dat Jy Terugkeer” die atmosfeer perfek bymekaar. Die lirieke verken die universele gevoel van verlies en verlange, maar ook die hoop dat iemand weer deel van jou lewe kan wees.

“As storieverteller is dit vir my baie opwindend om hierdie liedjie aan die wêreld bekend te stel,” sê JACOBUS. “Ek glo mense gaan hulle eie situasies daarin herken en hopelik ’n sterk emosionele konneksie maak. Dit is die tipe musiek wat ek wil skep – musiek wat mense kan laat voel, onthou en dalk selfs genees.”

Hoewel daar ongelukkig nie ’n musiekvideo beplan word nie, het JACOBUS en ’n stylvolle liriekvideo saam met Margot Rothman geskep om die liedjie visueel te ondersteun.

Met sy eerlike lirieke, unieke storievertelling en aansteeklike klank, bevestig “Wag Dat Jy Terugkeer” dat JACOBUS ’n kunstenaar is om dop te hou.

Wag Dat Jy Terugkeer is nou beskikbaar op alle digitale stroomdienste soos Apple Music, Spotify, Deezer en YouTube Music.

EDEN kom klop ná byna 10 jaar wéér!

Thu, 11 Sep 2025 15:48:09 GMT

EDEN kom klop ná byna 10 jaar wéér!

Dis byna tien jaar later, en die wens van duisende aanhangers is uiteindelik bewaarheid: die ikoniese musiekgroep EDEN is terug op die verhoog.

“Arnold het gevoel omdat Afrikaans vanjaar sy 100ste bestaansjaar vier, moet ons daardie nostalgie terugbring,” vertel Paulo Azevedo.

EDEN het die Afrikaanse musiekbedryf betree in 2000 by Aardklop, toe hulle hul debuutalbum “If” uitgereik het. Die oorspronklike viertallige groep het bestaan uit Paulo Azevedo, Johan Vorster en Sean Else, Cornel Driessen. In 2003 het hulle die baanbrekersalbum “Point of No Return” bekendgestel. Nadat Sean die groep verlaat het, het Jay, Paulo en Johan die groep voortgesit en albums soos “EDEN” (2006), “Knieë Lam” (2008) en “Dekade” (2010) opgelewer. Met die album “Nooit Oud Raak Nie” het hulle in 2015 amptelik afskeid geneem.

Nou, in 2025, is die legendariese klanke van EDEN weer terug – hierdie keer as ’n drietal bestaande uit Jay du Plessis, Paulo Azevedo en Sean Else.

“Sean het sulke belangrike rol in die beginjare van EDEN gespeel,” verduidelik Paulo. “Ons is almal in amper in on vyftigs en het gedink: kom ons geniet dit net weer,” lag Sean.

Hul eerste optrede as die “nuwe” EDEN vind plaas by die Afrikaans is 100 Jaar Groot-konsert op 20 September 2025 in die DHL-stadion in Kaapstad. Net ’n week later, op 27 September, bedank hulle hul ondersteuners met ’n gratis optrede by Stoetbul in Pretoria – ’n spesiale geskenk aan die lojale aanhangers oor die jare heen.

As ’n kersie op die koek stel EDEN ook hul splinternuwe enkelsnit, “Kom Klop Weer”, bekend – geskryf deur Marco van Deventer, Georic Lomas, Paulo Azevedo en Bella Coleske.

“Die lirieke speel slim met titels uit ons vorige treffers. Vir enige ou EDEN-aanhanger gaan dit soos ’n tydreis voel,” sê Jay.

Die musiekvideo vir dié liedjie, vervaardig deur Eric T Graham en Tehan Buys van ETC Creative, vang juis hierdie nostalgie op ’n speelse manier vas. “Dit begin in ’n ouetehuis waar ons stokoud is, en eindig by Stoetbul waar ons soos altyd die lewe voluit leef,” verduidelik Paulo met ’n glimlag.

Vir aanhangers beteken EDEN se terugkeer meer as net musiek – dit is ’n viering van herinneringe, vriendskap en die tydlose krag van Afrikaanse musiek.

Kom Klop Weer is nou beskikbaar op alle digitale stroomdienste soos Apple Music, Spotify, Deezer en YouTube Music.

Appel se vyfsnit kortspeler is hier

Thu, 11 Sep 2025 08:38:38 GMT

Appel se vyfsnit kortspeler is hier

Die veelbekroonde liedjieskrywer en sanger Appel het pas sy splinternuwe vyfsnit-kortspeler, “Genesis”, op alle digitale stroomdienste bekendgestel. Twee van die snitte, “Die Boer Hier Binne My” en “Sterre”, is reeds vroeër in Augustus uitgereik en het groot aandag getrek. Nou is die volledige kortspeler vir luisteraars beskikbaar.

Die titelsnit, “Genesis”, is ’n diep persoonlike lied wat Appel se geloofsreis verwoord. “Ek begin elke jaar weer by Genesis... die dag as jy jou paaie kruis met die Here, is nie net ’n mooi oomblik nie. Dis jou eie begin. En as jy daai dag regtig raaksien, word die geraas van die wêreld net stiller. Jy en Hy bly oor. Minder van jou, meer van Hom,” verduidelik hy.

Met “Sterre” keer Appel terug na die vroeë dae van sy liefdesverhaal met sy vrou. “Sy het in die stad gebly en ek op die plaas. Die kilometers tussen ons was lank, maar die hemel was dieselfde. Wanneer ons verlang het, het ons opgekyk na dieselfde sterre en geweet ons is tog naby,” vertel hy.

“Die Boer Hier Binne My” is geïnspireer deur gesprekke met boere en werkers regoor Suid-Afrika. Appel sê: “Ek het gereeld gehoor hoe moeilik dit geword het om iets van nuuts af op te bou – veral in landbou. In daardie konteks het die woorde van Lukas 10:2 my getref: Die oes is groot, maar die arbeiders is min.”

Die fokussnit van die kortspeler, “Alice”, bring ’n ander energie. Geïnspireer deur 80’s-rock, beskryf Appel dit as die “swartskaap” van die EP: “Sy herinner my daaraan dat die lewe nie net gebed en swaar is nie, dis ook energie, chaos en musiek wat mag uitskiet.” Die musiekvideo, verfilm deur Eric T Graham en Tehan Buys, is ’n nostalgiese terugflits na skooldae – met algebra, ’n te mooi proefjuffrou en stoutgat kinders wat uiteindelik hul plek in die wêreld vind.

Die kortspeler word afgerond met Lemoenkloof, ’n lied wat Appel as rigtingwyser vir sy kind geskryf het. “Ek onthou daai aand in die Paarl by ’n gastehuis met rooi bakstene. Ek het in die wind ’n koor gehoor wat ek nie kon ignoreer nie. Twee weke later was daar ’n lied.”

Met “Genesis” bied Appel ’n unieke balans van geloof, liefde, inspirasie en nostalgie – ’n projek wat sekerlik diep gaan resoneer met sy luisteraars.

Genesis is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn se nuwe enkelsnit is vir die met twee linkervoete

Thu, 11 Sep 2025 08:23:02 GMT

Chris Steyn se nuwe LIEDJIE IS vir die met twee linkervoete

Chris Steyn, oftewel Plakkies soos sy gehoor hom ken, het pas sy splinternuwe enkelsnit “Ek Kannie” op alle digitale stroomdienste vrygestel.

Hierdie vrolike kuierliedjie, geskryf deur Chris self saam met Georic Lomas, Marco van Deventer en Bella, is ’n tong-in-die-kies huldeblyk aan “die Afrikaanse man wat gebore is met twee linkervoete.”

“Dié liedjie gaan oor ’n Afrikaner wat alles kan doen – van trekker ry tot werk aanpak – maar wanneer dit by dans kom, is hy heeltemal verlore,” vertel Chris laggend. “Ek hoop die publiek gaan dit geniet, lekker sokkie en kuier, en dat dié van ons wat weet ons kan nie dans nie ’n lekker lag sal kry uit die lirieke. Wie weet – dalk kry dit selfs party van hulle op die dansvloer!”

Die musiekvideo van “Ek Kannie” is onlangs by Hanger47 in Centurion verfilm deur Eric T Graham en Tehan Buys, wat ook agter Chris se “Helemal” musiekvideo gestaan het. “Die video is baie eenvoudig – net ek en my band wat agter op Cruisers staan en die liedjie lekker jam,” verduidelik Chris.

Met “Ek Kannie” bevestig Chris sy plek as een van Afrikaans se mees vermaaklike en egte kunstenaars. Hy sê sy droom vir die toekoms is eenvoudig: “Ek wil die volgende vyf jaar net die beste moontlike musiek vir my luisteraars uitbring. Dis vir my ’n ongelooflike voorreg om my passie vir musiek en reis elke dag te kan uitleef.”

Ek Kannie is nou beskikbaar op alle digitale stroomdienste soos Apple Music, Spotify, Deezer en YouTube Music.

ONS verf die dansvloer blou met nuwe enkelsnit

Mon, 18 Aug 2025 10:58:29 GMT

ONS verf die dansvloer blou met nuwe enkelsnit

Die dinamiese musiekduo ONS, wat bestaan uit Marco van Deventer en Ruvé Erasmus, is terug met ’n nuwe enkelsnit wat jou sommer dadelik na die dansvloer sal lok. “Naam” is ’n sprankelende pop-treffer wat die gevoel van liefde op die eerste oogopslag vasvang – daardie oomblik wanneer jy iemand sien, halsoorkop verlief raak en weet: dit is jou persoon.

Marco, wat grootendeels die liedjie geskryf het, verduidelik: “Dis wanneer jy iemand sien en jy sommer dadelik weet jy wil die res van jou lewe saam met hulle spandeer. Die enigste ding wat jy nog kort, is hul naam.”

Volgens Ruvé bly “Naam” getrou aan ONS se gewilde resep: “Ek is seker as jy van ‘Lag’ gehou het, gaan jy beslis van ‘Naam’ hou,” sê sy.

Met ’n vars popklank en ’n aansteeklike tempo, glo Marco dat dié liedjie iets nuuts bied aan die Suid-Afrikaanse musiektoneel: “Ons het met ’n unieke klank geëksperimenteer wat nog nie hier gedoen is nie.”

As hulle die liedjie in drie woorde moet beskryf, antwoord hulle sonder huiwering: “Verliefdheid, adrenalien en misterie.”

Die musiekvideo vir “Naam” is by Railways Café in Centurion verfilm deur Eric T Graham en Tehan Buys, met verskeie vriende van die duo wat daarin verskyn. Die kreatiewe konsep het begin toe Marco ’n blou elektriese kitaar raakgesien het – ’n visuele inspirasie wat toe die kleurtema vir die hele projek geword het.

“Ek het selfs ’n micstand blou gespuitverf om in te pas,” vertel Ruvé.

Marco voeg met ’n glimlag by: “Ons wou hê mense moet dit onthou as ‘die blou liedjie’, selfs al onthou hulle nie die liedjie se naam nie – verskoon die pun.”

Met “Naam” beplan ONS om landswyd te toer. Hulle sal ook hul heel eerste optrede op die Krone-verhoog hê, en in Desember weer die GrootFees in Hartenbos aan die brand sing.

Naam is nou beskikbaar op alle digitale stroomdienste soos Apple Music, Spotify, Deezer en YouTube Music.

Lukas 10:2 inspireer Appel se nuwe enkelsnit vanaf die kortspeler ‘Genisis’

Mon, 11 Aug 2025 08:10:15 GMT

Lukas 10:2 inspireer Appel se nuwe enkelsnit vanaf die kortspeler ‘Genisis’

Die sanger en liedjieskrywer Appel het sopas die eerste enkelsnit vanaf sy opkomende vyf-snit kortspeler (EP), “Genisis”, uitgereik. Dié liedjie, getiteld “Die Boer Hier Binne My”, is ’n eerlike, grondvaste stuk musiek wat diep resoneer met die tye waarin ons leef.

“Dis die hartklop van die hele EP. Stil, eerlik en vol waarheid. Dit som presies op waar ek is – as mens, pa en kunstenaar. Ek dink mense het op hierdie stadium minder behoefte aan geraas en meer aan egtheid,” sê Appel.

Die inspirasie vir die liedjie het gekom tydens gesprekke met boere en werkende mense regoor die land. Appel het gereeld gehoor hoe moeilik dit geword het om iets van nuuts af op te bou – veral in landbou. In daardie konteks het die woorde van Lukas 10:2 hom getref: “Die oes is groot, maar die arbeiders is min.”

Dié vers verskyn ook in Matteus 9:37 – ’n teksgedeelte waarin Jesus die dringendheid van werk in die wêreld uitlig, en die behoefte aan mense wat bereid is om op te staan en aan te vat.

“Ek het daai vers gelees en iets het my getref. Dis nie net ’n geestelike beeld nie – dis ook prakties. Dis ek. Dis mense wat opdaag, selfs al is hulle moeg. Dis ’n huldeblyk aan hulle.”

Appel neem luisteraars terug na sy agtergrond – nie ’n stil huis nie, maar een vol mense, klanke en stories.

“Ek het grootgeword in ’n huis waar dit gedruis het van kinders, oumense, geselskap en lewe. Mense wat gelag het, gepraat het, en ook swaar gedra het. Hierdie lied is gebore uit daardie mengsel – van werklikheid, harde werk, en geloof.”

“Die Boer Hier Binne My” is nie ’n gesofistikeerde poging om te beïndruk nie. Dis ’n liedjie wat probeer herinner – aan eenvoud, aan roeping, en aan mense wat bly staan. “Ek hoop dit bring rus. Ek hoop iemand voel minder alleen. En ek hoop dit herinner mense dat hulle saaiwerk nie tevergeefs is nie.”

Die musiekvideo, onder regie van Christiaan Wolf, is opgeneem op plaasgrond net buite Pretoria. In koue oggendlig, met reëntonele en sterk portrette van boere, is daar doelbewus gestreef na egtheid en emosionele trefkrag.

“Christiaan verstaan gevoel. Die portrette van die boere sê meer as wat ek ooit sou kon. Dit was belangrik vir ons om nie iets te speel nie – maar iets regtig te wys.”

Die projek is met trots ondersteun deur Case IH en Laeveld Agrochem, twee organisasies wat die hart van landbou verstaan en self elke dag tussen boere werk.

Terwyl die EP grootliks getrou bly aan Appel se bekende styl van eerlike Afrikaanse musiek, is daar ook plek vir verrassings. Onder die snitte is die 80’s rock-geïnspireerde “Alice”, wat Appel beskryf as die “swartskaap” van die stel.

“Alice bring balans. Sy herinner my daaraan dat die lewe nie net gebed en swaar is nie, dit’s ook energie, chaos, en musiek wat mag uitskiet.”

“Genisis”, Appel se nuwe kortspeler, beloof om dieper te gaan as net melodie. Dis ’n projek wat streef na emosionele egtheid en wil eer bring aan mense se alledaagse stryd én hoop.

Met “Die Boer Hier Binne My” as eerste enkelsnit, word dit duidelik: Hier’s nie net musiek op pad nie hier’s ’n boodskap.

Die Boer Hier Binne My is nou beskikbaar op alle digitale stroomdienste soos Apple Music, Spotify, Deezer en YouTube Music.

Riana Nel gee beheer oor met diep roerende nuwe enkelsnit

johancv@coleskeartists.co.za (Coleske Artists) — Thu, 31 Jul 2025 23:00:02 GMT

Riana Nel gee beheer oor met diep roerende nuwe enkelsnit

Die geliefde sangeres en liedjieskrywer Riana Nel het sopas haar mees persoonlike en geestelike enkelsnit tot op hede uitgereik: “Laat U Wil” – ’n liedjie wat haar diep geloofsreis en hart vir God op ’n eerlike en rou wyse weergee.

Wat begin het as ’n eenvoudige gebed saam met haar kinders – die woorde van die Onse Vader – het met tyd in Riana se hart ’n melodie begin vorm. Ná ’n jaar van musiekskryf, het sy eerder haar hart oopgebid: “Laat U wil geskied, Heer.” Vanuit daardie plek van oorgawe is “Laat U Wil” gebore – nie met ’n plan of mark in gedagte nie, maar as ’n spontaan-deurleefde stukkie aanbidding in haar kamer.

“Ek het nie hierdie liedjie geskryf om ’n treffer te wees nie. Dit was ek en God. Ek het dit geskryf omdat ek nie meer beheer oor alles wil hê nie. Ek vertrou Hom,” het Riana gesê.

Anders as haar vorige werk wat soms vanuit ’n evangelistiese perspektief gekom het, is hierdie liedjie eerder ’n weerspieëling van ’n persoonlike verhouding tussen Riana en God. Dis eerlik, sonder enige produksie-resep of kommersiële agenda.

“Ons het nie gekyk na ‘charts’ nie. Ons was nie gebind aan wat werk nie. Ons het bloot gehoop dit sou iemand anders ook in hulle stilte vind.”

Dié liedjie is saam met Graaff, Floors, Arnold en Paulo verwerk – ’n span wat nie net musikale bydraes gemaak het nie, maar ook deel geword het van die liedjie se geloofsreis. Die vryheid om eerlik musiek te maak sonder druk, het vir Riana bevrydend gevoel..

“Ek is nou in my middel-veertigs en weet nou meer as ooit: wanneer jy jou lewe neerlê, is dit waar jy werklik begin lewe.”

Riana hoop dat “Laat U Wil” nie net mooi klink nie, maar dat dit ’n indruk maak – dat dit mense sal herinner aan die krag en rustigheid wat kom wanneer mens beheer oorgee aan God. Dat dit mense sal help om weer Sy stem te hoor – veral in tye van onsekerheid.

“Ek bid dat mense sal besef: hierdie God is goed. Hy sien wat ons nie sien nie. Hy is ons Verlosser.”

Die musiekvideo – Riana se vyfde saam met Ryno Cronje van New Ending Media – is op ’n berg verfilm, met Riana wat op ’n klavier in die natuur speel terwyl die son skyn. Die eenvoud van die video reflekteer die essensie van die liedjie self: rou, eg, sonder versiering – maar met soveel diepte.

“Ons eerste location het toe gewerk. Selfs die klavier is op wonderbaarlike wyse bo-op die berg gekry. Ek het gehuil. Alles het anders gewerk hierdie keer.”

Laat U Wil is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn en Bella se liedjie ‘Winter in die Kaap’ roer harte

johancv@coleskeartists.co.za (Coleske Artists) — Fri, 20 Jun 2025 00:00:00 GMT

Chris Steyn en Bella se liedjie ‘Winter in die Kaap’ roer harte

Hy het met sy sielvolle stem en sy kenmerkende plakkies die derde seisoen van Die Kontrak gewen. Sy is ’n kranige liedjieskrywer wat al vir van Suid-Afrika se grootste kunstenaars liedjies geskryf het. Nou snoer Chris Steyn en Bella kragte saam in hul eerste enkelsnit as ’n duet, getiteld “Winter In Die Kaap”.

“Ek en Bella het die liedjie saam geskryf en nooit gedink dat ons dit eendag sou saam sing nie, maar nou is dit ’n realiteit en ons is baie opgewonde daaroor,” sê Chris.

“Winter In Die Kaap” verken die uitdagings van ’n verhouding tydens moeilike tye – vergelyk met die gure Kaapse winter – maar bring ook ’n boodskap van hoop, liefde en herstel. “Dis daardie gevoel van verlange – nie net na plekke nie, maar na mense en tye wat verby is, en steeds ’n plek in jou hart het,” verduidelik Bella. “Nostalgie is die hartklop van hierdie liedjie.”

Chris voeg by: “Die liedjie gaan oor ’n tyd in ’n mens se lewe wanneer dinge moeilik is, en jy wens daar was iemand om jou vas te hou en vir jou raad te gee. Dit is eerlik en rou.”

Die samewerking tussen Chris en Bella het oor tyd gegroei. Dié twee het reeds in 2023 saam begin liedjies skryf en nou, twee jaar later, deel hulle ’n liedjie wat vir albei persoonlik betekenisvol is. “Bella het ongelooflike kennis van musiek en weet hoe om ’n liedjie te verryk met melodieë en gevoel. Ek het baie geleer deur saam met haar te werk,” sê Chris.

Bella beskryf dié ervaring as ’n hoogtepunt in haar loopbaan: “Ek het nooit gedink ek sal ooit self iets uitreik nie, ek sien myself steeds meer as ’n liedjieskrywer as ’n sanger. Maar om hierdie liedjie – wat so na aan my hart is – saam met Chris te sing, is iets besonders.”

Die musiekvideo vir “Winter In Die Kaap” is deur Elias verfilm in die pragtige, maar yskoue omgewing van Stellenbosch en Somerset-Wes. “Dit was seker die twee koudste dae van my lewe!” lag Chris. “Die wind het ons amper van die berg afgewaai.” Vir Bella, wat tans in Stellenbosch studeer, was die verfilming ’n ekstra spesiale ervaring: “Al het ons gevries, was dit een van die lekkerste dae – en definitief iets wat ek nooit sal vergeet nie.”

Met “Winter In Die Kaap” bring Chris en Bella nie net hul kreatiewe vermoëns bymekaar nie, maar ook hul harte – en dit weerklink in elke noot.

“Ons hoop luisteraars vind aanklank by die emosie in die liedjie. Dis ’n herinnering dat ons almal moeilike tye beleef, maar ook dat daar altyd hoop is,” sluit Chris af.

Winter In Die Kaap is nou beskikbaar op alle digitale stroomdienste soos Apple Music, Spotify, Deezer en YouTube Music.

Jay du Plessis maak winter warmer met nuwe liedjie ‘Dans Die Vlamme Dood’

johancv@coleskeartists.co.za (Coleske Artists) — Thu, 05 Jun 2025 23:30:00 GMT

Jay du Plessis maak winter warmer met nuwe liedjie ‘Dans Die Vlamme Dood’

Die yskoue winter mag dalk met ons wees, maar Jay du Plessis is hier om dinge warm te maak! Met sy splinternuwe enkelsnit, “Dans Die Vlamme Dood”, nooi hy aanhangers regoor die land om die koue af te skud en saam met hom te dans soos net hy kan.

“Dans Die Vlamme Dood” is ’n opwindende toevoeging tot Jay se bekende dans/pop-repertoire en vertel die storie van ’n man wat vir sy geliefde sing oor die wonderlike tye wat vir hulle voorlê. Die liedjie is ’n eerbetoon aan liefde, geluk en die eenvoudige vreugde van saam wees – perfek vir ’n Vrydagaand as jy die week se probleme agter jou wil laat.

Wat dié snit besonder spesiaal maak, is die feit dat dit geskryf is deur Jay se goeie vriend, Johan Oberholzer, wat vroeër vanjaar oorlede is. “Ek wens ek kon Johan vra wat sy inspirasie was,” sê Jay. “Maar dit maak die liedjie vir my soveel meer persoonlik en emosioneel waardevol.”

Die produksie van die liedjie is behartig deur die talentvolle Werner Beukes, ’n ou vriend van Jay. “Dit was ’n fees om weer saam met Werner te werk ná ’n paar jaar. Ons is reeds besig met nóg iets opwindends saam – hou gerus dop!”

Hoewel daar nie tans ’n musiekvideo beplan word nie, kan aanhangers uitsien na ’n liriekvideo – perfek om saam te sing en te dans.

Jay deel: “Ek is net opgewonde om mense se voete aan die beweeg te kry. Dis presies wat hierdie liedjie doen – dis ’n regte danssnit met energie, warmte en lewenslus. Ek hoop die publiek ontvang dit goed. Tot dusver was ek nog nooit teleurgestel deur my getroue luisteraars nie.”

“Dans Die Vlamme Dood” is nou beskikbaar op alle digitale platforms. Sit die volume op maksimum, trek jou dansskoene aan, en laat Jay du Plessis jou winter warmer maak!

Dans Die Vlamme Dood is nou beskikbaar op alle digitale stroomdienste soos Apple Music, Spotify, Deezer en YouTube Music.

Vyf sangers vat die pad bos toe vir ’n ‘Jagtrip’

johancv@coleskeartists.co.za (Coleske Artists) — Fri, 30 May 2025 06:20:18 GMT

Vyf sangers vat die pad bos toe vir ’n ‘Jagtrip’

Pak jou tas, want vyf van Suid-Afrika se gewildste manlike kunstenaars – Ricus Nel, Ruhan du Toit, Chris Steyn, Bok van Blerk en Jay – gaan op ’n “jagtrip”!

Dié manne se jagavontuur het sopas begin – dis ook die inspirasie én titel van ’n splinternuwe enkelsnit, “Jagtrip”, wat pas op digitale stroomdienste uitgereik is.

Dié energieke liedjie is geskryf deur Georic Lomas en Marco van Deventer, wat self die idee gekry het terwyl hulle op hul eie jagtrip was. “Ons was saam met ’n klomp manne in die bos. Ons kon nie regtig jag nie, maar ons het definitief die gees gebring,” lag Marco. Georic voeg by: “Daar is altyd daai ouens wat jag vir die trofees… en dan is daar ons – wat jag vir die gees.”

Die samewerking tussen die vyf kunstenaars bring hope persoonlikheid, humor en kameraadskap na die liedjie. Elk van hulle bring sy eie “jag-gewoontes” saam.

Jay deel met ’n knipoog: “Wanneer ek bos toe gaan, pak ek altyd my .300 WinMag, my jagpakkie, hoed en vellies, my fles, mes, flits, patrone – en natuurlik skoon onderbroeke!” Hy voeg by: “Onthou om jou werk en alles wat jou pla by die huis te los en die bos te geniet.”

Bok van Blerk neem dit met dieselfde tong-in-die-kies-humor: “Ek pak gewoonlik my kettie, ’n knipmes en onderbroeke… en ek maak seker mamma het blomme en dat die kredietkaart se limiet laag is voor ek gaan jag,” lag hy.

“Jagtrip” is ’n liedjie vir die manne (en vroue!) wat hou van ’n bietjie bosveld-gees – of jy nou regtig op ’n jagtrip is, of net wens jy kon gaan. Met ’n pakkende melodie, skerp lirieke en die unieke stemme van vyf van die land se gunsteling sangers, beloof dié snit om die klankbaan van jou volgende jagavontuur te wees.

Dis tyd om die werk agter te laat, die flessie te vat, en die volume oop te draai – want hierdie “Jagtrip” gaan loop soos stroop!

Jagtrip is nou beskikbaar op alle digitale stroomdienste soos Apple Music, Spotify, Deezer en YouTube Music.

Liza Nel skitter met haar mees persoonlike liedjie nóg!

Mon, 26 May 2025 08:33:29 GMT

Liza Nel skitter met haar mees persoonlike liedjie nóg!

In 2023 het die Afrikaanse musiekbedryf die blondekop sangeres Liza Nel leer ken met haar vrolike en tong-in-die-kies liedjie “My Bok”. In 2024 het sy verder haar plek in die bedryf gevestig met die liedjie “Rooi”. En nou is sy terug – en sterker as ooit – met haar beste werk nóg, die splinternuwe enkelsnit “Moes Maar Ek Moenie.”

Dié liedjie is ’n spanpoging tussen Liza self, Bella Coleske, Georic Lomas en Marco van Deventer – ’n kreatiewe kombinasie wat ’n musiekstuk geskep het wat nie net melodieus betower nie, maar ook diep emosioneel raak. “Dit was vir my die grootste voorreg,” sê Liza.

Sy beskryf “Moes Maar Ek Moenie” as ’n Country-liedjie met ’n folky gevoel, soortgelyk aan die styl van The Lumineers. Die lirieke getuig van seer, weerloosheid en uiteindelik, genesing. Dis ’n liedjie wat spreek van ’n mens se vrees om weer lief te hê ná hartseer, maar ook van die transformerende krag van onvoorwaardelike liefde.

“Elke mens was al op een of ander manier seer gemaak deur die liefde... Tot jy op ’n dag iemand ontmoet wat jou weer leer om lief te hê,” vertel sy openhartig.

Hierdie storie is nie net fiksie nie – dit is haar eie. Liza, wat getroud is met die gewilde sanger Ricus Nel, deel dat die liedjie geïnspireer is deur haar eie pad in die liefde.

“Ek wil hê mense moet weet dat almal liefde verdien,” sê sy. “Die liedjie is ’n stuk van my hart wat ek met almal wil deel.”

Liza glo dat die geheim van sukses lê in egtheid. Sy glo mense voel dit as ’n kunstenaar eerlik is – en hulle weet ook dadelik as jy nie is nie. “Ek hoop mense sal kan vereenselwig met die liedjie en dat dit met hulle harte sal praat,” sê sy.

Saam met die liedjie is daar ook ’n pragtige musiekvideo, verfilm deur Eric T Graham en Tehan Buys van ETC Creative. Liza beskryf die verfilming as een van die lekkerste ervarings van haar loopbaan. “Ek was só dankbaar vir elkeen wat betrokke was. Dit was rêrig ongelooflik!”

Die video is in ’n asemrowende veld verfilm – een wat Liza laat dink aan die gewilde televisiereeks, Yellowtone – en die natuur het saamgespeel met ’n dramatiese sonsondergang. Vir Liza was dit asof die Here persoonlik die toneel afgerond het.

Vir die video dra Liza ’n spesiale skepping deur Reandi Grey van GreyC Creations – ’n uitrusting wat só spesiaal gemaak is dat dit selfs kleur- en stylontleding deur Jeanne Pistorius van Kleurvol ingesluit het. “Ek het laas op my troudag so mooi gevoel,” glimlag sy.

Van haar hare en grimering deur Suna Robberts, tot die agter-die-skerms werk van Marco van Deventer, die foto’s deur Hendri Viljoen en die leiding van Georic Lomas op stel – Liza is vol lof en dankbaarheid teenoor elkeen wat deel was van hierdie reis.

Met “Moes Maar Ek Moenie” wys Liza Nel nie net haar groei as kunstenaar nie, maar ook haar vermoë om haar hart met haar musiek te deel. Dit is ’n liedjie wat waarskynlik diep gaan resoneer met luisteraars – en dalk selfs hoop gee aan dié wat bang is om weer lief te hê.

Vir Liza is hierdie liedjie meer as net nog ’n enkelsnit – dit is ’n liefdesbrief aan elkeen wat al seer gekry het, maar steeds glo in die krag van liefde.

Moes Maar Ek Moenie is nou beskikbaar op alle digitale stroomdienste soos Apple Music, Spotify, Deezer en YouTube Music.

JACOBUS maak sy musiekdroom waar met debuutenkelsnit ‘Gat In Jou Sak’

johancv@coleskeartists.co.za (Coleske Artists) — Fri, 16 May 2025 00:00:00 GMT

JACOBUS maak sy musiekdroom waar met debuutenkelsnit ‘Gat In Jou Sak’

In Desember 2024 plaas ’n jong, passievolle musikant van Robertson ’n eenvoudige, maar treffende TikTok-video waarin hy vir Demi Lee Moore se gewilde liedjie “Mis Eet Slaap Herhaal” ’n nuwe baadjie aantrek. Dié video vang nie net die harte van meer as 80 000 kykers nie, maar ook die aandag van Coleske Artist — wat hom gou daarna ’n platekontrak aanbied.

Nou, skaars vyf maande later, reik JACOBUS sy debuutenkelsnit “Gat In Jou Sak” amptelik uit op 16 Mei. Dié liedjie is ’n vars, eerlike weergawe van Afrikaanse kontemporêre musiek — met ’n sterk storielyn en ’n rou, akoestiese klank wat reeds by aanhangers aanklank vind.

“‘Gat in jou sak’ was baie spontaan geskryf,” vertel JACOBUS. “Ek en my broer was op pad plaas toe en toe kry ek die idee van iets verloor deur die gat in jou sak. Teen die tyd wat ons weer by die huis was, het ek met my kitaar gaan sit en die hele storie het eenvoudig uitgevloei.”

Hoewel JACOBUS hom tans toespits op sy wynkundestudies aan die Universiteit van Stellenbosch, bly musiek sy grootste liefde. Hy het op ’n wynplaas grootgeword en vertel dat sy pa se betrokkenheid by wynmaak daartoe gelei het dat sy twee passies – wyn en musiek – natuurlik saam ontwikkel het.

“My musiek fokus baie op storievertelling en om ’n gevoel te skep rondom die woorde. Ek dink die rou klank van die kitaar help om die boodskap van ‘Gat in jou sak’ regtig tuis te bring.”

Sy familie is vir hom ’n onmisbare deel van sy kreatiewe proses. “Ek weet ek kan altyd op hul eerlike terugvoer staatmaak. Of dit nou ’n nuwe liedjie is of net ’n idee — hulle dra by tot elke deel van my musiek.”

Vir JACOBUS is die vrystelling van “Gat in jou sak” ’n droom wat bewaarheid word. “Dit voel onwerklik. Om my musiek met die wêreld te kan deel is iets waarvoor ek lank gewag het. Ek hoop mense kan hulleself vereenselwig met wat ek probeer sê — of dit hulle beter laat voel oor iets, of net ’n bietjie geluk bring.”

Dié liedjie gaan gepaard met ’n pragtige musiekvideo wat deur Elias verfilm is. Die TikTok-ster Mila G speel die vroulike hoofrol, en haar natuurlike kamera-teenwoordigheid en sin vir humor het perfek ingepas by die storielyn. “Ons wys hoe iets klein, soos ’n emosionele glips of misverstand, kan lei tot die verlies van iets spesiaal – soos om iets deur ’n gat in jou sak te verloor. Dis visueel baie mooi.”

JACOBUS, wat aan Hoërskool Boland Landbou gematrikuleer het, is al van jongs af musikaal. Hy het vir vyf jaar klavier gespeel en selfs vir ’n jaar tjello aangepak. Sport het ook ’n groot rol in sy lewe gespeel, totdat beserings hom gedwing het om sy fokus meer op musiek te plaas.

As jy hom vra met wie hy eendag graag ’n duet wil opneem, antwoord hy sonder huiwering: “Demi Lee Moore. Sy was nog altyd op my playlist. My weergawe van ‘Mis Eet Slaap Herhaal’ het vir my deure oopgemaak, so dit sal ongelooflik spesiaal wees om eendag iets saam met haar te doen.”

Met ’n unieke klank, sterk waardes, en ’n natuurlike aanvoeling vir storievertelling, is dit duidelik: JACOBUS is ’n nuwe stem in die Afrikaanse musiekwêreld om dop te hou.

Gat In Jou Sak is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn bring sy nuwe kuierliedjie al die pad bos toe!

johancv@coleskeartists.co.za (Coleske Artists) — Fri, 09 May 2025 09:56:20 GMT

Chris Steyn bring sy nuwe kuierliedjie al die pad bos toe!

Met sy plakkies, sy sielvolle stem en sy opregte persoonlikheid het Chris Steyn die harte van Suid-Afrikaners gewen toe hy in 2023 as die wenner van die gewilde sangkompetisie Die Kontrak gekroon is. Sedertdien het hy nie net sy merk gemaak nie — hy het diep gewortel geraak in die plaaslike musiekbedryf.

Sy vorige enkelsnit, “Plaas Dorp Toe”, is steeds ’n gunsteling onder luisteraars en het hom gehelp om sy musiekdrome ten volle uit te leef. Dié liedjie het gemaklik sy plek in die Apple Music Top 10 verseker en bly ’n gewilde kuierliedjie reg oor die land.

“‘Plaas Dorp Toe’ is 100% een van die groot redes hoekom ek nou nog my droom kan uitleef en kan sing elke naweek voor mense. Die liedjie het my loopbaan baie, baie goed beïnvloed,” sê Chris dankbaar.

Nou is dié gewilde sanger terug met nog ’n kuierliedjie – “In Die Bos”. Die nuwe enkelsnit is pas vrygestel en gaan oor die eenvoudige plesier van tyd spandeer in die bos – waar die bier net blykbaar beter proe.

Die liedjie is gebore uit ’n idee van Marco van Deventer en Georic Lomas, die kreatiewe span agter “Plaas Dorp Toe”, en Chris self het aan die skryfwerk deelgeneem.

“Ek het toe gehelp met die skryfwerk en dit was ’n baie lekker proses,” sê hy.

Volgens Chris is daar nie ’n groot verskil tussen “In Die Bos” en sy vorige werk nie – dis steeds daardie “easy going” styl wat aanhangers van hom verwag en geniet.

“Ek sien baie uit om te hoor wat die mense daarvan dink,” voeg hy by.

Dié liedjie word saam met ’n musiekvideo wat op die asemrowende Tilodi-plaas in Thabazimbi, Limpopo, verfilm is uitgereik. Die video is vervaardig deur die bekroonde span Eric T Graham en Tehan Buys van ETC Creative.

“Dis ’n ongelooflike mooi plaas en ons het baie pret gehad tydens die verfilming,” vertel Chris met ’n glimlag.

Met “In Die Bos” wys Chris weer waarom hy een van die opwindendste stemme in Afrikaanse musiek is.

Chris sluit af: “Ek hoop die luisteraars vind aanklank in die liedjie soos ek doen – en kuier lekker daarop. Daar is nog hope nuwe musiek op pad – 2025 gaan ’n groot jaar wees!”

In Die Bos is nou beskikbaar op alle digitale stroomdienste soos Apple Music, Spotify, Deezer en YouTube Music.

Afrikaans is Groot kom Kaap toe vir ’n historiese 100 jaar konsert

johancv@coleskeartists.co.za (Coleske Artists) — Tue, 06 May 2025 12:19:11 GMT

Afrikaans is Groot kom Kaap toe vir ’n historiese 100 jaar konsert

Vir die eerste keer sedert 2018 kom hou Afrikaans is Groot weer konsert in die Moederstad . ’n Eenmalige produksie wat op Saterdag 20 September 2025 aangebied sal word in die DHL-Stadion in Groenpunt.

Dié 100 jaar konsert is Afrikaans is Groot se spesiale huldeblyk aan Afrikaans se 100-jaar-viering as ’n amptelike taal in Suid-Afrika. Wat ’n beter plek om hierdie mylpaal te vier as daar waar Afrikaans sy oorsprong gevind het: Die Kaap. Afrikaans word net een keer ’n 100 jaar oud en dit móét behoorlik gevier word.

“Ons ag ons Kaapse gehoor net so belangrik soos ons Pretoria-gehoor. En ons wou iets groots doen vir Afrikaans se eeufeesviering,” sê Arnold Coleske, uitvoerende regisseur van Afrikaans is Groot.

Volgens Coleske sal die Afrikaans is 100 Jaar Groot ’n produksie van ongekende omvang wees. “Ons beplan groot dinge. Verwag ’n magdom Afrikaanse sangers, dansers, musikante en nog vele meer. Dit gaan ’n produksie op ’n hele nuwe vlak wees. Hierdie is nie net ’n spoeg-en-plak van die Pretoria-konserte nie. Dié produksie gaan op ’n heel ander vlak aangebied word.”

Kaartjies vir Afrikaans is 100 Jaar Groot sal op 8 Mei 2025 om 10:00, die dag wat Afrikaans sy 100ste bestaansjaar as amptelike taal vier, eksklusief op iTickets beskikbaar wees.

Hou Netwerk24 dop vir ’n kans om jou hand eerste op kaartjies te slaan en ‘n eksklusiewe kaartjiekompetisie vir intekenare.

“Om deel te wees van só ’n groot verjaarsdagpartytjie vir Afrikaans is vir VIA ’n voorreg! Ons sien uit om die mylpaal saam met ons kykers te vier”, sê Azelia Morkel, kanaalhoof vir VIA (DStv-kanaal 147).

Afrikaans is 100 Jaar Groot word met trots aangebied deur Laeveld Agrochem in samewerking met RSG, Netwerk24, VIA en Flysafair.

Riana Nel se nuwe liedjie is ’n kragtige poprock-getuienis van keuses

johancv@coleskeartists.co.za (Coleske Artists) — Fri, 02 May 2025 08:31:16 GMT

Riana Nel se nuwe liedjie is ’n kragtige poprock-getuienis van keuses

Met haar unieke stem en eerlike lirieke, maak Riana Nel ’n triomfantelike terugkeer na die musiektoneel met haar splinternuwe enkelsnit, “Kies”. Dié liedjie – wat sy as PopRock met invloede uit die 40’s, 70’s én vandag beskryf.

“Mens maak baie keuses in die lewe,” sê Riana. “Maar die twee belangrikste is: met wie jy trou, en wie jou red. As jy jou keuses op vrede bou, val al die ander in plek. Ek kan sonder twyfel sê dit is die waarheid vir my – en ook die rede vir my vreugde en sekerheid.”

Met “Kies” bring Riana nie net musiek nie, maar ’n boodskap – een wat sy self met oorgawe leef. “Ek voel net dinge gaan vinnig agteruit in die wêreld. Dis nie meer so rein soos die 40s of vredevol soos die 70s nie. Wie se hand gaan jy vashou aan die einde?

Die liedjie is ’n familie-ervaring. “Ek verkies om my eie liedjies te skryf – my hart is vol stories. En om my kindertjies te hoor saamsing in die huis voor die liedjie nog eers uit is – dit is vir my alles! Ek glo kinders moet kan saamsing.”

“Ek sien soveel jongmense wat reg verby die rooi ligte stap, en ek dink dis omdat niemand hard genoeg rigting wys nie.

Alhoewel sy nie weet hoe luisteraars gaan reageer nie, weet Riana dat sy haar hele hart in “Kies” gesit het. “As dit goed genoeg is vir my, my man en my kinders, en ek het my beste gegee, dan glo ek dis goed genoeg vir ander ook.”

Die produksie van die liedjie se musiekvideo was allesbehalwe alledaags. Saam met die span van New Ending Media – wat ook verantwoordelik was vir die “Ek Wonder” en “Wat Nou?” se musiekvideo’s – het hulle ’n video geskep wat sowel dramaties as betekenisvol is. “Ons het letterlik ’n stel afgebrand! Ja, TikTok gaan dit seker verban, maar die wêreld gaan brand – en my vraag is: het jy iets gekies wat nie gaan brand nie?”

Dié video, verfilm op Jacques du Plessis se grond by S2N Mining in Reyton, was ’n samewerking van passie, visie en opoffering. “Ons het ’n ou klavier gebrand – iets wat ek nog altyd wou doen! En danksy Wimpy Cowan en Wessel Pretorius was die vlamme iets om te sien.” Vriende het saamgewerk aan die stel, geverf, braai gehou en die nag deur gelag. “Dis sulke mense wat die proses die moeite werd maak,” sê Riana.

Kies is nou beskikbaar op alle digitale stroomdienste soos Apple Music, Spotify, Deezer en YouTube Music.

Ricus Nel en Riaan Benadé mik in die regte rigting met nuwe liedjie ‘308’

johancv@coleskeartists.co.za (Coleske Artists) — Fri, 25 Apr 2025 09:13:44 GMT

Ricus Nel en Riaan Benadé mik in die regte rigting met ‘308’

Ná die reuse-sukses van hul treffer “Haai Haai” in 2022, is Ricus Nel en Riaan Benadé terug met ’n splinternuwe enkelsnit wat beslis weer die land aan die sing gaan hê. Dié nuwe liedjie, getiteld “308”, is propvol karakter, humor en ’n unieke Afrikaanse musiekmengsel wat net hierdie twee kunstenaars so goed kan regkry.

“Riaan het my genader en gesê ons moet weer iets saam doen,” vertel Ricus. “Ons het saam iets besonders geskep met ‘Haai Haai’ — en nou het hy die liedjie ‘308’ geskryf, wat ek in my ateljee vervaardig het. Ek het ook al die instrumente opgeneem en gespeel.”

Volgens Ricus is “308” ’n lekker Afrikaanse country rock-liedjie, met sterk invloede van boeremusiek én ’n skeutjie regea vir daardie ekstra skop. “Die tema van die liedjie draai om die ou bekende debat: watter kaliber is die beste? Dis ’n tong-in-die-kies storie waar ons ’n bietjie lag en saam gesels oor vuurwapens en jag,” verduidelik hy met ’n glimlag. “Maar teen die einde van die liedjie sê ek net eenvoudig – dis lekker om te jag!”

Die musiekvideo is net so kreatief soos die liedjie self. Dit speel af in ’n fiktiewe jagwinkel waar Ricus en Riaan probeer om ’n besluitelose klant, gespeel deur Marco van Deventer, te help om die regte geweer te kies. “Dis skreeusnaaks,” sê Riaan. “Mense gaan hierdie video met ’n groot glimlag kyk.”

Die musiekvideo is met flair verfilm en vervaardig deur Eric T Graham en Tehan Buys, wat die snaakse tonele en karaktervolle uitvoering perfek vasgevang het.

308 is nou beskikbaar op alle digitale stroomdienste soos Apple Music, Spotify, Deezer en YouTube Music.

Martin Bester stel nuwe kuierliedjie saam met Peer Papsak bekend

johancv@coleskeartists.co.za (Coleske Artists) — Fri, 18 Apr 2025 10:31:58 GMT

Martin Bester stel nuwe kuierliedjie saam met Peer Papsak bekend

Die ikoniese Suid-Afrikaanse sanger, liedjieskrywer en aanbieder, Martin Bester, is terug met ’n splinternuwe enkelsnit wat beslis die dansvloere en braaivure regoor die land gaan laat gons. Dié nuwe liedjie, getiteld “Brannewyn”, is ’n energieke kuierliedjie in ware Afrikaanse-Ierse “drinking song”-styl – en dié keer bring Martin ’n bekende kreatiewe bondgenoot saam: Peer Papsak, oftewel Pierre Rossouw.

Hoewel Martin en Pierre al jare lank saamwerk agter die skerms – met Pierre as die pen agter treffers soos “Lilly”, “Disco Damage” en “Bietjie Asseblief” – is “Brannewyn” hul eerste amptelike samewerking op ’n snit waarop hulle saam sing. Pierre is die skrywer van die liedjie en die twee het besluit dit is tyd om die kuierpret na ’n volgende vlak te neem.

“Ons wou ’n lekker kuier liedjie uitreik en iets wat net anders klink,” sê Martin. “Dit gaan oor ’n ou bekende onderwerp – ja, dis nou brannewyn – maar daar’s ook ander tipes drank in die liedjie. Dis alles deel van die atmosfeer.”

Die liedjie bring ’n vars klank na Martin se repertoire – iets wat, volgens hom, perfek sal werk op die verhoog:
“Hierdie is beslis ’n liedjie wat op my vertonings baie goed gaan werk. Dit is my tyd om so iets op te neem, en dit was ’n fees om saam met Pierre daaraan te werk.”

Hy glo ook die tydsberekening vir so ’n vrolike snit is ideaal: “Ek dink ons is reg vir ’n ligter luim. Die wêreld is in ’n moeilike tyd – die ekonomie druk – maar een ding van Suid-Afrikaners is dat ons altyd tyd vind vir kuier. Veral nou dat daar soveel langnaweke op pad is.”

“Brannewyn” is nie net ’n viering van die Afrikaanse kuierkultuur nie, maar ook van kreatiewe vriendskap en samewerking. En die feestelikheid hou nie daar op nie – ’n musiekvideo is in die pyplyn, en volgens Martin word daar gekyk na opsies soos feeste, kroeë of selfs ’n Ierse-styl kroeg om die perfekte kuieratmosfeer vas te vang.

Met ’n indrukwekkende loopbaan wat strek van TV-aanbieding (onder meer Wie’s My Liefie , Tweestryd en DKNT ), tot rolprente ( Pretville , Vrou Soek Boer , Sonskyn Beperk ), en musiek wat hom van SAMA-genominasies tot internasionale verhoogoptredes gevat het, is Martin Bester steeds ’n krag in die Suid-Afrikaanse vermaaklikheidsbedryf.

Brannewyn is nou beskikbaar op alle digitale stroomdienste soos Apple Music, Spotify, Deezer en YouTube Music.

Elandré ‘skud’ die dansvloer los met sy nuwe enkelsnit

johancv@coleskeartists.co.za (Coleske Artists) — Fri, 18 Apr 2025 10:10:04 GMT

Elandré ‘skud’ die dansvloer los met sy nuwe enkelsnit

Wanneer jy die naam Elandré hoor, kan jy maar weet jy’s in vir ’n bederf en ’n half. Die veelbekroonde sanger en liedjieskrywer is terug met ’n splinternuwe dansvloertreffer, “Skud” – die eerste enkelsnit van ’n opwindende nuwe album wat later vanjaar die lig sien.

Ná die sukses van sy eerste Engelse EP in 2024, vat Elandré nou weer die voortou – hierdie keer reguit dansvloer toe. “Skud”, wat uit sy eie pen kom, is vervaardig deur die Aitsa-bekroonde vervaardiger, Graaff, en is niks minder nie as ’n energieke viering van vryheid, beweging en musiek.

“‘Skud’ is ’n terugkeer na die dansvloer – ’n plek wat ek gemis het,” sê Elandré. “My eerste keer in ’n club het my verander en vrygemaak. Ek wou daardie gevoel in klank en kleur vasvang.”

Die liedjie is geïnspireer deur ’n onvergeetlike aand in Australië terwyl Elandré op toer was. Dit was sy verjaarsdag, en alles het net reg gevoel – die musiek, die vriende, die dans. “Dit was die beste aand uit ooit,” vertel hy.

Bekend vir sy veelsydigheid, het Elandré onlangs ook die treffende duet “Iemand Soos Jy” saam met Demi Lee Moore uitgereik, en bewys hiermee dat hy net so tuis is in hartroerende ballades as dansvloertreffers.

“‘Skud’ is gebou om jou op die dansvloer te hou. Die dromers gaan dans op hierdie een! Afrikaners hou van dans, ons ken van kuier, en hierdie liedjie is op ’n missie om te vermaak en verlei,” sê hy. “Ek hoop mense hoor die nostalgie van die 80s en 90s se synth-pop klank en waardeer dit.”

Saam met die liedjie, word daar ook ’n visuele fees aangebied in die vorm van ’n sinematiese musiekvideo – vervaardig deur Christian Wolf, die kreatiewe brein agter “Vuur op die Water” en “Tussen die Lakens” se musiekvideo’s. Dié video stel Elandré voor as ’n musikaliteitsverkoper – ’n korporatiewe danskommandant wat ’n vervelige vergadering omskep in ’n spontane danspartytjie.

“Die produksie was ambisieus en het verskeie liggings, tegnici, dansers en my ondersteuners betrek,” sê Elandré. “Ons het Heartfelt Arena, Spotify, en WeWork in Rosebank as stelle gebruik – hulle het hulle deure vir ons oopgemaak en ek’s dankbaar.”

Die danspassies is saam met Liam Anthony uitgewerk, en agt energieke dansers van die Tailormade Group bring die energie behoorlik na die skerm. Verskeie lojale ondersteuners speel ook rolletjies in die video – wat die projek nog meer persoonlik maak.

Met “Skud” wys Elandré dat hy nie net ’n meester van liriek en melodie is nie, maar ook ’n natuurlike vermaakster is wat weet hoe om ’n gehoor aan die beweeg te kry – op die dansvloer én daarbuite.

Skud is nou beskikbaar op alle digitale stroomdienste soos Apple Music, Spotify, Deezer en YouTube Music.

Karlien van Jaarsveld keer terug met splinternuwe enkelsnit, ‘Te Min, Teveel’

johancv@coleskeartists.co.za (Coleske Artists) — Fri, 11 Apr 2025 00:30:00 GMT

Karlien van Jaarsveld keer terug met nuwe enkelsnit, ‘Te Min, Teveel’

Karlien van Jaarsveld is geen vreemdeling in die Suid-Afrikaanse musiekbedryf nie. Met ’n loopbaan wat oor byna twee dekades strek en talle nommer een-treffers agter haar naam, is sy weer in die kollig met haar jongste enkelsnit, “Te Min, Teveel” — ’n liedjie uit die pen van die gesoute liedjieskrywers Georic Lomas en Marco van Deventer.

“Ek hoop vir elkeen om op ’n plek te kom binne hulle verhoudings waar hartbreek nie bestaan nie, ’n plek waar daar ware eenheid is al is julle twee,” sê Karlien oor die hartklop van die liedjie.

Wat “Te Min, Teveel” onderskei van haar vorige werk, is die upbeat element daarvan. “Ek is meer van ’n balade-skrywer, so hierdie een bring weer bietjie ’n opgewekte ritme,” verduidelik sy. Hierdie vars benadering bring ’n nuwe dinamika tot Karlien se musiek, sonder om haar kenmerkende emosionele diepte prys te gee.

Die musiekvideo, verfilm deur Eric T Graham en Tehan Buys van ETC Creative, is net so uniek soos die liedjie self. “Ons het letterlik twee ure voor die video geskiet is die hele konsep verander,” vertel Karlien. “Ek wou helder kleure dra in ’n veld waar die son sak – dit beeld uit hoe mens soms vasgevang voel in die wêreld, maar as jy jou ware natuur onthou, raak jy weer los, en dis kleurvol.”

Die video se agter-die-skerms oomblikke het ook vir Karlien diep betekenis gehad. “Toe my man en kinders op die stel opdaag en saam met die span help – dis ’n toneel wat ek nooit sal vergeet nie. Die wonder in my kinders se oë was vir my so mooi. Hulle sien nie gereeld hoe ons video’s maak nie.”

“Die idee van ’n kar pak en die horison jaag, is waar my hart lê. So iewers op daardie horison lê lyne saam met Joe en my kinders,” sê sy oor die mees emosionele aspek van die liedjie.

“Ek is opgewonde oor hierdie liedjie en ek hoop vir nog ’n liedjie om deel van 18 jaar se argiewe te word,” sê Karlien.

En haar boodskap aan luisteraars? “Volg die horison. Daar is ’n ritme wat anders dans as dié van die wêreld. Jy ken dit – dis in jou binneste.”

Te Min, Teveel is nou beskikbaar op alle digitale stroomdienste soos Apple Music, Spotify, Deezer en YouTube Music.

Lisie Basson se nuwe enkelsnit ‘Dis Jou Oë’ steel harte met opregte klank

johancv@coleskeartists.co.za (Coleske Artists) — Fri, 04 Apr 2025 09:34:57 GMT

Lisie Basson se ‘Dis Jou Oë’ steel harte met opregte klank

Eers het sy ons koppe laat skud, toe het sy ons na die dansvloer gelok, en nou gryp ons na ons cowboyhoed en stewels! Lisie Basson, bekend vir haar deelname aan die tweede seisoen van Die Kontrak , het pas haar splinternuwe enkelsnit, “Dis Jou Oë”, uitgereik.

“‘Dis Jou Oë’ is baie naby aan my hart. Ek het dit self geskryf en dit het vir ’n rukkie in my laai gelê voordat ek uiteindelik besluit het om dit daar buite te sit,” deel Lisie oor die betekenisvolle Afrikaanse folk-countryliedjie. “Die musiekbedryf fokus tans sterk op kuier- en dansmusiek, en daarom het ek aanvanklik gewag vir ‘die regte tyd’ om hierdie liedjie uit te reik. Maar toe besef ek: daar is nooit ’n regte tyd nie – ek moet net soveel musiek as moontlik uitbring om my eie brand te bou.”

Die liedjie dra ’n diep persoonlike boodskap: “Dit gaan oor die dinge waarvoor jy lief is en wat vir jou uitstaan in die mense vir wie jy lief is.”

Met hierdie liedjie skep Lisie nie net ’n unieke musikale ervaring nie, maar sy sien dit ook as ’n nuwe rigting vir haar klank. “Vir my beteken dit ’n nuwe begin in die tipe musiek wat ek wil vrystel. Ek wil my eie klank vind en nie net probeer klink soos wat op die top-trefferlyste is nie. As ’n kunstenaar moet jy uniek wees, anders gaan jy nooit jou eie stem ontdek nie.”

Lisie hoop dat “Dis Jou Oë” ’n spesiale plek in luisteraars se harte sal vind. “Ek is baie trots op hierdie liedjie en ek hoop dit word vir ander net so spesiaal soos wat dit vir my is. Dis ’n ligte, lekker liedjie en ek hoop mense wil dit net oor en oor hoor!”

Saam met die enkelsnit word ook ’n pragtige musiekvideo vrygestel, verfilm op die prentjiemooi Lourensford -wynlandgoed in Somerset-Wes. “Dis een van die mooiste plekke in die wêreld met die ongelooflikste natuurskoon,” vertel Lisie. “Ek wou ’n video maak wat vir my gelukkig voel, en Lourensford is definitief ’n plek waar ek op my gelukkigste is.”

Die video is geskiet deur Elias, terwyl Georic Lomas, wat betrokke is by Coleske, alles help reël het. “Hy het my regdeur die proses bygestaan soos altyd, en ek is baie dankbaar daarvoor,” voeg Lisie by.

Dis Jou Oë is nou beskikbaar op alle digitale stroomdienste soos Apple Music, Spotify, Deezer en YouTube Music.

Dodo Nyoka dra sy nuwe enkelsnit ‘Jannaman’ op aan sy pa

johancv@coleskeartists.co.za (Coleske Artists) — Fri, 28 Mar 2025 09:00:29 GMT

Dodo Nyoka dra sy nuwe enkelsnit ‘Jannaman’ op aan sy pa

Dodo Nyoka het pas sy splinternuwe liedjie, “Jannaman”, bekendgestel – ’n diep persoonlike en betekenisvolle lied wat hy opdra aan sy pa. Hierdie unieke country-reggae snit is ’n huldeblyk aan sy pa, Jannaman, wie se deursettingsvermoë en onbreekbare gees hom sy hele lewe lank inspireer.

“Die liedjie gaan oor my pa Jannaman wat nooit opgee,” vertel Dodo oor die spesiale liedjie wat hy self geskryf het. Die produksie is behartig deur Jacques Marcel van Vuuren, wat reeds sy stempel afgedruk het met treffers soos “Country Girl van Bloem” en “Ek Verstaan”.

“My pa is die inspirasie agter die liedjie,” sê Dodo. “Ek het hierdie liedjie gekies want ek wou iets vir my pa gee wat vir ewig sal hou.” Sy opregte woorde en die sielvolle klanke van “Jannaman” beloof om nie net sy pa te raak nie, maar ook elke luisteraar wat ’n diep band met hulle geliefdes koester.

Met hierdie liedjie wil Dodo sy aanhangers nader aan hom bring. “Mense moet voel asof hulle my al ontmoet het deur my musiek,” verduidelik hy. Hy hoop dat sy gehoor die liedjie net so sal geniet soos hy dit geniet het om dit te skryf en op te neem. “Ek voel dis die beste liedjie wat ek tot dusver al geskryf het.”

Die musiekvideo, wat deur Kyle White verfilm is by die pragtige Ukutula Lodge, beloof om net so treffend soos die lied self te wees. Alhoewel Dodo nie te veel wil verklap nie, laat hy wel bietjie spanning opbou deur te noem dat daar tonele saam met leeus is – ’n unieke element wat die visuele vertelling van “Jannaman” nog meer spesiaal maak.

“Jannaman” is nou beskikbaar op alle digitale stromingsplatforms. Luister daarna en ervaar die hartklop van ’n seun se liefde en bewondering vir sy pa.

Jannaman is nou beskikbaar op alle digitale stroomdienste soos Apple Music, Spotify, Deezer en YouTube Music.

Afrikaans is Groot skryf geskiedenis met tien tjokkenblok konserte

johancv@coleskeartists.co.za (Coleske Artists) — Wed, 26 Mar 2025 06:58:57 GMT

Afrikaans is Groot skryf geskiedenis met tien tjokkenblok konserte

Met nederigheid en opregte dankbaarheid vier Afrikaans is Groot ’n ongekende mylpaal: vir die eerste keer in sy geskiedenis is tien konserte tjokkenblok. Dit is ’n eerste vir enige Afrikaanse konsert in Suid-Afrika en ’n bewys van die enorme ondersteuning en liefde vir Afrikaans en sy musiek.

“Ons is oorweldig, dankbaar en geseënd,” sê die organiseerders. “Ons belowe om die grootste konsert van alle tye op die planke te bring.”

Hierdie mylpaal is des te meer spesiaal aangesien Afrikaans as taal in 2025 sy 100ste bestaansjaar vier. “Dit is net gepas dat ons hierdie enorme mylpaal by die grootste Afrikaanse konsert vier,” sê Arnold Coleske, uitvoerende vervaardiger van Afrikaans is Groot.

Arnold voeg verder by: “Aan elkeen wat kaartjies gekoop het, wat gewag en geklik het, wat geglo het – hierdie is júlle oorwinning. Sonder julle is daar geen verhoog, geen ligte, geen musiek nie.”

Afrikaans is Groot beloof om ’n viering van ons taal en kultuur te wees. “Dankie dat julle Afrikaans is Groot dra, met soveel liefde en lojaliteit. November gaan vuur en vlam wees – en dit is alles aan julle te danke.”

Die konserte vind plaas op 7, 8, 9, 14, 15 en 16 November in die SunBet Arena in Pretoria.

Afrikaans is Groot 2025 word met trots aangebied deur Virseker, in samewerking met Laeveld Agrochem, Netwerk24 en Belgravia Gin.

Afrikaans is Groot 2025: Die grootste historiese konsert nóg!

johancv@coleskeartists.co.za (Coleske Artists) — Mon, 24 Mar 2025 14:46:37 GMT

Afrikaans is Groot 2025: Die grootste historiese konsert nóg!

Afrikaans is Groot keer vanjaar terug na die SunBet Arena en beloof om die grootste historiese konsert in die geskiedenis van dié konsertreeks te wees. Met ’n skouspelagtige kunstenaarslys en verrassings wat wag, is hierdie jaar se produksie ’n huldeblyk aan Afrikaans se ryk erfenis en sy 100ste bestaansjaar as erkende taal.

“Afrikaans as taal word hierdie jaar ’n 100 jaar oud op 8 Mei. Dis net gepas dat ons hierdie enorme mylpaal by die grootste Afrikaanse konsert vier,” sê Arnold Coleske, uitvoerende vervaardiger van Afrikaans is Groot.

Die 2025-konsert spog met ’n indrukwekkende lys van van die grootste name in die Afrikaanse musiekbedryf. Vanjaar sal kunstenaars soos Bok van Blerk, Demi Lee Moore, Riaan Benadé, Corlea, Riana Nel, Chris Steyn, Karlien van Jaarsveld, Dodo Nyoka, Ricus Nel en Appel die verhoog aan die brand sing. Boonop is daar ’n klomp verrassings wat vir konsertgangers wag, wat beteken dat daar altyd ’n element van misterie en opwinding is.

“Elke jaar maak ons ’n handjievol kunstenaars bekend en hou ’n hele klomp kunstenaars as verrassings. Dit maak ons konserte so ’n bietjie anders,” verduidelik Arnold. Hierdie unieke benadering maak Afrikaans is Groot ’n ervaring soos min, waar konsertgangers tot op die laaste oomblik met onverwagte en kragtige optredes verras word.

Volgens Arnold sal 2025 se konserte selfs nóg groter as enige vorige produksie wees. “Ek dink nie die publiek gaan gereed wees vir wat voor hul oë afspeel nie.” Hierdie belofte dui op ’n vertoning vol innovasie, uitsonderlike beligting en klankproduksie, asook visuele elemente wat ’n nuwe standaard vir musiekvertonings in Suid-Afrika gaan stel.

Die Afrikaans is Groot-konserte vind plaas op 7, 8, 9, 14, 15 en 16 November 2025 in die SunBet Arena, Pretoria. Kaartjies wissel tussen R325 en R950 en is nou beskikbaar aanlyn via iTickets . Dit is raadsaam om vroegtydig kaartjies te bespreek, aangesien hierdie massiewe viering van Afrikaanse musiek en kultuur vinnig uitverkoop sal raak.

Moenie hierdie ikoniese viering misloop nie—Afrikaans is Groot 2025 gaan ’n gebeurtenis wees wat nog jare lank onthou sal word!

Demi Lee Moore se nuwe album ‘Klein Dingetjies’ vol liefdesliedjies uitgereik

johancv@coleskeartists.co.za (Coleske Artists) — Fri, 21 Mar 2025 09:19:19 GMT

Demi Lee Moore se nuwe album ‘Klein Dingetjies’ vol liefdesliedjies uitgereik

Dit is byna agt jaar sedert Demi Lee Moore die gewilde televisiereeks Die Kontrak in 2018 gewen het met haar liedjie “Mis Eet Slaap Herhaal”. Sedertdien het sy haar merk gemaak in die Afrikaanse musiekbedryf en in 2023 het sy “Hart Breek” uitgereik, ’n treffer wat haar verskeie Aitsa-toekennings besorg het. Daarbenewens het sy ook die ongelooflike voorreg gehad om die verhoog te deel met die internasionale ster, Cam, en saam met haar “Diane” in Kaapstad te sing.

Nou keer Demi Lee Moore terug na die kollig met haar splinternuwe album, “ Klein Dingetjies ”, wat agt liedjies bevat. Hierop is onder meer “Hart Breek” wat in 2023 uitgereik is, asook “Net Myne” wat in 2024 verskyn het. Verder bevat die album ses splinternuwe snitte wat verseker diep spore in die Afrikaanse musieklandskap gaan trap.

Die eerste enkelsnit vanaf die album, “ Die Mooi In Jou ”, wat op Vrydag, 14 Maart uitgereik is, is geskryf deur Marco van Deventer en Georic Lomas. Die inspirerende lirieke is gegrond op ’n persoonlike sosiale media-plasing wat Demi Lee op haar en haar man se tweede huweliksherdenking geplaas het met die woorde: “Deur jou oë, skyn die son elke dag. Die mooi in jou sien die mooi in my.” Demi Lee vertel: “Ek was op die dag van my en Bart se tweede huweliksherdenking in die ateljee en het daardie oggend daardie woorde geplaas. Hierdie liedjie is vir my baie spesiaal, want dit beskryf werklik hoe ek voel oor hoe Bart oor my voel.”

’n Ander hoogtepunt op die album is “Iemand Soos Jy”, ’n duet tussen Demi Lee en Elandré. Die liedjie, geskryf deur die twee kunstenaars, spruit uit ’n jarelange droom om saam te werk. “Ek en sy dreig al jare om ’n liedjie saam te doen. Gelukkig vra sy my,” sê Elandré. Demi Lee voeg by: “Hy is net ongelooflik kreatief en ek is mal oor hom.” Die liedjie vertel die storie van twee mense wat op verskillende tye vir mekaar wag.

Nóg ’n merkwaardige liedjie op die album is “Bitter Min”, geskryf deur Demi Lee, Georic Lomas en Renier van der Westhuizen van Rooksein. Sy beskryf die liedjie as een van haar gunsteling liedjies op die album.

Verder is daar die besonderse “Outydse Liefde”, ’n liedjie deur die bekende liedjieskrywer Gian Groen. Demi Lee vertel: “Ek het jare terug by die KKNK ’n optrede van Gian Groen gesien en was dadelik verlief op die lirieke. Ek het hom later gevra of ek die liedjie kan opneem, en hy het ingestem. Dit is regtig een van die mooiste liedjies.”

Die album eindig op ’n hartroerende noot met ’n sielvolle liedjie deur Johan Oberholzer, wat vroeër vanjaar oorlede is. Demi Lee vertel: “Ons het na Johan se dood ’n boodskap op Arnold se foon gevind waarin hy lank terug ’n liedjie gestuur het. Ons het besluit om dit op te neem ter ere van hom.”

Demi Lee se invloed strek verder as haar musiek. Sy is onlangs aangewys as die eerste Afrikaanse vroulike kunstenaar wat deel is van Spotify se EQUAL Africa -veldtog, wat vroulike kunstenaars van die vasteland bemagtig en hul musiek wêreldwyd bevorder. “Om deel te wees van die EQUAL-veldtog beteken vir my die wêreld. Dit is ’n eer om ander vroue in die musiekbedryf te inspireer,” sê sy. As deel van die Spotify EQUAL Africa -program verskyn Demi Lee ook op reklameborde op Times Square in New York, Amerika.

’n Spesiale kykNET-program oor Demi Lee se loopbaan, vervaardig deur Carien Loubser van Brainwave Produksies, sal op Saterdag, 22 Maart om 20:00 op kykNET (DStv-kanaal 144) uitgesaai word. In die program deel sleutelfigure soos Arnold Coleske, Georic Lomas en Paulo Azevedo hul insigte oor Demi Lee se merkwaardige loopbaan. Haar ma, suster Aimee, haar man en kitaarspeler Barthlo Visagie, asook Elandré, verskyn ook in die program.

Klein Dingetjies is nou beskikbaar op alle digitale stroomdienste soos Apple Music, Spotify, Deezer en YouTube Music.

Herleef Afrikaans is Groot 2024 op die kassie, stroomdienste

johancv@coleskeartists.co.za (Coleske Artists) — Thu, 06 Mar 2025 15:44:02 GMT

Herleef Afrikaans is Groot 2024 op die kassie, stroomdienste

Van die openingsnote totdat die laaste note wegsterf, is konsertgangers van die immergewilde Afrikaans is Groot-konserte meegevoer na ’n wonderwêreld van Afrikaanse musiek. In 2024 was dit geen uitsondering nie!

Met die slaan van dromme in die openingsnommer kon mens die energie voel soos dit die SunBet Arena, die tuiste van Afrikaans is Groot vir die afgelope sewe jaar, deurboor. Corlea het die dak gelig met haar kenmerkende hoë note en die arena was verstom. Die nommer is opgevolg met ’n kyk-in-die-oë-groet: “Die Afrikaner Maak So”, want Afrikaanse mense kyk mekaar stip in die oë en skud blad – of hoe?

Die verrassingselemente van die aand het vroeg afgeskop toe Eloff met sy treffer “Vlerke” die gehoor se aandag gegryp het – terwyl hy soos ’n wafferse superman in die lug gehang het en flitsende blouligte die verhoog verlig het. Demi Lee Moore het een van haar grootste treffers van die jaar, “Hart Breek”, in ’n pragtige rooinommer deur Lizan Zondag Couture gesing, en Brendan Peyper het fiets en al die arena binnegekom vir “Madelein”.

Verskeie gunstelingkunstenaars het die verhoog betree, waaronder: Dodo Nyoka met “Country Girl van Bloem”, Riana Nel met “Maak Oop Jou Oë”, Jay du Plessis met Eden se nostalgiese “Lyf Teen Lyf”, Die Piesangskille met “Diepseeduiker 17”, Ruhan du Toit met “Kan ’n Man”, Appel met “Heito Potato” en Riaan Benadé met sy kragtige “Stoom”.

’n Spesiale oomblik het aangebreek toe Corlea haar sielvolle weergawe van Karen Zoid se “Deurmekaar” gesing het.

Francois van Coke het met ’n verrassende weergawe van Fokofpolisiekar se “Komma” die skare aan die gons gehad en dit onmiddellik opgevolg met die vurige duet “Dagdrome in Suburbia” saam met Dodo Nyoka – en ja, die vlamme was letterlik oral op die verhoog!

Chris Steyn het in styl die arena binnegekom op sy plaastrekker vir “Plaas Dorp Toe”, terwyl Bok van Blerk die harte warm laat klop het met “Ik Ben Een Afrikander”. Demi Lee Moore en haar vriende het nostalgie na die verhoog gebring met ’n keurspel van treffers soos “Sproetjies”, “Blou”, “Lisa Se Klavier” en “By Jou”.

Een van die grootste verrassings van die aand was ’n spesiale duet “Ken Jy Die Land” tussen Riaan Benadé en sy pa, Franna Benadé, saam met Jay du Plessis, Bok van Blerk, Dodo Nyoka, Ricus Nel en Ruhan du Toit. Hierdie magtige samekoms is opgevolg met die hele Afrikaans is Groot 2024-ensemble se uitvoering van Joe Niemand se inspirerende “Ek Sal Nie Bang Wees Nie”.

En nes jy dink Afrikaans is Groot kan nie groter raak nie, verras Ricus Nel met “Kalahari Ferrari”, terwyl Early B skielik oor die verhoog ingevlieg kom in ’n helikopter! Hy het konsertgangers bederf met ’n keurspel van treffers, insluitend “Ses Jagers”, “Potte” en “Ben 10”.

Die konsert is op ’n hoogtepunt afgesluit met Appel se “Klomp Keer Lekker”, gevolg deur ’n energieke keurspel van die kunstenaars se grootste treffers van 2024.

Afrikaans is Groot 2024 is moontlik gemaak deur Virseker, in samewerking met Laeveld Agrochem, Lift, Belgravia Gin, Buffelsfontein Brandewyn, City Lodge Hotels, World Leisure Holidays, Jackpot City en SunBet Arena.
Die volledige konsert word op Saterdag, 8 Maart om 20:00 eksklusief op kykNET (DStv-kanaal 144) uitgesaai. Dit sal ook op Catch Up beskikbaar wees.
Die Afrikaans is Groot 2024-konsertalbum is nou beskikbaar op alle stroomdienste.

Kaartjies vir die 2025-konsertreeks is vanaf Dinsdag, 25 Maart om 10:00 slegs op iTickets beskikbaar. Die konserte is geskeduleer vir 7, 8, 9, 14, 15 en 16 November 2025 in die SunBet Arena, Pretoria.

Appel en Robbie Wessels snoer kragte vir ‘Boereworsgordyn’

johancv@coleskeartists.co.za (Coleske Artists) — Thu, 27 Feb 2025 18:50:56 GMT

Appel en Robbie Wessels snoer kragte vir ‘Boereworsgordyn’

Afrikaanse musiekliefhebbers kan regmaak vir ’n opwindende nuwe liedjie! Die veelsydige kunstenaars Appel en Robbie Wessels het hul kreatiewe talente saamgespan vir hul splinternuwe liedjie, “Boereworsgordyn”. Dié liedjie is geskryf deur Appel en Robbie self, met die gesoute Murray Lubbe wat die liedjie vervaardig het, terwyl Paulo Azevedo die stemwerk in die Coleske-ateljee behartig het.

“Die Boereworsgordyn is daardie denkbeeldige grens tussen Pretoria en Johannesburg – en spesifiek Centurion, wat dikwels as die skeidslyn tussen die twee stede gesien word. Ek en Robbie het besluit om ’n lekker lawwe, aksiebelaaide rugby-verhaal rondom hierdie idee te bou,” verduidelik Appel.

Robbie voeg by: “Verwoerdburgstad, soos Centurion eers genoem was, was jare terug deur sommige mense as die ‘Boereworsgordyn’ bekend. Ek is nie seker hoekom nie, maar vir my klink dit soos ’n beskrywing van ’n lekker klomp mense wat saam bly, saam kuier en saam rugby kyk.”

Volgens Appel is hierdie liedjie ’n viering van wie ons is as Afrikaanse mense—rugby, braai, lekker lag, en ’n goeie tyd hê saam met vriende en familie. “Ek hoop mense gaan mal wees oor hierdie liedjie—iets wat jy hard speel op ’n braai, in jou bakkie, of op pad na Loftus.”

Robbie voeg laggend by: “Ek het probeer om saam met Appel lekker skerp lirieke uit te dink. En natuurlik het ek ’n paar van my alombekende dansies ingewerk in die lirieke. Die lekkerste deel was om saam met Appel te skryf. Ek het besef hoe ongelooflike liriek- en melodie-skrywer hy is. Dit was ’n fees.”

Die musiekvideo, verfilm deur Conrad Theron van Atlas Media, neem kykers op ’n humoristiese en aksiebelaaide reis. Appel verduidelik: “Dit speel af tydens ’n spannende rugbywedstryd tussen die Boereworskartel en die Snoeke. Die Boereworskartel is in groot moeilikheid en loop agter op die telbord. Hul afrigter, Jacques Potgieter (oud-Springbok en tans afrigter van Centurion Rugbyklub), besef hulle het ’n kragtige inspuiting nodig om die span se gees aan te wakker. Hy bel toe vir my en Robbie—want ons het ’n geheime boereworsresep wat ’n span se gees binne sekondes kan omdraai.”

“Ons daag toe op, met ’n spesiale oproep en ons geheime wapen – die WORS SQUAD!” sê Appel opgewonde. “Ek is verskriklik trots om ’n paar Springbok-helde en Suid-Afrikaanse rugby-ikone in die video te hê: Willem “Die Yster” Alberts, Jannie du Plessis, Marcell Coetzee (kaptein van die Blou Bulle), JP en Ruan Smit (die bekende tweeling van Leeus-faam).”

“Hierdie manne bring krag, gees en aksie na die veld toe—en natuurlik ’n goeie klomp boerewors en harde houe,” lag Appel.

Appel sê die musiekvideo sou nie moontlik wees sonder hul borge nie. Mondanette Slaghuis het gesorg vir die beste boerewors in die land, Donkey Long Tong en Foute (Appel se eie drankreeks) het ook hul ondersteuning gebied.

“Ons het lanklaas ’n musiekvideo gesien met soveel aksie en humor in die Afrikaanse musiekbedryf. Ek en Robbie skryf stories met musiek, nes Jan Spies, PG du Plessis en Tolla van der Merwe dit met woorde kon doen. Dit is ’n liedjie, ’n storie en ’n fees in een—ek dink mense gaan dit vreeslik geniet,” sluit Appel af.

Boereworsgordyn is nou beskikbaar op alle digitale stroomdienste soos Apple Music, Spotify, Deezer en YouTube Music.

Ruhan du Toit kry die kuiers aan die gang met ‘Ek Hou Van’

johancv@coleskeartists.co.za (Coleske Artists) — Thu, 20 Feb 2025 23:00:02 GMT

Ruhan du Toit kry die kuiers aan die gang met ‘Ek Hou Van’

Ruhan du Toit, bekend vir sy sielvolle en patriotiese liedjies, verras weer sy aanhangers met ’n nuwe kuierliedjie. Ná die sukses van “Kan ’n Man” steek hy weer die braaivleisvuur aan met sy nuutste enkelsnit, “Ek Hou Van” – ’n liedjie wat die eenvoudige plesiertjies van die lewe vier en luisteraars aanmoedig om net hulself te wees.

“Dis die erkenning van al die aardse goedjies waarvan ons hou, spesifiek gemik op die Suid-Afrikaner,” sê Ruhan oor dié liedjie. “Op die ou einde hou ek die meeste van ‘jou’ – en dis vir die luisteraar om te besluit wie daardie ‘jou’ is.”

Die liedjie bring ’n nostalgiese boeremusiek-klank met ’n speelse en stouterige aanslag. “Ek het al ’n rukkie so op die rant hiervan aangekom met ‘FAK’ en ‘Kan ’n Man’, so dit het natuurlik gevoel om nóg een van daardie uit te bring,” verduidelik hy.

“Ek Hou Van” is ’n Coleske-spanpoging met ’n indrukwekkende lys medewerkers. Die liedjie is geskryf deur wyle Johan Oberholzer. Ruhan het self eers die liedjie vervaardig waarna dit deur Juan “Floors” Oosthuizen en Murray Lubbe verder afgerond is. Agtergrondstemme is verskaf deur Marco van Deventer (ONS), Arnold Coleske, Georic Lomas, Lisie Basson en Bella Coleske. Die stemwerk is opgeneem in die Coleske-ateljee deur Paulo Azevedo en Arnold Coleske.

Saam met die liedjie word ’n musiekvideo vrygestel wat talle bekende gesigte insluit, insluitend Chris Steyn en sy pa Rene, Monique Steyn se man Robbie, Marco van Deventer, Georic Lomas, en selfs die Coleske-baasbreine, Arnold Coleske en Brendon Hargroves. Die video, verfilm deur Eric T Graham en Tehan Buys van ETC Creative, is opgeneem by die pragtige Tundavala Hunting Safaris in die Waterberge.

“Die instruksie was eenvoudig: ‘Doen wat julle sou doen op ’n lekker wegbreeknaweek vir manne’ – heeltemal unscripted,” verduidelik Ruhan. “Dit was bloot ’n paar pêlle wat die geleentheid gehad het om vir ’n dag of twee op ’n plaas te kuier.”

Ruhan hoop dat “Ek Hou Van” by sy gehoor sal aanklank vind as ’n liedjie wat gesing, gebraai, gekamp en geniet kan word. “Ek het soveel groot, swaar en diep liedjies, dat hierdie bietjie ligter materiaal soos ’n vars bries voel – veral tydens vertonings.”

Met 2025 wat goed op dreef is, belowe Ruhan nog nuwe musiek en moontlik ’n paar opwindende samewerkings. “Ons sit nie stil nie,” sê hy geheimsinnig.

Ek Hou Van is nou beskikbaar op alle digitale stroomdienste soos Apple Music, Spotify, Deezer en YouTube Music.

ONS en Rooksein se samewerking is ’n klankbaan vir ‘Stellies’

johancv@coleskeartists.co.za (Coleske Artists) — Fri, 07 Feb 2025 07:53:34 GMT

ONS en Rooksein se samewerking is ’n klankbaan vir ‘Stellies’

Die akademiese jaar is in volle swang en kampusse bruis weer van energie! Wat is ’n beter manier om hierdie opwindende tyd af te skop as met ’n splinternuwe samewerking tussen twee opkomende musiekgroepe? ONS (Marco van Deventer en Ruvé Erasmus) en Rooksein (Renier van der Westhuizen, Dian Maritz en Megan Tait) het die internet aan die gons gehad met hul oënskynlike fete, maar hul aanhangers is gou reggehelp - dit was alles deel van die opbou vir hul nuwe liedjie, “Stellies”.

Marco van ONS verduidelik hoe die samewerking tot stand gekom het: “Ons was nog altyd geïnspireer deur Rooksein se unieke musiekproduksie en het gevoel dat ons lirieke en sosiale media-benadering goed sou saamwerk met hul klank.” Renier van Rooksein voeg by: “Dit is moeilik om te verduidelik hoekom ons saam met ONS gewerk het, maar dis soos eende uit dieselfde dam. Ons het nog altyd bewondering vir mekaar gehad en vul mekaar in verskeie aspekte aan. Boonop is ons eintlik goeie vriende.”

Die idee vir “Stellies” het by Marco begin, maar die liedjie het slegs ’n vers en ’n koor gehad. Renier het toe ingespring en die tweede vers geskryf, en saam het hulle die brug voltooi. “Die hoofkonsep en struktuur het van ONS gekom, en Rooksein het gehelp om dit af te rond. Ons het Rooksein se vervaardiger gebruik om die liedjie ’n effens meer band- en Rooksein-vibe te gee. Dit is ’n wonderlike balans tussen beide ons style,” verduidelik Renier.

Die liedjie is lig en nostalgies, met ’n dubbele betekenis. “Wanneer ek van ‘Stellies’ praat, verwys ek eintlik na iemand van wie ek hou. Maar ons wil ook hê dat eerstejaarstudente nostalgies na hierdie liedjie kan terugkyk, en mense elders moet dit kan sien as ‘Ek hou van Stellies’,” sê Ruvé.

Dian van Rooksein stem saam: “Stellenbosch is net ’n ongelooflike plek. ’n Mens is bevoorreg om daar te wees, en jy is net een keer jonk - maak die meeste van elke oomblik!”

Renier sê “Stellies” is ’n baken van ’n nuwe begin vir Rooksein. “Ons begin nou eers regtig as ’n groep en is gereed om die beste musiek van ons lewens te maak. Die afgelope sewe jaar het ons ongelooflik gegroei en geleer, en ons is opgewonde om dit nou toe te pas. Hierdie liedjie is net die begin.” ONS stem saam en meen dat “Stellies” perfek aansluit by hul onlangse kortspeelplaat, “Begin”. “Ons begin nou eers om ons plek in die musiekbedryf te vestig en met ander kunstenaars saam te werk. Maar ons sal altyd eg aan die ONS-klank bly,” sê Marco.

Oorspronklik was daar nie planne vir ’n musiekvideo nie, maar toe kom die inspirasie. “Ons het besluit om ons aanhangers se spesiale oomblikke te gebruik en saam te voeg in ’n musiekvideo, wat ons beplan om binne twee weke na die liedjie se vrystelling uit te bring,” vertel Megan.

Met die hoop dat “Stellies” die klankbaan van Stellenbosch-studente word, is ONS en Rooksein gereed om die Afrikaanse musiekbedryf op horings te neem.

Stellies is nou beskikbaar op alle digitale stroomdienste soos Apple Music, Spotify, Deezer en YouTube Music.

Laurika Rauch groet met kortspeler, spesiale dokumentêr ‘Laurika se Tuiskoms’

Analda.Breedt@coleskeartists.co.za (Analda Breedt) — Fri, 24 Jan 2025 01:00:00 GMT

Laurika Rauch groet met kortspeler, spesiale dokumentêr ‘Laurika se Tuiskoms’

“Daar moet ’n punt kom waar ek sê ek sê totsiens”

Met hierdie eenvoudige, maar diep roerende woorde neem Laurika Rauch afskeid van haar ondersteuners ná vyf dekades van onvergeetlike musiek en stories. Haar reis eindig nie in stilte nie, maar in ’n viering van ’n buitengewone loopbaan. Laurika se storie word op ’n besondere wyse vertel in die dokumentêr ‘Laurika se Tuiskoms’ wat op Saterdag, 25 Januarie 2025 om 20:00 op kykNET (DStv-kanaal 144) uitgesaai word.

Laurika se laaste projek is veel meer as net ’n afskeid. Dit is haar geskenk aan haar ondersteuners. Vyf liedjies vorm deel van haar finale EP (kortspeler) waarvan die snit “Nog Voor Ek Jou Geken Het” op Vrydag, 24 Januarie 2025 uitgereik word. Die volledige kortspeler word op Vrydag, 31 Januarie 2025 uitgereik.

“Heel van die begin af, toe ons begin liedjies kies het vir hierdie EP, was dit een van my lekkerste werkservarings. Ek het soveel ondersteuning, kundige hulp en entosiasme vanaf Arnold Coleske, Paulo Azevedo, die ander lede van die Coleske-span, die lieflike liedjieskrywers en die twee vervaardigers ontvang. Ek het agt jaar gelede laas nuwe liedjies opgeneem, en ek wou nie net ‘verdwyn’ sonder om te groet nie,” vertel Laurika.

Die kortspeler bestaan uit vyf snitte, wat elk ’n unieke uitdrukking van verskillende vorme van liefde verteenwoordig. Die liedjie “Nog Voor Ek Jou Geken Het”, ’n meesterstuk deur Johan Oberholzer, praat oor romantiese liefde. Marco van Deventer, een van Suid-Afrika se belowendste jong liedjieskrywers, het die titelsnit “Huis” geskryf, wat ’n liefde vir ’n tuiste en sy mense uitbeeld. “Bloekompraatjies”, Lize Beekman se toonsetting van Oom Bert Gericke se afskeidsgedig aan sy vrou van 65 jaar, roer die hart as ’n ode aan liefde vir ’n lewensmaat. Coenie de Villiers en Deon Meyer se “Ek Wil Jou Belowe” beeld die liefde vir ’n kind of geliefde uit, terwyl die duet “Liewe Lewe” met Christi van Niekerk, ’n viering van liefde vir die lewe self is. Hierdie liedjie het reeds in Julie 2024 aandag getrek, nadat Laurika en Christi mekaar aanlyn ontmoet het in ’n episode van VIA se ‘ Klanke van my Hart’ .

Johan Oberholzer vertel dat hy “Nog Voor Ek Jou Geken Het” spesiaal met Laurika se stem in gedagte geskryf het. Laurika, wat al verskeie van Johan se liedjies opgeneem het, soos “Slang in die Gras” (saam met Kurt Darren), “Murg en Been”, en “Oorgenoeg vir Oormôre”, beskryf die voorreg om sy nuwe musiek vir die eerste keer te hoor: “Dit is nie net die liedjie self wat my bekoor nie, maar ook Johan se unieke stem en frasering wat altyd uitstaan. Hy het ’n besonderse talent, en hierdie keer het ek sy frasering behou, omdat dit so natuurlik reg is vir die liedjie”. Sy voeg by dat “Nog Voor Ek Jou Geken Het” ’n lied is wat in ’n klas van sy eie staan en ’n sterk emosionele reaksie by mense wat dit al gehoor het ontlok. “Ek hoop natuurlik heimlik dat dit eendag ’n gewilde keuse vir die openingsdans by troues sal wees!” deel Laurika.

Laurika sê dat sy diep dankbaar en oorweldig is deur die liefde en bydraes tot die dokumentêr. Sy beskryf dit as ’n wonder om saam met Carien Loubser en haar span van Brainwave Productions te werk. “Carien laat haar nie afskrik deur struikelblokke nie en skep ’n produksieproses wat glad en vreugdevol verloop. Om saam met haar te werk is ’n totale kreatiewe plesier.”

Sy verduidelik verder dat sy die produksiespan se kundigheid ten volle vertrou het, maar steeds insae gehad het waar nodig. “Ek kon altyd sê as iets my gepla het en het gevoel dat ek gehoor word. Dit was ’n lieflike ervaring,” sê Laurika.

‘Laurika se Tuiskoms’ bied ’n intieme blik op Laurika se lewe, haar kreatiewe proses en haar spesiale oomblikke saam met haar geliefdes. Die dokumentêr plaas die kollig op die vyf nuwe liedjies, wys hoe Laurika saam met ander kunstenaars in die ateljee daaraan werk, en verbind dit met hoogtepunte uit haar loopbaan. Sy het in 1976 vir die eerste keer op televisie verskyn en haar loopbaan op die verhoog begin vestig lank voordat “Kinders van die Wind” in 1979 ’n treffer geword het. Met ’n loopbaan vol hoogtepunte en mylpale, was daar natuurlik baie meer materiaal as wat in ’n 90-minute program kan pas. Die dokumentêr bevat spesiale bydraes van kunstenaars, liedjieskrywers, vervaardigers en ander betrokkenes, waarvoor Laurika haar opregte dank uitspreek.

Die program bied ook ’n blik op Laurika se persoonlike lewe saam met haar man Chris Torr en hul kinders, Simon en Nina, wat almal ’n rol speel. Sommige tonele is tuis en in hul omgewing verfilm – ’n seldsame, maar kosbare ervaring vir Laurika.

Laurika bedank haar ondersteuners opreg: “Dankie dat jy my vertonings bygewoon het en steeds na my musiek luister. Jou woorde en waardering het sin aan my lewe en werk gegee. Ek voel geseënd en bevoorreg om hierdie pad saam met jou te kon stap. Mag dit goed gaan, en geniet elke liedjie asof dit net vir jou gesing is. Dit sal vir my baie gelukkig maak!”

Met Afrikaans wat in 2025 sy 100ste bestaansjaar gedenk, beskou Laurika die tydsberekening van haar afskeid as soete toeval. “Ek is bly dat ek vanjaar nog ’n bydrae kan lewer tot hierdie viering.”

Met hierdie projek sluit Laurika ’n merkwaardige hoofstuk af, maar haar stem en musiek sal voortleef in die harte van haar ondersteuners. ‘Laurika se Tuiskoms’ is ’n uitnodiging om saam met haar hierdie spesiale laaste oomblikke te deel.

Nog Voor Ek Jou Geken Het is nou beskikbaar op alle digitale stroomdienste soos Apple Music, Spotify, Deezer en YouTube Music.

Dodo Nyoka sluit 2024 af met ‘Meisie’ – ’n vrolike kuierliedjie!

johancv@coleskeartists.co.za (Coleske Artists) — Fri, 13 Dec 2024 05:10:27 GMT

Dodo Nyoka sluit 2024 af met ‘Meisie’ – ’n vrolike kuierliedjie!

2024 was ’n onvergeetlike jaar vir Dodo Nyoka, wat homself stewig as een van Suid-Afrika se mees veelsydige kunstenaars gevestig het. Dié jaar het vir vele hoogtepunte gesorg, waaronder die vrystelling van sy diep persoonlike liedjie “As Ek Opstaan”, geskryf vir sy toekomstige vrou. Kort daarna het hy sy veelsydigheid bewys met sy eerste Engelse snit, “Dancin' In The Stars”, en het hy aanhangers verras met die duet “Ek Verstaan”, saam met sy mentor van Die Kontrak, Karlien van Jaarsveld.

Nou, aan die einde van hierdie suksesvolle jaar, bring Dodo vir sy aanhangers ’n splinternuwe kuierliedjie met die titel “Meisie”. Hierdie lekkerluister-pop-Afrikaanse liedjie vier die gees van vakansietye saam met vriende en familie.

Die liedjie is geskryf as reaksie op ’n versoek van een van Dodo se aanhangers op TikTok. “Een van my aanhangers het my gevra in die comments om ’n kuierliedjie soos ‘Country Girl van Bloem’ te skryf vir Desember, toe doen ek dit,” vertel Dodo.

Hy voeg by: “Ek dink dit is ’n goeie liedjie vir die somerseisoen. Ek probeer altyd om na my aanhangers te luister met die liedjies wat ek uitreik, en dit is presies wat ek gedoen het met hierdie liedjie. Ek is altyd oop vir goeie raad van enigiemand af.”

Met “Meisie” hoop Dodo om mense bymekaar te bring. “Ek wil hê my musiek moet mense gelukkig maak in ’n wereld vol bakleiery. My droom is om mense te laat voel asof hulle my al ontmoet het deur my musiek. Ek dink mense gaan van hierdie liedjie hou, want dit is anders en vars.”

“Meisie” se vrystelling sluit ook ’n musiekvideo in, met Eric T Graham en Tehan Buys van ETC Creative in die regisseurstoel. Die video, wat by The Grove-winkelsentrum in Pretoria verfilm is, vang die nostalgiese gevoel van ’n ou-skool afspraak vas. “Ons wou die musiekvideo so natuurlik as moontlik hou, so hierdie keer het ons net pret gehad op stel,” verduidelik Dodo.

Een van Dodo se persoonlike hoogtepunte van die jaar was sy optrede saam met Francois van Coke by Afrikaans is Groot. “Dit was ’n droom wat waar geword het om op daardie verhoog te staan,” sê hy.

Met “Meisie”, ’n liedjie wat die vrolikheid van Desember en goeie tye vier, sluit Dodo 2024 met flair af. Sy unieke vermoë om ’n boodskap van samehorigheid en geluk deur sy musiek te dra, stel hom beslis in staat om hoër hoogtes te bereik in 2025.

Meisie is nou beskikbaar op alle digitale stroomdienste soos Apple Music, Spotify, Deezer en YouTube Music.

Riaan Benadé sluit die jaar af met ’n bietjie ‘Vitamiene See’

johancv@coleskeartists.co.za (Coleske Artists) — Fri, 13 Dec 2024 04:53:36 GMT

Riaan Benadé sluit die jaar af met ’n bietjie ‘Vitamiene See’

Met die jaar wat vinnig einde se kant toe staan, het Riaan Benadé besluit om sy aanhangers op ’n spesiale manier te bederf: met die uitreiking van sy nuutste enkelsnit, “Vitamiene See”.

Hierdie vrolike liedjie, wat deur Riaan self geskryf is, is geïnspireer deur sy vrou, Melissa, wat hom aangemoedig het om ’n liedjie te skryf oor die vakansiegevoel by die see. “Dis ’n ligte liedjie wat hopelik niks anders doen as om jou gelukkig te maak nie,” sê Riaan. Die liedjie is geskryf met die vakansie-energie van hul onlangse Mauritius-reis in gedagte, waar dit al klaar as die klankbaan vir hul wegbreek gedien het.

Riaan is bekend vir sy vermoë om onverwags kreatief te wees, en hierdie projek is geen uitsondering nie. “Om binne drie weke ’n liedjie te skryf, te vervaardig en vry te stel, is soos om ’n Sondag-na-kerk-maaltyd in 15 minute aanmekaar te slaan,” skerts hy.

Die produksie van “Vitamiene See” was ’n spanpoging, met Ricus Nel as vervaardiger. Riaan prys Ricus vir sy toewyding te midde van ’n besige jaar. Dié liedjie bring ’n nostalgiese, maar vars klank wat ideaal is vir enige vakansiegees, en Riaan hoop dat dit luisteraars inspireer om te ontspan en hulself te geniet – of hulle nou by die see of elders is.

Die musiekvideo is op Mauritius geskiet, met selfone as enigste toerusting. Riaan en Melissa het self die video verfilm en geredigeer, wat dit een van sy mees persoonlike en koste-effektiewe projekte tot dusver maak.

Met nuwe projekte reeds in die pyplyn, beloof Riaan dat sy kreatiewe reis net gaan aanhou verras. Hy sluit af deur sy dankbaarheid te deel vir almal wat deel was van hierdie vinnige en opwindende reis: Arnold Coleske, Paulo Azevedo, Ricus Nel, en sy grootste ondersteuner, sy vrou Melissa.

Vitamiene See is nou beskikbaar op alle digitale stroomdienste soos Apple Music, Spotify, Deezer en YouTube Music.

Dassie maak sy musiekdebuut met die treffende snit ‘Wyne’

johancv@coleskeartists.co.za (Coleske Artists) — Fri, 29 Nov 2024 02:00:00 GMT

Dassie maak sy musiekdebuut met die treffende snit ‘Wyne’

Afrikaanse musiek kry vandag ’n opwindende nuwe toevoeging met Dassie se debuutsnit, “Wyne”, wat nou op alle stroomdienste beskikbaar is. Hierdie Afrikaanse countrystyl liedjie, geïnspireer deur die klanke van Bok van Blerk, Ricus Nel en Appel, is ’n humoristiese, hartroerende weergawe van hoe mense saamkom om hul probleme met ’n glimlag aan te pak.

Dassie, wat self die liedjie geskryf het, verduidelik: “Ek het hierdie liedjie geskryf na ’n paar biere saam met een van my beste pelle. Ek het besef hoe ons regtig bymekaar kom om oor ons probleme te gesels. Ek glo baie mense kan aanklank vind by die liedjie omdat dit eerlik en eg is.”

Met Appel as sy mentor, was Dassie se kreatiewe proses en produksie-ervaring indrukwekkend. “Dit was ’n ongelooflike voorreg om saam met Appel en die span van Dee-Graaff Produksies te werk,” sê hy.

Dassie beskryf “Wyne” as ’n positiewe uitkyk op die daaglikse uitdagings waarmee mense worstel. “Ons almal sit in dieselfde bootjie, maar party van ons se branders is net groter. Hierdie liedjie herinner ons om die oomblikke te geniet, dalk met ’n paar wyne in die hand, en vir ’n rukkie ons bekommernisse opsy te skuif.”

Met die hoop om mense te laat lag, saam te laat kuier en ’n positiewe atmosfeer te skep, sê Dassie: “Ek wil hê mense moet hierdie liedjie aansit en vir ’n oomblik vergeet van hulle ‘krampe en pyne’ – of jy nou in jou kar sit, by ’n braaivuur is, of net rustig in jou bed lê.”

Die uitreiking van “Wyne” word ook vergesel met ’n musiekvideo wat by die ikoniese Jan se Skuld verfilm is. Die video, vervaardig deur ETG Creative se Eric T. Graham en Tehan Buys, is gemik op ’n lekker saamkuier-ervaring wat by die liedjie se tema aansluit.

Dassie deel ook sy dankbaarheid oor die hoogtepunte van sy loopbaan tot dusver: “Ek is bevoorreg om my talent te gebruik om ’n verskil te maak. Dit bly ’n hoogtepunt om saam met mense soos Appel te werk, wat my inspireer en ondersteun. Ek sal altyd dankbaar wees vir hierdie ongelooflike geleenthede.”

Maak seker jy luister na “Wyne” en sluit aan by Dassie se missie om glimlagte, saamkuier en hoop aan Afrikaanse musiek te bring. Die liedjie en musiekvideo is beskikbaar op alle groot platforms – skakel in en deel die wyne en goeie tye saam met vriende en familie!

Wyne is nou beskikbaar op alle digitale stroomdienste soos Apple Music, Spotify, Deezer en YouTube Music.

Demi Lee Moore en Eloff se duet is ’n onverwagse, treffende kombinasie

johancv@coleskeartists.co.za (Coleske Artists) — Fri, 15 Nov 2024 09:52:58 GMT

Demi Lee Moore en Eloff se duet is ’n onverwagse, treffende kombinasie

In die musiekbedryf gebeur daar soms iets wat almal verras – soos die splinternuwe duet tussen twee van Suid-Afrika se grootste musiektalente, Demi Lee Moore en Eloff. Dié twee kunstenaars het saamgewerk aan die vakansietreffer, “As Ek Dalk”, wat pas uitgereik is.

Die liedjie, geskryf deur die talentvolle Emil Paul, verken die universele tema van spyt en die wens om sekere oomblikke in die verlede te kon verander. Emil is ook bekend vir sy werk aan Demi Lee Moore se treffer “Hart Breek”, wat met ’n Aitsa Afrikaanse Musiektoekenning bekroon is vir Meeste Stromings deur ’n Vroulike Kunstenaar.

“Die liedjie vertel van daardie oomblikke waar jy wonder hoe dinge sou uitdraai as jy net een ding anders gedoen het – soos om op die regte tyd totsiens te sê,” sê Eloff. “Dis iets waarmee ons almal kan identifiseer.”

Demi Lee voeg by: “Ons almal het dinge waaroor ons spyt is. Dit klink cliché, maar as ek eerlik is, sou ek sommige dinge in my lewe wél wou verander. Hierdie liedjie is ’n weerspieëling van daardie gevoel.”

Die musiekvideo van “As Ek Dalk” is verfilm in die asemrowende Ponto do Ouro in Mosambiek. Met die regie deur Eric T Graham en Tehan Buys, bied die video ’n vakansiegevoel wat die tema van verlange en herinneringe op die strand perfek vasvang. Hierdie span was ook verantwoordelik vir Demi Lee se “Hart Breek”-musiekvideo, wat met ’n Aitsa Afrikaanse Musiektoekenning vir Musiekvideo van die Jaar bekroon is.

Sedert haar oorwinning in Die Kontrak se eerste seisoen in 2018, het Demi Lee ’n blywende indruk gemaak in die musiekwêreld. Haar debuutalbum “Mis Eet Slaap Herhaal” het haar ’n geliefde naam gemaak, met verdere treffers soos “Kan Jou My Nie Maak Liefhê” en “Wie Se Hart Breek Jy Vanaand”.

Eloff het onmiddellik aandag getrek met sy debuutenkelsnit “Johnnie Blou”. Met sy unieke stem en energieke styl het hy verder naam gemaak met liedjies soos “Witblits”, “Koue Kole”, en sy onlangse enkelsnit “Vlerke”.

Met “As Ek Dalk” bring Demi Lee Moore en Eloff hul onderskeie talente bymekaar in ’n kragtige samewerking wat luisteraars emosioneel sal roer.

As Ek Dalk is nou beskikbaar op alle digitale stroomdienste soos Apple Music, Spotify, Deezer en YouTube Music.

Ricus Nel en Chris Steyn snoer kragte vir nuwe partytjieliedjie

johancv@coleskeartists.co.za (Coleske Artists) — Thu, 07 Nov 2024 21:18:11 GMT

Ricus Nel en Chris Steyn snoer kragte vir nuwe partytjieliedjie

Die bekroonde sanger en liedjieskrywer Ricus Nel en die onlangse wenner van Die Kontrak se derde seisoen, Chris Steyn, is gereed om die Afrikaanse musiektoneel te laat ruk met hul opwindende nuwe duet, “Trek Hom Plat.” Hierdie liedjie beloof om die perfekte partytjie-klankbaan te wees vir die Desember-vakansie, met ’n aansteeklike ritme en ’n vrolike, kuier-gesindheid.

“Ek het nog altyd gedink ek en Chris het nogal baie in gemeen. Ek sien baie van hom in my toe ek jonk was. Sy rustigheid, en net wie hy is. Dis vir my lekker om iets saam met hom te doen,” vertel Ricus, wat as mentor vir Chris opgetree het in die musiekvideo.

Met die gesegde “trek hom plat” as inspirasie, het die twee kunstenaars hierdie liedjie geskep om lig en vol energie te wees. “Dis maar net ’n lekker partytjie-liedjie wat mense in Desember sal kan luister en die gemoedere sal lig,” verduidelik Ricus. Die musiekvideo, verfilm deur Eric T Graham en Tehan Buys, het ’n komiese “karate kid”-element waar Ricus in ’n rol soortgelyk aan “Mr. Miyagi” optree en Chris ’n paar truuks wys — nie oor karate nie, maar oor hoe om regtig “plat te trek.” Die video is propvol humor en beloof om kykers hard te laat lag.

Chris beskryf die duet as ’n ware hoogtepunt vir hom. “Dit voel omtrent soos ’n volsirkel oomblik vir my,” deel hy opgewonde. “Ek het my eerste liedjie by Afrikaans is Groot gesing verlede jaar, en nou, ’n jaar later, het ek die voorreg om saam met een van die groot name in Afrikaanse musiek ’n liedjie uit te bring. Dis ongelooflik!”

Hy voeg by, “Ek het vir Ricus gevra of hy saam my die liedjie wil doen en hy het onmiddellik ja gesê. Dit was so cool dat hy ’n liedjie saam met my wil vrystel.”

“Trek Hom Plat” is ’n sokkie-ritme wat luisteraars sal aanmoedig om op te staan en saam te dans. Dit is geen diep ballade nie, maar eerder ’n liedjie wat luisteraars moet geniet en saam met vriende kuier, vertel Chris. “Ek hoop die mense geniet dit vreeslik. Dit is net ’n lekker kuier-liedjie.”

Die duet van Ricus Nel en Chris Steyn, “Trek Hom Plat,” beloof om in Desember ’n gunsteling te wees.

Trek Hom Plat is nou beskikbaar op alle digitale stroomdienste soos Apple Music, Spotify, Deezer en YouTube Music.

ONS se musiekreis ‘begin’ met hul debuutalbum

johancv@coleskeartists.co.za (Coleske Artists) — Fri, 01 Nov 2024 00:30:00 GMT

ONS se musiekreis ‘begin’ met hul debuutalbum

Op die trappe van hul woonstelblok met net ’n kitaar en groot drome, het die musiekgroep ONS – wat uit Marco van Deventer en Ruvé Erasmus bestaan – hul musiekreis begin. Vandag stel hierdie dinamiese duo hul debuutalbum, “Begin,” bekend, en hul aansteeklike lirieke en treffende klanke het hul vinnig ’n huishoudelike naam gemaak. Nadat hul eerste enkelsnit “Daai Liedjie” vroeër vanjaar vrygestel is, het die opvolgtreffer “Lag” onmiddellik sukses behaal en selfs die nommer een posisie op Apple Music se Afrikaanse ranglys bereik.

Hierdie album bevat sewe liedjies: benewens “Daai Liedjie” en “Lag,” bied ONS vyf splinternuwe snitte wat ’n verskeidenheid emosies en temas dek. Die nuwe liedjies sluit in “Soen,” “Jou Oë,” “Bietjie Verlief Op Jou,” “Terugkom,” en “Los My In Die Lande” – met laasgenoemde wat as die nuutste radio-enkelsnit bekendgestel word.

Volgens Marco is die albumtitel simbolies, aangesien dit die begin van hul amptelike musiekreis verteenwoordig. “Al het ons al ’n paar liedjies uitgereik, is dit ons eerste album. Die liedjies is vir ons van spesiale betekenis; byvoorbeeld, ‘Jou Oë’ was die eerste liedjie wat ons saam geskryf het, en ‘Terugkom’ simboliseer die begin van ons persoonlike verhouding,” verduidelik Marco.

“Lag” se sukses was ook ’n groot deurbraak vir ONS. “Die feit dat ‘Lag’ so gewild geword het, het ons weer hoop gegee. Dit was ’n bewys dat mense werklik hou van wat ons doen en dat ons moet aanhou,” sê Ruvé oor die liedjie se prestasie.

Die vyf nuwe liedjies op die album weerspieël die diepte en veelsydigheid van ONS se musiek. Ruvé vertel: “‘Soen’ en ‘Los My In Die Lande’ weerspieël ons gevestigde klank, maar ons het ook twee ballades – ‘Terugkom’ en ‘Jou Oë’ – wat ’n ander kant van ons wys. ‘Bietjie Verlief Op Jou’ is ’n curveball; dis anders as die res en wys ons speelse kant.”

Marco deel die betekenis agter enkele liedjies op “Begin”: “’Terugkom’ vertel die verhaal van ONS en is baie persoonlik, terwyl ‘Jou Oë’ oor fisiese aanraking as liefdestaal gaan. ‘Los My In Die Lande’ vertel die verhaal van ’n vriend wat moet kies tussen sy meisie en sy plaaslewe, en ‘Soen’ gaan oor ’n tipiese afspraak in Pretoria, waar elke oomblik spesiaal is as jy by jou beter helfte is.”

Met die vrystelling van “Begin” stel ONS ook hul toekomsplanne: “Ons wil hierdie album so wyd as moontlik neem en hoop om elke hoek en draai van die land te besoek. Ons doel is om ons klank te vestig en om ’n pad saam met ons aanhangers te loop,” sê Ruvé.

Die album dra ’n eenvoudige, maar kragtige boodskap: begin net. “Dit gaan daaroor om nie te lank te dink nie – raak verlief, gee die soen wat jy nog altyd wou. Die lewe is te kort,” voeg Marco by.

Met “Begin” nooi ONS aanhangers uit om saam met hulle hierdie musiekreis aan te pak, om saam te sing, en om net die lewe te geniet.

Afrikaanse, Engelse countrymusiek ontmoet in nuwe Appel en James Johnston duet

johancv@coleskeartists.co.za (Coleske Artists) — Thu, 24 Oct 2024 23:00:00 GMT

Afrikaanse, Engelse countrymusiek ontmoet in nuwe Appel en James Johnston duet

Wanneer ’n plaaslike Afrikaanse kunstenaar en ’n Australiese country-musiekster bymekaarkom, is daar vuurwerke. Appel en die bekroonde James Johnston het hul kragte saamgesnoer vir die duet “Country Is For Me”, wat nou beskikbaar is op alle stroomdienste. Vir die eerste keer word Afrikaanse én Engelse lirieke op unieke wyse in een snit vervleg.

Appel, een van Suid-Afrika se mees geliefde kunstenaars, het reeds verskeie toekennings agter sy naam en het van die grootste Afrikaanse treffers geskryf. Sy nuutste enkelsnit, “Klomp Keer Lekker”, het op die dag van vrystelling die nommer een plek op Apple Music se Afrikaanse ranglys ingeneem.

“Om saam met James aan hierdie liedjie te kon werk is ’n groot voorreg vir my en my loopbaan,” het Appel gesê.

James Johnston, wat sy eerste groot sukses beleef het toe hy in 2009 tot die top-3 van Idols Australië gevorder het, het sy loopbaan verder gevestig toe hy in 2014 die top-24 van The X-Factor Australië bereik het. “Country Is For Me” volg op sy onlangse enkelsnit “Blame”, wat in September uitgereik is nadat hy ’n platekontrak met Warner Musiek Australië gesluit het. Met ondersteuning van Warner Musiek Nashville het hierdie enkelsnit wye lof ontvang van publikasies soos Rolling Stone Australia, The Daily Telegraph, The Music Network, en Countrytown.

Appel en James tree Saterdag, 26 Oktober, op by die Cape Town Country Festival, wat deur Bok Radio by die DHL Stadion aangebied word. Kaapse aanhangers sal ook die geleentheid hê om hul nuwe liedjie lewendig te hoor wanneer die twee dit saam op die fees se verhoog gaan sing. Hierdie fees staan bekend as een van die grootste country-musiekfeeste ter wêreld.

James het onlangs ’n suksesvolle toer saam met die Amerikaanse countryster Kip Moore voltooi, met optredes in Sydney, Melbourne, en Brisbane. Hierdie vertonings het nie net sy verhoogtalent ten toon gestel nie, maar ook sy reputasie as ’n opkomende ster in die musiekbedryf versterk. Scenestr het sy vertonings beskryf as “onvergeetlike musikale oomblikke wat aanhangers in vervoering gehad het.”

Die musiekvideo vir die liedjie, verfilm deur Conrad Theron van Atlas Media, is by Nahla Safaris in Schweizer-Reneke geskiet en vang die rustige atmosfeer van die bosveld pragtig vas.

“Country Is For Me” is ’n goedvoel-liedjie wat beide Afrikaanse en Engelse aanhangers sal bekoor. Hierdie liedjie is ’n bewys van die krag van musiek as ’n universele taal en baan die weg vir verdere samewerking tussen Suid-Afrika en die res van die wêreld.

Country Is For Me is nou beskikbaar op alle digitale stroomdienste soos Apple Music, Spotify, Deezer en YouTube Music.

Lisie Basson se nuwe enkelsnit laat vlinders in jou maag dans

johancv@coleskeartists.co.za (Coleske Artists) — Wed, 09 Oct 2024 11:25:34 GMT

Lisie Basson se nuwe enkelsnit laat vlinders in jou maag dans

Sy het harte gesteel as die kopskud-sanger en liedjieskrywer van Die Kontrak se tweede seisoen, en in 2023 het sy groot opslae gemaak met haar debuutsnit “#23”, wat landwyd op radiostasies gehoor is. Nou maak Lisie Basson weer golwe met haar tweede enkelsnit, “Klaar Geweet”.

Lisie se debuutsnit, “#23”, is onlangs benoem vir ’n Aitsa Afrikaanse Musiektoekenning in die kategorie Alternatiewe/Rock Liedjie van die Jaar. “Dit het my so baie inspirasie gegee en my só aangemoedig om meer te skryf en net te groei as ’n kunstenaar,” sê Lisie. Hierdie prestasie het haar die selfvertroue gegee om voort te gaan met haar kreatiewe reis, wat gelei het tot haar jongste uitreiking.

Die inspirasie vir “Klaar Geweet” spruit uit die begin van ’n verhouding, wanneer jy net weet dat daardie persoon ’n groot rol in jou lewe gaan speel. “Ek het iets probeer skep wat mense se aandag dadelik trek en waarop jy sommer dadelik wil begin dans,” verduidelik Lisie oor die liedjie, wat sy saam met die talentvolle jong liedjieskrywer, Bella Coleske, geskryf het.

Sy hoop dat die liedjie dieselfde ligte gevoel by luisteraars sal wek as wat musiek vir haar gee. “Vlinders in jou maag van ’n liedjie is régtig ’n ding. Al gee hierdie liedjie net vir een mens daardie gevoel, sal ek gelukkig wees,” sê Lisie.

Saam met die liedjie word haar heel eerste musiekvideo ook uitgereik. “Ja, dit is my heel eerste musiekvideo en beslis nie my laaste nie,” sê Lisie selfversekerd. Sy beskryf dit as een van die grootste voorregte wat ’n kunstenaar kan hê om ’n liedjie met ’n musiekvideo uit te reik. “Deesdae word dit nie sommer gedoen op die vlak wat hierdie musiekvideo gedoen is nie.”

Die musiekvideo, verfilm deur die bekroonde Eric T Graham en Tehan Buys, gee ’n intieme blik op wie Lisie Basson is. “Die hele idee van die musiekvideo was om mense te wys wie ek as kunstenaar is. Ek ken vir Georic Lomas al van die dae af toe ek altyd by kuiergeleenthede musiek gemaak het, en hy het destyds al gesien hoe ek in aksie lyk. Hy het voorgestel dat ons dit in die video wys—dat mense sien wie Lisie Basson regtig is.”

Lisie besin ook oor haar deelname aan Die Kontrak en hoe dit haar musiekreis gevorm het. Sy erken dat dit aanvanklik ’n moeilike tyd was toe sy in die top-4 uitgeval het, maar vandag besef sy dat dit haar op die regte pad geplaas het. “Ek het nie daardie tyd geweet wie Lisie Basson is nie, maar nou weet ek. Ek is gereed om die musiekbedryf aan te pak met die wete dat God ’n groter plan vir my gehad het.”

Met 2025 om die draai, is Lisie se planne duidelik: “Skryf, skryf, skryf en soveel musiek as moontlik bymekaar sit om te kan begin uitreik,” sê sy met opgewondenheid.

Klaar Geweet is nou beskikbaar op alle digitale stroomdienste soos Apple Music, Spotify, Deezer en YouTube Music.

Dodo, Karlien voltooi ’n volronde oomblik met ‘Ek Verstaan’

Fri, 04 Oct 2024 00:00:19 GMT

Dodo, Karlien voltooi ’n volronde oomblik met ‘Ek Verstaan’

’n Emosionele en betekenisvolle volronde oomblik het aangebreek vir Dodo Nyoka en sy mentor tydens die tweede seisoen van Die Kontrak, Karlien van Jaarsveld, met die uitreiking van hul duet, “Ek Verstaan”. Hierdie nuwe lied bring twee unieke stemme en siele bymekaar in ’n musikale reis wat voortbou op die verhouding wat gedurende Dodo se deelname aan Die Kontrak ontwikkel het.

“Om saam met Dodo aan hierdie liedjie te werk, was ’n besondere ervaring,” deel Karlien. “Dodo is iemand wat diep voel en sy hart volg wanneer hy musiek skep. Dit was vir my ’n emosionele reis om weer saam met hom te werk. Ons deel ’n soort frekwensie van eenheid; ek verstaan wat hy dink en voel sonder dat ons iets hoef te sê. Hy is iemand wat diep oor die lewe dink – my tipe mens.”

Dodo voeg by: “Ek voel dit is ’n volronde oomblik, want van die eerste keer wat ek Karlien ontmoet het, kon ons mekaar aanvoel en verstaan sonder om baie woorde te gebruik. Dit voel dus reg.”

Karlien was ook diep geïnspireer deur Dodo se groei as kunstenaar. “Ek dink sy gees was nog altyd volgroeid; dis net sy aardse reis wat nou moet opvang. Dit is mooi om te sien hoe hy leer om sy gees en sy lewe in harmonie te bring.”

Volgens Karlien is “Ek Verstaan” uniek in sy eenvoud en opregtheid. “Hierdie lied is uit die hart geskryf, sonder enige oogmerke van sukses. Dit was ’n opregte kreatiewe uitdrukking wat uit ons diepste binne kom. Dit is wat dit vir my só spesiaal maak.”

Dodo deel sy inspirasie agter die lied: “Die idee het ontstaan uit die feit dat almal soms val, almal kry seer, en ek wil vir mense wys dat hulle nie alleen is nie.”

Die kreatiewe proses, volgens Karlien, het sonder groot uitdagings verloop. “Dodo het meeste van die idees voorgestel, en ek het net die tweede vers aangepas. Die enigste uitdaging was om te besluit wie watter harmonie moes sing.”

“My ander liedjies is goeie liedjies,” sê Dodo, “maar hierdie keer wil ek die diepte van my hart deel.”

Karlien deel haar bewondering vir Dodo se diepte en wysheid: “Dodo, ek het jou onmiddellik liefgekry – nie net oor jou stem nie, maar oor die manier waarop jy die wêreld sien. Jy dra ’n heilige boodskap in jou oë. Jy verstaan die ware waarde van woorde en weet wanneer stilte meer spreek as spraak.”

Dodo sê dat hy en Karlien ’n soortgelyke gees deel: “Ons hoef nie elke dag te praat nie, maar ons verstaan mekaar. Toe ek die lied vir haar gestuur het, het ons altwee dieselfde verse geskryf sonder om vooraf daarvan te weet.”

Die lied is ’n diep, troosryke herinnering dat, te midde van die chaos van die wêreld, daar altyd begrip is. “Ons is almal saam maar tog alleen in hierdie mal wêreld vol bakleiery, maar as jy ooit alleen voel, onthou: Jesus verstaan,” sê Dodo.

Die musiekvideo vir “Ek Verstaan” is deur Gerduan Kemp in die pragtige Ooskerk in Pretoria verfilm en vang die rou emosie en diepte van die liedjie op meesterlike wyse vas.

“Ek Verstaan” is meer as net ’n duet – dit is ’n weerspieëling van twee kunstenaars se gedeelde begrip van mekaar, van die lewe, en van musiek.

Ek Verstaan is nou beskikbaar op alle digitale stroomdienste soos Apple Music, Spotify, Deezer en YouTube Music.

Ruhan du Toit stof bekende FAK-liedjie af!

johancv@coleskeartists.co.za (Coleske Artists) — Fri, 27 Sep 2024 02:00:00 GMT

Ruhan du Toit stof bekende FAK-liedjie af!

Die Afrikaanse sanger Ruhan du Toit het die geliefde FAK-liedjie deur Rozanne Botha, Kan ’n Man Dan Nie afgestof en nuwe lewe ingeblaas met sy weergawe, getiteld Kan ’n Man . Dié liedjie, wat oorspronklik uit die FAK-skatkis kom, het ’n vars klank gekry met nuwe lirieke geskryf deur Marco van Deventer en Georic Lomas, terwyl die melodie steeds getrou bly aan die oorspronklike.

“Die oorspronklike weergawe is so uniek, en ek onthou nog presies waar ek was toe ek dit die eerste keer gehoor het. Dít is mos waaroor musiek gaan—om herinneringe te skep,” sê Ruhan.

Hy verduidelik dat sy besluit om hierdie spesifieke liedjie af te stof aansluit by die FAK-segment wat hy al die afgelope vier jaar by sy vertonings insluit. “Dit gaan steeds baie goed af by gehore, soveel so dat ek dit selfs in 2023 by Afrikaans is Groot opgevoer het. Dit sluit ook mooi aan by ander projekte wat nog beplan word,” voeg hy by.

Die nuwe weergawe van die liedjie vertel die storie van ’n jong enkellopende man wat op soek is na die liefde van sy lewe. “Vir sommige kom dit net makliker en natuurliker as vir ander,” verduidelik Ruhan. “Dis lig, dis vol humor, en soms bietjie stout. Dis vrolik en pret—die perfekte manier om jou bolla los te maak.”

Ruhan is vol vertroue dat Kan ’n Man luisteraars se harte sal verower. “Ek glo dit kan ’n glimlag op jou gesig sit en ’n huppel in jou stap bring. Dit is eerlik en net iets om te geniet—glad nie ingewikkeld nie.”

Hoewel daar tans nie ’n musiekvideo in beplanning is nie, kan aanhangers uitsien na ’n lekker liriekvideo wat die liedjie sal vergesel.

Kan ’n Man is nou beskikbaar op alle digitale stroomdienste soos Apple Music, Spotify, Deezer en YouTube Music.

Appel se nuwe enkelsnit waai soos ’n vars briesie

johancv@coleskeartists.co.za (Coleske Artists) — Fri, 20 Sep 2024 02:00:00 GMT

Appel se nuwe enkelsnit waai soos ’n vars briesie

Soos die lente met ’n vars briesie inkom, bring Appel sy nuutste enkelsnit, Klomp Keer Lekker , ’n vars klankervaring vir oud en jonk. Hierdie vrolike liedjie, geskryf om jou dag en veral jou naweek stukke beter te maak, weerspieël Appel se kenmerkende styl en treffende lirieke.

Appel deel dat die liedjie die storie vertel van ’n pragtige jong paartjie wat hul eie pad stap, ongeag wat die wêreld van hulle mag dink. “Hulle is vir mekaar genoeg, ken mekaar deur en deur, en dit is al wat saak maak,” sê Appel oor dié snit, wat diep in die siel van jong liefde delf.

Volgens Appel is daar geen spesifieke storie wat die inspirasie vir Klomp Keer Lekker was nie, maar eerder die herinnering aan die tye toe ons almal jonk en verlief was. “Dit beteken vir my dat ek die voorreg het om weer nuwe musiek uit te bring, te leef, kreatief te wees, en dit is vir my genoeg,” voeg hy by.

Appel hoop dat, as dit die Here se wil is, die liedjie met ope arms deur luisteraars ontvang sal word. “Solank my musiek mense gelukkig maak, laat lag, laat verlang, en net vir ’n uur of twee hulle menswees laat waardeer, dan het ek geslaag,” sê Appel oor die impak wat hy met sy musiek wil hê.

Die musiekvideo, wat by Stoetbul in Pretoria en Shokrun verfilm is deur Conrad Theron van Atlas Media, is ook nou op YouTube beskikbaar. Hoewel daar heelwat bekende gesigte in die video is, wil Appel nie te veel verklap nie. “Kyk maar self,” het hy gesê.

Met Klomp Keer Lekker laat Appel luisteraars saam met die lente lag en liefde vier, ’n lied wat beslis elke speellys sal ophelder.

Klomp Keer Lekker is nou beskikbaar op alle digitale stroomdienste soos Apple Music, Spotify, Deezer en YouTube Music.

Demi Lee Moore maak skoonskip by Aitsa-toekennings!

johancv@coleskeartists.co.za (Coleske Artists) — Thu, 19 Sep 2024 10:30:35 GMT

Demi Lee Moore maak skoonskip by Aitsa-toekennings!

Demi Lee Moore het die kollig gesteel tydens die Aitsa Afrikaanse Musiektoekennings, wat gisteraand by die 3Ci Ouditorium in Pretoria plaasgevind het.

Demi Lee het die toekenning vir Popliedjie van die Jaar gewen, asook die gesogte prys vir Meeste stromings deur ’n vroulike kunstenaar vir Hart Breek . Die musiekvideo vir Hart Breek het ook erkenning ontvang en is aangewys as Musiekvideo van die Jaar . In dié kategorie het sy saam met Johan C Venter, Eric T Graham en Tehan Buys gewen, wat elk hul eie unieke bydraes tot die sukses van hierdie musiekvideo gelewer het.

Die aand was egter nie net Demi Lee Moore s’n nie. Ander noemenswaardige Coleske-kunstenaars en vervaardigers het ook uitgeblink. Riaan Benadé het die toekenning vir Kontemporêre Liedjie van die Jaar gewen vir sy treffer Stoom . Appel het met die toekenning vir Album van die Jaar vir Wille Ding huis toe gegaan.

Nóg ’n hoogtepunt van die aand was toe Paulo Azevedo en Ruan Graaff erkenning ontvang het as Vervaardigers van die Jaar vir hul werk aan Riana Nel se liedjie Wat Nou? .

’n Spesiale oomblik het aangebreek toe die legendariese Laurika Rauch vereer is vir haar lewenslange bydrae tot Afrikaanse musiek. Met haar nuwe enkelsnit Liewe Lewe, wat vroeër vanjaar uitgereik is , bewys sy steeds dat haar invloed onmiskenbaar is.

Die Aitsa-toekennings het opnuut beklemtoon hoe Afrikaanse musiek floreer, met talentvolle kunstenaars wat deurlopend nuwe hoogtes bereik. Demi Lee Moore se prestasie is ’n verdere bewys van haar meesterlike vermoë om gehore te boei en haar plek as een van Suid-Afrika se top-kunstenaars te versterk.

Hemel & Hel: Demi Lee Moore en Riaan Benadé saam op een verhoog!

johancv@coleskeartists.co.za (Coleske Artists) — Mon, 16 Sep 2024 13:09:31 GMT

Hemel & Hel: Demi Lee Moore en Riaan Benadé saam op een verhoog!

Die Afrikaanse musiektoneel is aan die gons oor ’n uitsonderlike samekoms tussen twee van die grootste sterre in Afrikaans, Demi Lee Moore en Riaan Benadé , wat vir die eerste keer ooit die verhoog saam gaan deel in hulle splinternuwe musiekproduksie, Hemel & Hel . Hierdie eksklusiewe vertoning, wat slegs by die Fairtree Atterbury Teater aangebied word, beloof om ’n aand te wees van onvergeetlike musiek, storievertelling en vermaak.

Demi Lee Moore, bekend vir haar countrytreffers soos Neon Moon en Mis Eet Slaap Herhaal , en Riaan Benade, die geliefde Nylstroom plaasseun met ’n stem wat gehore oor die land betower, het vinnig die harte van Afrikaanse musiekliefhebbers gesteel. Hulle samewerking het vir die eerste keer plaasgevind toe hulle die country-duet Seven Spanish Angels saam opgeneem het. Daarna het hulle weer die kollig gedeel met die wegholtreffer There Was Jesus , wat hulle onteenseglik as ’n magtige musiekpaar gevestig het. Hulle mees onlangse duet, Hemel & Hel , wat ook die titel van die musiekproduksie is, is sonder twyfel ’n gunsteling onder luisteraars.

Die nuus van hulle nuwe vertoning bring groot opwinding onder aanhangers, aangesien hierdie duo nie gereeld saam op die verhoog te sien is nie. Dit maak hierdie produksie ’n moet-sien ervaring vir enige musiekliefhebber wat hul kombinasie van rou talent en hartroerende vertolkings waardeer.

Die vertoning beloof om ’n perfekte balans tussen die lig en donker kante van die lewe vas te vang—van hemelse harmonie tot liedjies wat die dieptes van emosie aanspreek. Aanhangers kan uitsien na ’n aand gevul met treffende ballades, hartroerende stories, en ’n skeutjie humor, soos net Demi Lee en Riaan dit kan bring. Die aand is nie net ’n viering van hulle individuele musiekloopbane nie, maar ook van hul musikale chemie wat elke noot ’n emosionele trefkrag gee.

Hemel & Hel sal eksklusief op Donderdag, 26 September 2024 om 19:00 by die Fairtree Atterbury Teater op die planke wees. Kaartjies kos R380 per persoon.

Hierdie vertoning bied ’n unieke kans om twee van die land se mees gevierde kunstenaars in ’n intieme en indrukwekkende omgewing te ervaar. Vir ’n aand van onvergeetlike musiek, verhale en lag—maak seker dat jy jou plek bespreek vir Hemel & Hel , want dié vertoning gaan ’n emosionele hoogtepunt wees wat gehore vir lank sal bybly.

Nuwe enkelsnit van Martin Bester het ook dieper betekenis

johancv@coleskeartists.co.za (Coleske Artists) — Fri, 13 Sep 2024 01:00:01 GMT

Nuwe enkelsnit van Martin Bester het ook dieper betekenis

Martin Bester, die ikoniese Suid-Afrikaanse sanger en liedjieskrywer, stel sy nuutste popliedjie, Bietjie Asseblief vry. Dié opgewekte liedjie, wat die dinamika van verhoudings en die politiek rondom kuier ondersoek, is ’n samewerking tussen Martin Bester en Pierre Rossouw.

Bietjie Asseblief is ’n treffende popliedjie wat die algemene realiteite van verhoudings aanspreek. Dit handel oor die feit dat daar dikwels een persoon in ’n verhouding is wat meer wil kuier as die ander persoon.

“Ek het maar net besef dat sekere goed in verhoudings meer algemeen is, soos die probleme wat kan ontstaan rondom kuier. Ek dink mense wat al in verhoudings was of is, sal hulself vereenselwig met die liedjie. Partykeer moet jy mooi praat as jy in 'n kuierbui is,” verduidelik Martin grapperig.

Die lirieke van Bietjie Asseblief fokus op emosie en eerlikheid en die melodie van die enkelsnit is reeds van die begin ’n lekker oorkruiper. Martin en Pierre se samewerking het ’n liedjie tot gevolg gehad wat betekenis dra.

Martin se musiek het nog altyd ’n manier gehad om mense te raak, en Bietjie Asseblief is geen uitsondering nie.

“As daar iets is in my liedjies wat vir iemand betekenis dra of jy hou net van die vibe, is ek gelukkig. Solank my musiek jou iets laat voel, oor jouself of oor iemand anders, het ek my doel bereik,” vertel hy.

Dit is ’n liedjie wat die potensiaal het om ’n gunsteling te word onder aanhangers van alle ouderdomme.

Pierre, wat saam met Martin aan die liedjie gewerk het, het ook sy unieke stempel op die liedjie afgedruk. Pierre bring 'n vars en dinamiese element na die musiek, wat Bietjie Asseblief nog meer onvergeetlik maak.

Martin se vermoë om hierdie temas in sy musiek vas te vang, maak hom een van die mees geliefde kunstenaars in Suid-Afrika.

Bietjie Asseblief is nie net ’n liedjie nie, maar ’n ervaring wat die luisteraar saamneem op die reis. Dit is ’n uitnodiging om te reflekteer oor ons eie verhoudings en die maniere waarop ons met mekaar verbind. Dit is ’n viering van die menslike ervaring en die vreugdes en uitdagings wat daarmee gepaard gaan.

Bietjie Asseblief is nou beskikbaar op alle digitale stroomdienste soos Apple Music, Spotify, Deezer en YouTube Music.

The “Groot” Wheel: Wen só ’n miljoenrand!

johancv@coleskeartists.co.za (Coleske Artists) — Mon, 09 Sep 2024 10:45:00 GMT

The “Groot” Wheel: WEN só ’n miljoenrand!

Die tyd het aangebreek vir een gelukkige AiG-ondersteuner om in aanmerking te kom vir die R1 miljoen kontantprys, met die opwindende nuwe, The “Groot” Wheel, deur Afrikaans is Groot en Jackpot City.

Hierdie unieke geleentheid bied agt gelukkiges die kans om die groot prys en ook agt ander die kans om om ’n onvergeetlike BBP-oomblik van wow suite-kaartjies vir Afrikaans is Groot 2024 te wen.

Hoe werk dit?

Om deel te neem, besoek eenvoudig die GROOT WHEEL -webwerf en registreer ’n rekening. Nadat jy ’n deposito van slegs R50 gemaak het, kry jy toegang tot The “Groot” Wheel. Hier sal jy die kans hê om die wiel te draai en moontlik gratis speelbeurte op die speletjie Disco Beats wen, in die trekking vir die BBP-oomblik van wow suite-kaartjies kom, of selfs ’n finalis word vir die groot prys van R1 miljoen. Jy mag slegs deelneem indien jy 18 jaar of ouer is.

Wanneer sal die groot wenner aangekondig word?

Die hoogtepunt van hierdie opwindende kompetisie is die bekendmaking van die R1 miljoen-wenner, wat op Saterdag, 16 November, tydens die middagkonsert by Afrikaans is Groot 2024 sal plaasvind. Stel jou voor hoe dit jou lewe kan verander!

Die BBP-oomblik van wow suite-kaartjies sal vir die Saterdag, 16 November se namiddag konsert wees.

Belangrike inligting

Om in aanmerking te kom, moet deelnemers hulself registreer by www.grootwheel.co.za en die instruksies volg. Deur deel te neem, aanvaar jy die privaatheidsbeleid en die terme en voorwaardes van Jackpot City en Coleske Artists Management . Dit is belangrik om hierdie bepalings deeglik deur te lees om ten volle bewus te wees van jou deelname. Onthou jy moet 18 jaar of ouer wees om deel te neem.

Met The “Groot” Wheel kan jou lewe binne ’n oogwink verander. Wat sou jy doen met R1 miljoen? Die moontlikhede is eindeloos, maar die kans om te wen, is net een draai weg!

Dodo Nyoka sing oor ‘fairytale liefde’ in nuwe enkelsnit

johancv@coleskeartists.co.za (Coleske Artists) — Fri, 06 Sep 2024 02:00:01 GMT

Dodo Nyoka sing oor ‘fairytale liefde’ in nuwe enkelsnit

In Julie vanjaar het Dodo Nyoka sy aanhangers op TikTok verras met ’n voorsmakie van sy nuutste liedjie, wat vinnig aandag getrek het. Sedertdien is dié video meer as 800 000 keer gekyk, met byna 60 000 “likes” en oor die 2000 kommentare. Nou is die volledige weergawe van Dancin' In The Stars – ’n unieke mengsel van country, African, en Afrikaanse popmusiek – beskikbaar op alle stroomdienste.

Dodo, wat bekend is vir sy treffers soos Foto’s , Country Girl van Bloem en Frikkie vir ’n Rukkie , het self dié liedjie geskryf en beskryf dit as ’n nostalgiese reis deur ou liefde. “Ek hou baie van countrymusiek, en ek wou nog altyd ’n countryliedjie uitgereik het,” het Dodo verduidelik. “Ek het nooit gedink mense sou daarin belangstel nie, totdat ek ’n gedeelte van die liedjie op TikTok geplaas het, net vir die lekkerte.”

Die liedjie handel oor die magiese gevoel van ’n sprokiesverhouding – die tipe liefde wat mense laat voel asof hulle die wêreld kan ontsnap, net deur saam te dans. “Dis oor twee mense wat saam dans sonder om om te gee wie kyk of wat in die buitewêreld gebeur... wanneer hulle saam is, verlaat hulle hierdie wêreld,” sê Dodo.

Die inspirasie vir die liedjie het op ’n onverwagse manier ontstaan. “Ek het een oggend wakker geword en my kitaarspeler het ’n melodie in die ateljee gespeel. Ek het net by die ingang gestaan en geluister en toe begin die woorde uitspoel. Hy was geskok, want sonder dat ek dit geweet het, het ek sy eksmeisie en hul herinneringe beskryf,” deel Dodo oor die “magical oomblik” wat tot die liedjie gelei het.

Die musiekvideo vir Dancin’ In The Stars sal binnekort op YouTube beskikbaar wees. Dit beeld die storie uit van ’n meisie wat haar hoop verloor het, totdat ’n cowboy haar na spesiale plekke neem om haar te wys dat daar meer in die lewe is as net die alledaagse gejaag. Wat hierdie musiekvideo nog meer spesiaal maak, is dat dit by The Almond Tree Children’s Village in Benoni verfilm is.

Met Dancin’ In The Stars betree Dodo ’n nuwe genre en stel hy sy eerste Engelse uitreiking vry sedert sy deelname aan Die Kontrak seisoen 2 in 2022. “Ek dink mense gaan dit geniet omdat dit ’n vars klank is. Ek wil hê mense moet nostalgies voel na hierdie een. Dit herinner ons daaraan om nooit op te gee op daardie ‘fairytale’ tipe liefde nie, want ware liefde bestaan nog.”

Dancin’ In The Stars is nou beskikbaar op alle digitale stroomdienste soos Apple Music, Spotify, Deezer en YouTube Music.

Leo Sonskyn se eerste Afrikaanse enkelsnit is ’n bewys van ‘aanhouer wen’

johancv@coleskeartists.co.za (Coleske Artists) — Fri, 30 Aug 2024 08:30:00 GMT

Leo Sonskyn se eerste Afrikaanse enkelsnit is ’n bewys van ‘aanhouer wen’

Met sy diep, betowerende stem het Leon van Zyl, bekend as Leo Sonskyn, homself tot in die top-5 van die derde seisoen van Die Kontrak gesing. Nou is Leo terug in die kollig met sy eerste Afrikaanse enkelsnit, Amper Daar .

“Die liedjie is baie na aan my hart,” vertel Leo. “Ek het dit geskryf in ’n tyd wat my hart amper wou opgee, nie net op musiek nie, maar op die wêreld. Dis ’n liedjie van vasbyt en aanhou, wat wys jy kan enige iets doen as jy jou mind tot dit stel en in die Here se wil lewe.”

Amper Daar is deur Leo self geskryf, met bydraes van vriende wat oor die jare idees bygevoeg het. Dié liedjie vertel die verhaal van ’n jong musikant wat doelgerig is, maar nog nie heeltemal sy doel bereik het nie. Hy het baie talent, maar spits sy potensiaal op die verkeerde dinge. Met uithouvermoë en die Here se hulp, kan hy egter sy drome verwesenlik.

Volgens Leo beteken dit vir hom die wêreld om sy heel eerste Afrikaanse enkelsnit uit te reik. Hy glo baie mense sal met die liedjie kan vereenselwig. “Ek weet nie hoe die publiek dit gaan ontvang nie, maar ek weet my hart en siel en baie harde werk is in hierdie liedjie en ek hoop dit bring iets spesiaal na die Afrikaanse mark,” sê hy. “Ek hoop dit bring hoop en vreugde aan almal wat dit luister.”

Leo is ook opgewonde oor die musiekvideo wat tans in die pyplyn is en wat deur Leon Barnard Studios opgeneem gaan word. “Dit gaan die storie vertolk van ’n sukkelende musikant wat nooit opgee op sy liefde vir musiek en mense nie,” verduidelik hy.

Hy hoop dat Amper Daar so goed sal vaar dat hy verdere liedjies kan uitreik en die land met sy musiek kan plattoer. Vra jy hom oor sy hoogtepunte tot dusver, antwoord hy nederig: “Hoe die publiek my as kunstenaar ontvang en die oorweldigende ondersteuning wat hulle bied.” Leo waardeer ook sy tyd op Die Kontrak en die geleenthede om met sy musiekhelde te werk en aan toere en feeste deel te neem.

Amper Daar is nou beskikbaar op alle digitale stroomdienste soos Apple Music, Spotify, Deezer en YouTube Music.

GrootFees 2024: ’n Vakansiehoogtepunt vir Hartenbos

Tue, 27 Aug 2024 08:00:01 GMT

GrootFees 2024: ’n VakansiehoogTEpunt vir Hartenbos

Van 21 tot 31 Desember 2024 keer die GrootFees terug na Hartenbos met ’n opwindende reeks musiek- en vermaakaanbiedinge wat vir die hele gesin se vermaak verseker. Hierdie gesogte vakansiegebeurtenis, wat aan die Tuinroete geanker is, bied besoekers die kans om saam met hul geliefdes en gunsteling kunstenaars onvergeetlike oomblikke te deel.

Wat in 2019 begin het as die Somerfees in Mosselbaai, met meer as 30 000 konsertgangers, het vinnig gegroei tot een van die grootste vakansietrekpleisters op Hartenbos. Sedert sy herbenaming in 2022 as die GrootFees, het die fees sy plek as ’n onmisbare deel van die vakansieseisoen gevestig. Die ATKV Amfiteater op Hartenbos bied ’n pragtige en gerieflike omgewing vir konsertgangers om dié skouspel te geniet.

Vanjaar se aanbod sluit in:

AiG-Buitelug: Op 21 Desember bied die GrootFees ’n unieke buitelugkonsert aan wat ’n weergawe is van die jaarlikse Afrikaans is Groot-konsert in Pretoria. Hierdie konsert sal Elvis Blue, Demi Lee Moore, Tarryn Lamb, Ruhan du Toit, Ricus Nel, Bobby van Jaarsveld, Robbie Wessels, Riana Nel en Monique Steyn op die verhoog hê.

Alternatief is Groot: Op 28 Desember kom Suid-Afrika se beste rockmusieksterre bymekaar vir ’n konsert wat spesifiek gemik is op die jonger generasie. Geniet optredes deur Spoegwolf, Francois van Coke, Die Piesangskille, ONS, Lisie Basson en Early B.

GrootJol: Sluit die jaar af op 31 Desember met ’n groot afskop by die GrootJol. Riaan Benadé, Juanita du Plessis, Chris Steyn, Jay, Samantha Leonard, Karlien van Jaarsveld, Appel, Eloff, Dodo Nyoka en Brendan Peyper sal die aand se vermaak verskaf.

Bespreek jou kaartjies via Afrikaans is Groot se nuwe interaktiewe kommunikasieplatform, Groot Chat, en ontvang 15% afslag. Let wel: hierdie aanbod is slegs vir ’n beperkte tyd beskikbaar. Om jou gesprek op Groot Chat te begin, stuur “Hi” na 066 515 6611 en laat waai.

Bespreek ’n tafel vir ses vir ’n meer intieme en gemaklike konsertervaring, wat ook ’n kas van 24 blikkies drankies insluit. Vir diegene wat op soek is na ’n premium-ervaring by die AiG-Buitelugkonsert, is daar ’n eksklusiewe goue sirkel area beskikbaar teen R350 per persoon.

Op die feesterein sal besoekers ook ’n wye verskeidenheid kosstalletjies en ’n Buffelsfontein ontspanningskroeg kan geniet. Voor elke konsert sal daar ook vermaak wees om die partytjie aan die gang te kry — net een van die vele verrassings wat die AiG-span vanjaar vir feesgangers inhou.

GrootFees 2024 beloof ’n betowerende ervaring vir die hele gesin. Dit is die perfekte manier om tyd saam te spandeer en die vakansie met musiekhoogtepunte te vier wat jou somer onvergeetlik sal maak.

GrootFees word met trots aangebied deur Jackpot City in samewerking met ATKV Hartenbos, Belgravia Gin, Laeveld Agrochem, City Lodge Hotels, Toyota, Buffelsfontein Brandewyn en Virseker.

Ruhan du Toit skep ‘hoop, trots’ met nuwe liedjie

johancv@coleskeartists.co.za (Coleske Artists) — Fri, 16 Aug 2024 02:00:00 GMT

Ruhan du Toit skep ‘hoop, trots’ met nuwe liedjie

Ruhan du Toit, bekend vir treffende liedjies soos Monumentaal en Val Op Jou Knieë , bring nou weer ’n inspirerende liedjie met ’n boodskap van hoop én trots. Sy nuutste Afrikaanse kontemporêre liedjie, Jy Hoort Hier , vier jou plek in jou land en omgewing, en herinner ons aan die rykdom van positiewe aspekte wat ons kan waardeer en bydra tot ’n beter toekoms vir ons en ons kinders.

Die konsep en oorsig vir die liedjie is gedoen deur dr. Dirk Hermann, bestuurshoof van Solidariteit, met die lirieke en musiek deur Marco van Deventer en Georic Lomas. “Die storie agter die liedjie is hoofsaaklik om mense weer opgewonde en positief te kry oor die vooruitsig van hierdie wonderlike land waarin ons bly. Ja, met al sy foute het ons nog steeds soveel om voor dankbaar te wees,” sê Ruhan.

Jy Hoort Hier vorm ook deel van Solidariteit se #JyHoortHier-veldtog. “Met hierdie veldtog sê ons hoe Afrikaners steeds bereid is om die uitdagings aan te pak wat ons so dikwels in Suid-Afrika moet trotseer. Ons antwoord ook die vraag oor hóékom ons dan bereid is om dit te doen: Want ons hoort hier,” het dr. Dirk op sy beurt gesê.

Ruhan erken dat dit deesdae moeilik is om te voorspel hoe ’n liedjie gaan vaar. “Maar gebaseer op die positiewe sukses wat ons destyds met Die Land en Monumentaal behaal het, glo ek dit is weer tyd vir so ’n liedjie en dat mense regtig daarvan sal hou,” voeg hy by.

“Dis ’n liedjie wat siels kos na die tafel bring en dit boonop met ’n lekker energieke tempo en interessante melodieë,” sê hy.

’n Musiekvideo wat die egte Suid-Afrikaanse essensie uitbeeld, gaan ook saam met die liedjie uitgereik word. Dié video, wat deur Atlas Media verfilm is, beeld elemente soos rugby, geloof en familie uit. “Die liggies aan die einde is elkeen wat sy hand opsteek om ’n verskil te maak. SO - steek jóú liggie aan saam my,” sê Ruhan. Die video is verfilm op verskeie plekke en huishoudings in Pretoria, met die orkes gedeelte by Sorcery in die ooste van Pretoria.

Ruhan hoop sy musiek bring ’n gevoel van behoort en trots. Hoewel hy al baie hoogtepunte in sy loopbaan kan uitsonder, noem hy sy eerste Afrikaans is Groot-optrede in 2016 as sy eerste antwoord. Hy het ook ’n enkelsnit of twee op pad, “miskien ietsie ligs en aan die kuier kant,” verklap Ruhan.

Jy Hoort Hier is nou beskikbaar op alle digitale stroomdienste soos Apple Music, Spotify, Deezer en YouTube Music.

Bobby maak ons litte weer “lewendig” met nuwe liefdes-dansliedjie

johancv@coleskeartists.co.za (Coleske Artists) — Fri, 02 Aug 2024 07:38:46 GMT

Bobby maak ons litte weer “lewendig” met nuwe liefdes-dansliedjie

Die geliefde Afrikaanse sanger, Bobby van Jaarsveld, is terug met ’n splinternuwe enkelsnit getiteld Lief My Weer Lewendig . Hierdie liedjie, geskryf deur die talentvolle Johan Oberholzer, gaan oor die kragtige effek van liefde in ons lewens. Of dit nou jou man, vrou, kinders, of enige geliefde is, liefde het die mag om ons lewendig te maak.

Bobby hoop dat die publiek die liedjie goed sal ontvang en dat hulle hulself kan inleef daarin. “Ek het lank terug ’n dansliedjie uitgebring en die mark is nogal lus vir ’n bietjie dans deesdae,” het Bobby bygevoeg.

Volgens Bobby is hierdie liedjie in ’n ander styl as sy vorige enkelsnit, Verlore Seun , wat vroeër vanjaar uitgereik is. “Ek dink mense sal dit kan speel vir die persoon vir wie hulle lief is.”

“Vir my voel die liedjie ook geestelik, want ek kan die liedjie sing vir God. Sy liefde maak my weer lewendig oor en oor en oor so baie keer. Ek dink almal kan verstaan waaroor die liedjie gaan. Partykeer bevind ons onsself in donker, vreemde plekke, maar liefde bedek alles,” het Bobby gesê. “Ek hoop mense ook die storie agter die storie hoor, dat dit iemand se hart sal raak.”

’n Musiekvideo wat deur Gerduan Kemp verfilm is, is ook in die pyplyn, maar hieroor wil Bobby nie te veel verklap nie. Dié musiekvieo, wat nou ook op alle stroomdienste beskikbaar is, laat die kyker as’t ware voel of hulle ’n Bobby-vertoning in die gemak van hul sitkamers geniet.

Almal weet reeds Bobby van Jaarsveld is nie net ’n sanger nie, maar ook ’n kranige akteur. Dit is dus baie opwindend dat hy ook vanaf 9 Augustus te sien sal wees in die sexy romantiese komedie Eksie Perfeksie op Showmax, saam met ander sterre soos Pietie Beyers, Emma van Heyn, Sean van Noordwyk, en vele meer. “Ek geniet dit vreeslik om my lyf akteur te hou en ek is so dankbaar vir al die geleenthede wat oor my pad kom,” voeg hy by.

Met ’n loopbaan wat oor byna twee dekades strek, sê Bobby dat daar nie veel is om uit te sonder nie, behalwe die ongelooflike mense wat hy ontmoet het en die legendariese oomblikke wat hy beleef het. “Die groot hoogtepunte sal altyd die publiek wees wat na die shows toe kom en my ondersteun. Ná 20 jaar in die bedryf, sedert my eerste album, is ek steeds dankbaar vir elkeen wat my reis deel.”

Lief My Weer Lewendig is nou beskikbaar op alle digitale stroomdienste soos Apple Music, Spotify, Deezer en YouTube Music.

Laurika Rauch ná agt jaar terug met nuwe musiek

johancv@coleskeartists.co.za (Coleske Artists) — Fri, 26 Jul 2024 03:00:00 GMT

Laurika Rauch ná agt jaar terug met nuwe musiek

Ná agt jaar se ateljee-stilte en ’n oënskynlike uittrede uit die musiekbedryf is die legendariese Laurika Rauch terug met nuwe musiek.

“Ek het die voorreg van ’n baie lang loopbaan van meer as 40 jaar gehad, maar tree nou al vir geruime tyd nie meer op nie,” sê Rauch. “Ek kry egter daagliks nog versoeke vir vertonings. As dit enigsins moontlik sou wees, wou ek ’n ‘grootse gebaar’ teenoor die mense wat my en my werk nog steeds en oor soveel jare ondersteun, maak.”

Rauch, wat byna agt jaar laas ’n nuwe liedjie opgeneem het, is saam met die Coleske-Groep aan die werk om ’n versameling nuwe liedjies op te neem. Die eerste snit, Liewe Lewe , word op 26 Julie 2024 uitgereik, met die ander snitte wat een vir een sal volg. Die volledige versameling sal DV teen einde November beskikbaar wees.

“Ek en Carien Loubser (bekende TV vervaardiger vir ondermeer Die Republiek van Zoid Afrika, JAN en Klanke Van My Hart) het ’n ontbytkuier gehad en sy het my bekendgestel aan die liedjie Liewe Lewe van Christi van Niekerk, ’n jong en talentvolle komponis/sanger. Ek en Arnold Coleske, Paulo Azevedo en Juan (Floors) Oosthuizen het aan die werk gespring. Dis ’n pragtige, vars en vrolike liedjie met ’n ideale boodskap. Ek beplan om nog ’n paar liedjies van jong, maar ook gevestigde liedjieskrywers op te neem. Die versameling sal definitief ook spog met ’n paar vintage - Laurika liedjies,” sê Rauch.

Rauch erken dat sy nie doelbewus oor die jare ’n platform vir jonger kunstenaars probeer skep het met samewerkings nie, maar sy is dankbaar as dit wel hulle loopbane gehelp het. “Dit was Arnold Coleske se idee om Christi ook te betrek as ‘medewerkende kunstenaar’ en die toevoeging van haar stem maak ’n pragtige bydrae tot Liewe Lewe”.

Ander jonger kunstenaars saam met wie Laurika al gewerk het sluit onder andere in, Kurt Darren in sy jonger dae, die bekwame kitaarspeler en vervaardiger Loki Rothman, Die Heuwels Fantasties, Elvis Blue asook die alternatiewe groep Bittereinder.

Alhoewel sy nog altyd die verhoog as haar eerste liefde beskou het, was die afgelope weke in die ateljee vir haar absoluut vreugdevol en opwindend. “Die hele proses is vir my regtig lekker,” voeg sy by.

Rauch het ook nou tyd gekry om aandag te gee aan baie ander dinge en belangstellings waarvoor daar nooit tevore tyd was nie. Sy het haar spreekwoordelike ‘huis in orde’ begin kry en haar toekennings, foto’s, memorabilia, musiekargief, artikels en resensies aan NALN (Die Nasionale Afrikaanse Letterkundige Museum en Navorsingsentrum) in Bloemfontein geskenk.

Die omslag van Liewe Lewe bevat ’n vrolike skildery wat deur Rauch se dogter, Nina Torr, gemaak is, gebaseer op ’n foto wat haar pa met ’n bokskamera geneem het tydens haar vyfde verjaarsdagpartytjie. Aanhangers kan uitsien na nóg unieke kunswerke van Nina wat as liedjie-omslae sal dien.

“Nina het vantevore al tot van my werk bygedra - haar kuns was byvoorbeeld te sien in die boekie van Wals, Wals, Willemien en ook as die omslag van my In duet -versameling op Apple Music. Dis vir my lekker en betekenisvol om saam met my kind te werk.”

Laurika Rauch se terugkeer na die musiekbedryf met nuwe musiek is ’n opwindende gebeurtenis vir haar aanhangers en die Afrikaanse musiekgemeenskap. “Ek kan basies nie wag nie!” sê Rauch opgewonde.

Aitsa, hier is die Coleske Groep-nominasies!

johancv@coleskeartists.co.za (Coleske Artists) — Wed, 24 Jul 2024 08:05:04 GMT

Aitsa, hier is die Coleske Groep-nominasies!

Die nominasies vir die gesogte Aitsa Afrikaanse Musiektoekennings is gisteraand bekend gemaak. Demi Lee Moore, Lisie Basson, Riana Nel, Karlien van Jaarsveld, Chris Steyn, Appel, ONS, Riaan Benadé, Ruhan du Toit, Ricus Nel, Bok van Blerk is van die benoemdes in die Coleske Groep-stal.

Vanjaar se toekenningsgeleentheid vind plaas op 18 September by die 3CI Ouditorium in Pretoria.

Só lyk die Coleske nominasies:

Alternatiewe/rock liedjie van die jaar

Niks Om Oor Huis Toe Te Skryf Nie - Die Heuwels Fantasties en Demi Lee Moore
#23 - Lisie Basson

Vervaardiger van die jaar

Ruan Graaff en Paulo Azevedo - Wat Nou? (Gesing deur Riana Nel)
Ruan Graaff en Paulo Azevedo - Ek Wonder (Gesing deur Riana Nel)
Johnny de Ridder - Niks Om Oor Huis Toe Te Skryf Nie (Gesing deur DHF en Demi Lee Moore)
Juan (Floors) Oosthuizen, Paulo Azevedo en Riaan Benadé - Boksemdais (Gesing deur Riaan Benadé)

Liedjieskrywer van die jaar

Karlien van Jaarsveld - Als Is Okay (Gesing deur Karlien van Jaarsveld)
Riana Nel - Ek Wonder (Gesing deur Riana Nel)
Riaan Benadé - Boksemdais (Gesing deur Riaan Benadé)
Johnny de Ridder, Hunter Kennedy, Pierre Greeff, Demi Lee Moore en Barthlo Visagie - Niks Om Oor Huis Toe Te Skryf Nie (Gesing deur DHF en Demi Lee Moore)

Geestelike liedjie van die jaar

Amen - Amira en Ndlovu Youth Choir
Ek Wonder - Riana Nel

Musiekvideo liedjie van die jaar

Johan C Venter, Eric T Graham en Tehan Buys - Helemal (Gesing deur Chris Steyn)
Johan C Venter, Eric T Graham, Tehan Buys en Demi Lee Moore - Hart Breek (Gesing deur Demi Lee Moore)
Johan C Venter en Morné Coetzee - Boksemdais (Gesing deur Riaan Benadé)

Album van die jaar

Helemal - Chris Steyn
Wille Ding - Appel

Nuweling van die jaar

Chris Steyn
ONS

Ballade liedjie van die jaar

Mag Ek Jou Laaste Wees - Ruhan du Toit

Kontemporêre liedjie van die jaar

Als Is Okay - Karlien van Jaarsveld
Buffel van Buffelsfontein - Appel
Dis Raak - Bok van Blerk
Helemal - Chris Steyn
Khaki - Ricus Nel
Stoom - Riaan Benadé

Pop liedjie van die jaar

Foute - Appel
Hart Breek - Demi Lee Moore

My kunstenaar van die jaar (publiek)

Demi Lee Moore
Chris Steyn
Riaan Benadé

Karlien van Jaarsveld op ’n ‘pelgrimstog’, terug in tyd in nuwe snit

johancv@coleskeartists.co.za (Coleske Artists) — Fri, 19 Jul 2024 02:00:00 GMT

Karlien van Jaarsveld op ’n ‘pelgrimstog’, terug in tyd in nuwe snit

Karlien van Jaarsveld het pas haar nuwe enkelsnit, Katrientjie Katryn , uitgereik, waarin sy ’n diepgaande “pelgrimstog” onderneem. Hierdie roerende liedjie, deur Karlien self geskryf, bied ’n insiggewende blik op haar innerlike reis.

“Ek het myself toegelaat om op ’n pelgrimstog te gaan ’n jaar terug waar ek myself, geloop het deur die tydlyn van my lewe. Baie van ons het trauma in ons kinderlewens gehad en baie keer kies ons om dit nie te onthou nie,” het Karlien gesê.

“Die brein het ’n manier om dit toe te maak, amper asof dit nooit gebeur het nie. Die probleem is dat dit baie keer ’n selfvernietigende of ’n ‘bloei op die rondom jou’ resultaat oplewer in jou grootmens lewe. In daai kleintyd oomblikke van seerkry voel mens partykeer jy het jouself ook op daai plek in tyd agtergelaat net soos ander het en omdat ’n kind opkyk na die volwassene glo hy of sy eerder die volwassene se manier van kyk of reageer op die situasie, dan word dit soos ’n kamer wat se deur toegetrek word en nooit weer oopgemaak word nie, maar die kamer is altyd daar.”

Volgens Karlien het sy gekies om terug te gaan in haar tydlyn om al die donker toegemaakte kamers te besoek en by haar kleiner self te gaan sit om saam haar die oomblikke te herleef en dan het sy ’n nuwe perspektief daarop gevra van die Here. “Waar was Hy in dit? As jy saam Hom wat die Kunstenaar is die gebeurtenis kan herleef, gee Hy Sy perspektief daarop en verander die swaartekrag van daai oomblik in iets wat ligter word.”

“As die kamer se deur oopgaan, kom die lig in. Dan as ek ’n nuwe waarheid van die oomblik kon vasmaak, tel ek haar daar op en maak haar weer deel van my in vandag. Ek dink baie mense loop met ’n helfte of ’n kwart van hulself rond in vandag en voel leeg en baie keer alleen sonder dat hulle verstaan hoekom. Die resultaat daarvan presenteer op verskillende maniere. Depressie, verslawings, selfmoord, narsisime, ensovoorts… of jy loop net weer in die sirkelgang van wat jy geken het en doen dit weer aan ander. My naam beteken ‘free spirit’. Ek het altyd hierdie diep behoefte om so vry en lig as moontlik oor die aarde te kan beweeg in ’n heelheid soos wat die Kunstenaar my geskep het in ’n tyd voor tyd.”

Met hierdie liedjie gaan Karlien op “loop met ’n lyn” waar Hy aan ’n beginpunt vasgemaak is van ’n voortyd tot in die fisiese.

’n Pragtige musiekvideo wat deur Gerduan Kemp verfilm is, beeld die liedjie in sy geheel uit. In die musiekvideo vertolk Elah, Karlien se dogtertjie, Karlien as kind uit.

“Elah vertolk die rol van die jonger ek waar ek haar onthou op plekke in ou spasies en haar dan vandag daar optel om deel te word van my. Ek dink dis spesiaal want ons het dit gaan skiet by my ma se huis,” verduidelik Karlien.

Alhoewel ma-wees Karlien se top prioriteit is, is sy wel besig om te skryf aan ’n boek. Verder sonder sy die hoogtepunt van haar loopbaan as volg uit: hoe haar verstand en verstaan van dinge kan vernuwe sodat sy nuwe musiek kan skryf.

Katrientjie Katryn is nou beskikbaar op alle digitale stroomdienste soos Apple Music, Spotify, Deezer en YouTube Music.

Win a Ladies' Night at Lexus POP Classics 2024

johancv@coleskeartists.co.za (Coleske Artists) — Fri, 12 Jul 2024 05:00:00 GMT

Win a Ladies' Night at Lexus POP Classics 2024

In honour of Women’s Month this August, Lexus POP Classics is thrilled to announce a special competition, in collaboration with Jackpot City, to celebrate and spoil 10 lucky ladies and their besties with a moment of wow by winning a VIP experience at the highly anticipated Lexus POP Classics 2024.

What’s in store for our winners?

The winners will be treated to an exclusive VIP experience that includes:

Private VIP welcome lounge: Begin your evening in the luxurious Topax area, reserved for you and your best friend.
Gin Bar and Wine Station: Enjoy a selection of premium drinks to start your night.
Canapés: Savor a variety of delicious appetisers prepared just for our VIP guests.
Jackpot City Gift: You will take home a bottle of wine signed by the artists and a complimentary token of R500 from Jackpot City.
Backstage Tour: Get an insider’s look behind the scenes of Lexus POP Classics.
Prime Seating: Relax in premium seats located in Block D for the ultimate viewing experience.

How to enter:

Entering the competition is easy! Simply follow these steps:

Register at Jackpot City: Sign up on Jackpot City’s website by following the link below.
Deposit R50 or more: Once registered, make a minimum deposit of R50 or more to be automatically entered into the draw.

The competition will run from July 12th until midnight on July 29th.
The winner to be announced on July 30th
By participating, entrants agree to Jackpot City’s privacy policy and terms and conditions and those of Coleske Artists Management .
Prizes are non-transferable, can only be awarded to a verified prize winner, and cannot be exchanged for cash or any other item.

This women’s month, don’t miss out on this incredible opportunity to enjoy a night of music, luxury, and unforgettable memories with your best friend. Register now, place your bet, and you could be one of our lucky winners. Celebrate your strength, friendship, and music love with Lexus POP Classics 2024!

Mirandi verras met nuwe weergawe van ‘Wille Sarie’

johancv@coleskeartists.co.za (Coleske Artists) — Thu, 04 Jul 2024 23:00:00 GMT

Mirandi verras met nuwe weergawe van ‘Wille Sarie’

Mirandi, die naaswenner van Die Kontrak se derde seisoen, het die musiekwêreld behoorlik aan die gons gehad met haar ongelooflike talent. Haar optredes tydens die kompetisie het die kenners se oë laat rek, en nou stel sy haar nuwe enkelsnit, Wille Sarie , amptelik vry.

Wille Sarie , wat geskoei is op die 1950 liedjie Good Golly Miss Molly deur Little Richard, bied ’n opwindende mengsel van blues, rock en jazz musiek. Mirandi het die lirieke self geskryf, terwyl die melodie uit Good Golly Miss Molly spruit.

Mirandi deel: “Die idee vir Wille Sarie het begin toe ons op pad see toe was. Ek is baie streng grootgemaak. Ons mag nie uitgegaan het en gaan dans het of na sokkies toe gaan nie.” Sy voeg by, “ Wille Sarie is ’n lewendige liedjie wat ’n kant van my wys wat almal ken. Almal weet ek is sag, maar ek kan ook lekker laf wees as ek die dag lus is. Dit som myself op.”

Die liedjie vertel die verhaal van ’n persoon wat streng grootgemaak is, maar net ’n bietjie wil losbreek en gaan dans. “Dit gaan oor die hardwerkendes wat net ’n bietjie wil litte losmaak,” verduidelik Mirandi.

Mirandi hoop dat die publiek Wille Sarie met ope arms sal ontvang en dat die liedjie mense dadelik sal laat dans wanneer hulle dit hoor. Sy vertel dat die terugvoer op die liedjie reeds oorweldigend positief is, veral van die ouer generasie wat nostalgies is oor die dansbare musiek van die 50’s.

Sy benadruk dat sy haar toekoms in die Here se hande plaas en glo dat Hy haar op die regte paaie in haar loopbaan sal lei. Mirandi beskou haar deelname aan Die Kontrak en die geleentheid om Arnold Coleske te ontmoet as een van haar grootste hoogtepunte en waardeer die ondersteuning van Coleske Artist Management.

Wille Sarie is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn maak skoonskip met ‘Plaas Dorp Toe’

johancv@coleskeartists.co.za (Coleske Artists) — Wed, 03 Jul 2024 14:25:02 GMT

Chris Steyn maak skoonskip met ‘Plaas Dorp Toe’

Chris Steyn se jongste enkelsnit, Plaas Dorp Toe , het ’n geweldige impak op die Suid-Afrikaanse musiekbedryf gemaak sedert dit onlangs op digitale platforms vrygestel is.

Met ’n gunsteling onder luisteraars regoor die land, het die liedjie vinnig die nommer 1 posisie op Apple Music se Afrikaanse ranglys verower (waar dit steeds boer) en sy musiekvideo het ook ’n sterk vertoning op YouTube se Trending lys met ’n piek op nommer 4 bereik. Die musiekvideo is tans nommer 9.

LEES OOK: Chris Steyn, oftewel Plakkies, nooi die ‘Plaas Dorp Toe’

Die aansteklike liedjie is ’n gesamentlike poging van Chris Steyn self, saam met Georic Lomas en Marco van Deventer, wat saamgewerk het om ’n liedjie te skep wat nie net ’n “upbeat” en aanloklike gevoel het nie, maar ook ’n groot aanklank by luisteraars vind.

Wen een van vier ‘matchday experiences’

johancv@coleskeartists.co.za (Coleske Artists) — Tue, 02 Jul 2024 14:15:27 GMT

Wen een van vier ‘matchday experiences’

Groen is Goud! Suid-Afrika pak Ierland op 6 Julie in Pretoria en jy kan een van vier ‘matchday experiences’ losslaan.

Die Suid-Afrikaanse rugbyspan gaan die Ierse span op 6 Julie 2024 trotseer in Pretoria en jy wil dit nie misloop nie.

Die kompetisie sluit Donderdag, 4 Julie om middernag.

Hoe om in te skryf:

1. Registreer en wed op Jackpot City se webblad: Besoek die Jackpot City webwerf en voltooi die registrasieproses. Dit is vinnig en eenvoudig.

2. Deponeer R50 of meer in jou rekening: Sodra jy geregistreer is, maak ’n deposito van R50 of meer in jou rekening om outomaties in te skryf vir die trekking. Hierdie deposito stel jou nie net in staat om deel te wees van die kompetisie nie, maar gee jou ook toegang tot Jackpot City se wye verskeidenheid speletjies en promosies.

Wat jy kan wen:

Vier gelukkige deelnemers sal elkeen ’n dubbel-‘matchday experiences’ tussen Suid-Afrika en Ierland losslaan. Dit beteken dat jy en ’n vriend, familielid, of enige rugbyliefhebber van jou keuse saam die wedstryd kan geniet en die opwinding van internasionale rugby eerstehands kan ervaar.

Belangrike inligting:

Deur deel te neem aan hierdie kompetisie aanvaar jy Jackpot City se privaatheidsbeleid en terme en voorwaardes . Maak seker dat jy die bepalings en voorwaardes deeglik deurlees om ten volle bewus te wees van jou deelname.

Moenie hierdie geleentheid misloop om ’n deel van die aksie te wees nie.

Jay wen ná meer as twee dekades steeds harte!

johancv@coleskeartists.co.za (Coleske Artists) — Fri, 28 Jun 2024 02:00:00 GMT

Jay wen ná meer as twee dekades steeds harte!

Ná meer as twee dekades as solo-kunstenaar, bly Jay ’n onbetwisbare gunsteling in die musiekbedryf. Hy het pas sy splinternuwe enkelsnit, Sou Vir Jou , op alle stroomdienste vrygestel.

Dié liedjie, ’n pop-sokkie nommer, is geskryf deur die talentvolle liedjieskrywer Emil Paul en vertel die verhaal van ’n man wat sing vir ’n meisie wat buite sy bereik is. Jay sê hy was onmiddellik aangetrokke tot die liedjie se unieke invalshoek en aansteeklike energie. “Ek kon vinnig saam sing en die ‘vibe’ van die liedjie was vir my positief en opbeurend. Ten spyte van die feit dat dit gaan oor ’n ou wat vir ’n ander ou se meisie sing,” sê Jay.

Jay hoop dat die publiek dadelik verlief sal raak op die liedjie en dit gereeld om die kampvuur of tydens kuiers sal speel. “Ek dink almal kort ’n nuwe liedjie in hul speellys, so hier is myne. Luister hom vrot,” skerts Jay.

Jay se doel is dat sy musiek mense sal help om te ontspan en hul sorge vir ’n rukkie te vergeet. Alhoewel daar nie ’n musiekvideo vir Sou Vir Jou vrygestel gaan word nie, kan aanhangers uitsien na ’n visualizer met lirieke, wat hulle die geleentheid gee om saam te sing.

Wanneer gevra word oor die hoogtepunte van sy loopbaan, sê Jay dat dit onmoontlik is om een spesifieke oomblik uit te sonder. Hy waardeer eenvoudig die voorreg om sy passie vir musiek te kan uitleef. Jay verklap ook dat daar nog twee nuwe liedjies is wat hy van plan is om later vanjaar vry te stel.

Met Sou Vir Jou stel Jay weereens sy onmiskenbare talent en passie vir musiek ten toon.

Sou Vir Jou is nou beskikbaar op alle digitale stroomdienste soos Apple Music, Spotify, Deezer en YouTube Music.

Chris Steyn, oftewel Plakkies, nooi die ‘Plaas Dorp Toe’

johancv@coleskeartists.co.za (Coleske Artists) — Fri, 21 Jun 2024 03:00:02 GMT

Chris Steyn, oftewel Plakkies, nooi die ‘Plaas Dorp Toe’

Chris Steyn, beter bekend as Plakkies, het die harte van Suid-Afrikaanse musiekliefhebbers verower toe hy as die wenner van die derde seisoen van Die Kontrak aangewys is. Hierdie twintigjarige musieksensasie het onmiddellik opslae gemaak met sy debuutsnit, kortspeler en musiekvideo, getiteld Helemal , wat die eerste posisie op Apple Music beklee het binne ure ná vrystelling. Nou is Chris terug met ’n splinternuwe dansliedjie.

Plaas Dorp Toe , geskryf deur Chris met die hulp van Georic Lomas en Marco van Deventer van die musiekgroep ONS, is sopas uitgereik. “Dit gaan speels oor hardwerkende boere wat verdien om ook ’n bietjie te rus, so ek nooi hulle dorp toe vir ’n lekker kuier,” verduidelik Chris.

Volgens Chris plaas die liedjie hom in ’n nuwe styl, en hy is opgewonde om te sien hoe die mense daarop gaan reageer. “Dit is ’n baie lekker ‘upbeat’ liedjie en ek dink die mense sal aanklank vind met die lekker ‘vibe’,” sê hy.

“Dit is wel ’n lekker kuier liedjie, vir almal, nie net die boere op hulle plase nie, maar ook vir die stadsjapies wat lus kry vir ’n lekker aandjie saam vriende,” voeg Chris by. “Die mense behoort dit by ’n braai of by ’n kuier te speel, met die klem op ’n lekker tyd.”

Die musiekvideo vir Plaas Dorp Toe is in ’n yskoue Brits deur Conrad Theron en sy span by Atlas Media verfilm. “Ons het op die plaas Model Pak verfilm en al hulle boere was goedgunstig deel van die musiekvideo. Dit was vir my baie ‘cool’ gewees om hulle almal te ontmoet en stories te deel.”

Verder vertel Chris dat hierdie liedjie wat die boere ’n kuier-kans wil bied ook spesiaal is omdat hy voel die boere verdien ’n drankie. “Die boere werk baie hard om die kos wat ons eet in die winkels te kry en ons moet dankbaar wees vir hulle,” sê Chris.

Alhoewel Chris nog aan die begin van sy musiekloopbaan staan, is hy reeds een van die besigste kunstenaars in die bedryf, maar hy vat elke dag en geleentheid stap vir stap en nooit vanselfsprekend nie. Hy is veral opgewonde om weer by Afrikaans is Groot in November op te tree en hoop dat sy liedjies die luisteraars in ’n goeie bui kan sit en dat hulle sal kuier en dans op al sy musiek.

Plaas Dorp Toe is nou beskikbaar op alle digitale stroomdienste soos Apple Music, Spotify, Deezer en YouTube Music.

Dodo Nyoka stel nuwe enkelsnit ‘As Ek Opstaan’ vry

johancv@coleskeartists.co.za (Coleske Artists) — Thu, 13 Jun 2024 23:00:00 GMT

Dodo Nyoka stel nuwe enkelsnit ‘As Ek Opstaan’ vry

Dodo Nyoka is geen vreemdeling in die Afrikaanse musiekbedryf nie. In 2022 het hy as die naaswenner van die tweede seisoen van Die Kontrak uitgetree, en sy debuutenkelsnit, Foto’s , se musiekvideo is al meer as vier miljoen keer op YouTube gekyk.

In 2023 het hy sy aanhangers bederf met twee snitte - Frikkie vir ’n Rukkie en Country Girl van Bloem . En nou is hy terug met ’n splinternuwe enkelsnit uit sy pen, met die titel As Ek Opstaan .

“Die liedjie is eintlik ’n briefie geskryf vir my toekomstige vrou vir wanneer ek dood is, maar dit is ook ’n gesprek tussen my en God,” het Dodo gesê oor hierdie mengsel van rock, pop en alternatiewe klanke.

Volgens Dodo is die inspirasie agter die liedjie God. “Die storie gaan tussen my en God, ek wou nie wag vir my toekomstige vrou nie, so ek en God het eintlik ’n gestryery gehad en ek het ’n paar keer geval. Maar dis ’n belofte wat ek aan God maak dat ek sal wag vir die een.”

“Hulle sê jy sal weet wanneer dit die een is, en ek dink die ‘weet’ is daardie klein stemmetjie van God,” het Dodo gesê.

Dodo sê hy het hierdie liedjie gekies omdat hy onlangs sy lewe vir die Here gegee het. “Dit sê in die Bybel dat ons God se bruid is. So wanneer ons onsself kies bo oor God is ons selfsugtig. So hierdie liedjie is my belofte aan God om hom bo oor als te kies.”

“Ek voel elke man moet hierdie vir sy vrou of toekomstige vrou speel. As jy vir jou vrou wil sê hoe lief jy haar het, sonder om woorde te gebruik, is hierdie liedjie vir jou.”

Dodo stel ook ’n pragtige musiekvideo, wat aansluit by die liedjie se woorde, vry. “As jy die musiekvideo gaan kyk, gaan jy sien hoe my kop en my hart werk. Ek deel my hart met die kykers,” het Dodo gesê.

Dodo sê die hoogtepunt van sy loopbaan sover is hoe die mense sy liedjie Country Girl van Bloem ontvang het. “Dit is vir my so lekker om te sien hoe hierdie liedjie mense gelukkig gemaak het. Ek sê altyd ek is ’n sonneblom en die Here is die son. Sonder die son (die Here) gaan die sonneblom dood. En dis wat ek wil wees - daai warmte en lig wat die Here vir my gee, met ander mense deel,” het Dodo afgesluit.

As Ek Opstaan is nou beskikbaar op alle digitale stroomdienste soos Apple Music, Spotify, Deezer en YouTube Music.

ONS musiekgroep stel tweede enkelsnit ‘Lag’ vry

johancv@coleskeartists.co.za (Coleske Artists) — Thu, 06 Jun 2024 14:02:12 GMT

ONS musiekgroep stel tweede enkelsnit ‘Lag’ vry

Die dinamiese musiekduo, ONS, wat bestaan uit Marco van Deventer en Ruvé Erasmus, het met groot opgewondenheid hul tweede enkelsnit, Lag , vrygestel. Hierdie vrolike snit volg op hul suksesvolle debuut-enkelsnit Daai Liedjie , wat vroeër vanjaar vrygestel is.

Marco verduidelik die inspirasie agter Lag soos volg: “Ek het so ’n paar jaar gelede ’n sê-ding gehoor: ‘Lag is die kortste afstand tussen mense,’ en ek het helemal verlief geraak daarop. En dit was toe ek nog ’n student was. Die liedjie gaan eintlik maar daaroor dat ek nie geld of status nodig het om ’n meisie te beïndruk nie. Ek moet haar net laat lag. In dieselfde manier, ironies genoeg, in teenstelling van wat ouens dink, wil ’n meisie ook maar ’n ou hê wat haar kan laat lag. Dit is een van die sterkste gereedskap wat ’n mens kan gebruik op die eerste oogopslag.” Marco het die liedjie tydens die grendeltydperk geskryf.

“ Lag is een van die eerste liedjies wat ons as ’n groep geskryf het,” voeg Marco by. “Dit is ook die liedjie wat ons gespeel het tydens ons afpraak met Coleske, net voordat ons geteken is. Die liedjie het vir ons baie betekenis en herinner ons aan hoe lekker ons altyd saam kan lag.”

ONS hoop dat Lag die publiek se harte sal verower en deel van hulle daaglikse speellyste sal word. “Dit is ’n lekker ligte liedjie waarop jy kan sokkie, saam sing of selfs net in die agtergrond van jou braai kan speel!” sê Marco. “Dit het ’n aansteeklike energie wat jou net wil laat saam sing en dans. Die koor is so aanloklik dat dit maklik in jou kop vassit, en voor jy jouself kry, sing jy ‘La-la la’ heelpad in die winkels!”

Die duo hoop dat luisteraars sal ontsnap uit die realiteit wanneer hulle Lag luister. “Ons wil hê dat die luisteraars net vir ’n oomblik moet vergeet van al hul worries en net na hierdie lekker-kry liedjie luister. Ons belowe, een luister en jy is dadelik in ’n beter bui!” sê Marco.

ONS het groot drome, maar hulle benader alles stap vir stap. Een van hul planne vir die jaar is om ’n kortspeler vry te stel met nog meer opwindende liedjies.

Met die ondersteuning van Buffelsfontein Brandewyn en Atlas Media het ONS ook ’n musiekvideo vir Lag verfilm. Marco verduidelik die konsep agter die video: “Die musiekvideo sluit baie mooi aan by die tema van Lag , dat jy nie geld nodig het om ’n meisie te beïndruk nie, solank jy haar net laat lag. Die video wys hoe twee jong mense ontmoet en dadelik oor die weg kom omdat hulle mekaar laat lag. Hulle volg mekaar deur Pretoria op afsprake wat niks kos nie, maar vol lag is!”

Die musiekvideo is by verskeie plekke verfilm, insluitend ’n partytjie toneel by ’n Puzzles-restaurant, ’n swembad-toneel, ’n toneel op ’n plaas, ’n motorhuis-toneel by iemand in die span se huis en eindig by die Voortrekker Monument. “Die musiekvideo is uniek want dit is vol lag en lekker tye,” sê Marco.

Lag is nou beskikbaar op alle digitale stroomdienste soos Apple Music, Spotify, Deezer en YouTube Music.

Afrikaans is Groot en Jackpot City: Skep saam, meer wow-oomblikke

johancv@coleskeartists.co.za (Coleske Artists) — Wed, 05 Jun 2024 06:59:22 GMT

Afrikaans is Groot en Jackpot City: Skep saam, meer wow-oomblikke

- Afrikaans is Groot (AiG) en Jackpot City (JPC) kondig ’n opwindende vennootskap aan om unieke konsertervarings aan hul gehore te bied. As deel van hierdie samewerking, sal hulle binnekort ’n eksklusiewe Die Groot Wheel bekendstel, waar deelnemers die wiel kan draai om ongelooflike pryse te wen, insluitend die grootprys van R1 miljoen. Die vennootskap sal afskop met ’n ongelooflike ervaring vir 20 gelukkige konsertgangers by die opkomende Lexus POP Classics op 3 Augustus.

Afrikaans is Groot is trots om ’n opwindende vennootskap met die wêreldvermaak-handelsmerk Jackpot City aan te kondig, om onvergeetlike ervarings te skep vir gehore van Afrikaans is Groot, Lexus POP Classics en GrootFees.

“Ons gehoor het sedert 2012 hul lojale ondersteuning aan ons bewys, toe die eerste Afrikaans is Groot plaasgevind het, in 2016 toe Lexus POP Classics vir die eerste keer op die planke gebring is en met die GrootFees wat in 2019 in die Tuinroete begin het,” het die span agter Afrikaans is Groot gesê. “Ons het saam met ons gehoor gegroei om ’n familie te wees en waardeer elke ondersteuner. Hulle is die ware rede waarom ons doen wat ons doen en waarom ons vir hulle selfs meer wil bied deur middel van hierdie samewerking, wat BBP-ervarings soos agter-die-skerms toere, die geleentheid om AiG-sterre in persoon te ontmoet en premium-sitplekke te verseker… insluitend die kans om een miljoenrand in kontant te wen!”

Die bekendstelling van Die “Groot” Wheel

In samewerking met Jackpot City en AiG gaan Die “Groot” Wheel konsertgangers die geleentheid bied om hierdie wiel op Jackpot City se webblad te draai om die kans te staan om ongelooflike pryse, insluitend die groot prys van R1 miljoen te wen. Die “Groot” Wheel word later vanjaar bekendgestel.

“In ’n tyd waar uitdagings volop is, is die aankondiging van Jackpot City se belegging in die uitbreiding van Afrikaanse musiek en geleenthede met groot entoesiasme en dankbaarheid ontvang. Die inspuiting van ondersteuning kom op ’n kritieke oomblik en bied die gemeenskap ’n baken van hoop en moontlikhede. Wat werklik hierdie vennootskap laat uitstaan, is Jackpot City se begrip van musiek se kardinale rol in die vorming van die ryk landskap van Afrikaanse kultuur,” het Arnold Coleske, Hoof Uitvoerende Beampte van Coleske Artists Management, gesê.

“Hul [Jackpot City] onwrikbare toewyding tot die bewaring en bevordering van hierdie kulturele erfenis is prysenswaardig en inspirerend. Ons sien uit na ’n samewerking wat ongeëwenaarde ervarings beloof vir aanhangers, ondersteuners en kliënte. Saam staan ons gereed om ’n reeks innoverende inisiatiewe te onthul in die komende maande, wat lei tot die GrootFees in Desember 2024. Dit is die begin van ’n opwindende reis wat Afrikaanse musiek vier en ’n gevoel van gemeenskap en verbondenheid kweek. Met Jackpot City aan ons kant, is die moontlikhede eindeloos en die toekoms is helderder as ooit tevore,” het hy bygevoeg.

Meer oomblikke van wow!

“Ons vennootskap met Afrikaans is Groot verteenwoordig ’n samevloeiing van twee dinamiese wêrelde - die opwinding van weddery en die opwinding van musiek konserte,” sê Brandon Faber, Jackpot City se bemarkingsbestuurder. “Ons is opgewonde om deel te wees van hierdie samewerking, wat ongetwyfeld die algehele ervaring vir beide ons spelers en die aanhangers van AiG sal verbeter.”

Die samewerking begin met die opkomende Lexus POP Classics op 3 Augustus, waar Jackpot City ’n buitengewone ervaring vir 20 gelukkige konsertgangers sal aanbied. Hierdie eksklusiewe ervaring, wat vanaf middel Junie tot die einde van Julie op die spel sal wees, sal geskenkpakkies met verrassings van die kunstenaars en borge insluit, ’n skemerkelkie-geleentheid met drankies en verversings. Hou ‘n oog op Lexus POP Classics en Afrikaans is Groot se sosiale media om meer hiervan tewete te kom.

Soos die opwinding opbou vir vanjaar se konserte kan konsertgangers gerus wees dat hulle vanjaar ’n groter, lekkerder en beter konsertervaring as ooit kan geniet, te danke aan die samewerking tussen Afrikaans is Groot en Jackpot City.

Riaan Benadé bring ‘stoom’ na die Afrikaanse musiekbedryf!

johancv@coleskeartists.co.za (Coleske Artists) — Tue, 04 Jun 2024 13:13:49 GMT

Riaan Benadé bring ‘stoom’ na die Afrikaanse musiekbedryf!

Ná vier jaar se wag is die sanger en liedjieskrywer Riaan Benadé slaggereed om nuwe musiek vry te stel! Dit volg op sy debuut-album Spontaan wat in 2020 vygestel is en van Riaan een van die suksesvolste Afrikaanse kunstenaars gemaak het.

Stoom , die tweede enkelsnit vanaf Riaan se langverwagte nuwe album, Die Lot is sopas vrygestel en vertel hoe stomerig die huwelik nog kan wees op enige ouderdom.

“Die liedjie gaan oor hoe jy jou verhouding interresant moet hou, en hoe jy dit self moet laat stoom sodat dit nie verveelig raak nie,” het Riaan gesê.

Volgens Riaan, wat dié liedjie saam met Paulo Azevedo geskryf het, het sy huwelik met sy vrou Melissa bygedra tot die inspirasie van hierdie pop- en kontemporêreliedjie.

“Die liedjie beteken nogal baie vir my en my vrou omdat dit op ’n mate die manier is hoe ons, ons eie huwelik benader en op ’n sekere standaard hou. Dis ook ’n lekker tune en gee ’n aanduiding van waarnatoe die nuwe album op pad is,” het Riaan gesê.

“Dis ’n lekker twist op ’n sakkie liedjie en ek glo dit gaan by partytjies gespeel word. Ek hoop mense kan dink oor my musiek en op dieselfde tyd dit geniet.”

’n Musiekvideo vir Stoom wat by Ons Tuis Emily Hobhouse in Pretoria en die Bronkhorstspruit Dam verfilm is, is ook nou op YouTube te sien. Dié musiekvideo is deur Eric Graham en Tehan Buys vervaardig en Riaan se vrou Melissa is ook in dié tong-in-die-kies musiekvideo te sien. Die aktrise Edrien Erasmus maak haar verskyning as die matrone.

“Dit gaan oor twee oumense in ’n ouetehuis wat besluit hulle wil ontsnap om ’n piekniek te gaan hou. Die mense hou hul dop en hulle wil seker maak hul huwelik stoom nog,” het Riaan gesê.

Riaan se nuwe album Die Lot , wat op 12 April vrygestel word, bestaan uit tien snitte en sluit drie samewerkings in. Hemel en Hel saam met Demi Lee Moore, Vertrou My saam met Marno van der Merwe en Georic Lomas en Ken Jy Die Land saam met sy pa Franna Benadé. Laasgenoemde is ’n verwerking van die bekende FAK-liedjie met dieselfde titel.

Riaan sonder egter sy eerste optrede by Afrikaans is Groot in 2022, sy voorprogram vir Kip Moore en sy duet met die internasionale countryster Ian Munsick as een van sy grootste hoogtepunte in sy loopbaan uit. Verder beplan Riaan ook om nog baie musiek te skryf.

Riaan se tweede album Die Lot is nou op alle digitale stroomdienste soos Apple Music, Spotify, Deezer en YouTube Music beskikbaar.

Demi Lee Moore stel nuwe enkelsnit, Net Myne, vry

Tue, 04 Jun 2024 12:26:42 GMT

Demi Lee Moore stel nuwe enkelsnit, Net Myne, vry

Ná die ongekende sukses van haar enkelsnit Hart Breek in Desember 2023, is Demi Lee Moore terug met ’n nuwe enkelsnit wat dieselfde countryklanke bevat. Die liedjie, getiteld Net Myne , is nou beskikbaar op alle digitale stroomdienste soos Apple Music, Spotify, Deezer en YouTube Music.

“ Net Myne gaan oor die tipe liefde wat deur enigiets kan gaan en sterker uitkom. Twee mense wat mekaar oor-en-oor sal kies. Twee mense wat so verskillend is, maar tog die beste in mekaar uitbring,” het Demi Lee gesê.

Op die vraag waarom sy besluit het om voort te bou op die sukses van Hart Breek se countryklank, het sy gesê: “Ek is mal oor country en wil dit graag in my Afrikaanse musiek ook deurbring.”

Die liedjie is geskryf deur die gesoute liedjieskrywer Johan Oberholzer en vervaardig deur Demi Lee se man, Barthlo Visagie.

“Ek hou van die liedjie want ek hou van die liefde, veral as mens weet jy het ‘net joune’ gevind. Hoe lekker is dit nie? Ek noem dit my langpad liefdesliedjie. Hy gaan lekker wees vir die lang pad, maar weerspieël ook die lang pad van liefde. As jy jou ‘net myne’ gekry het kies jy hulle weer en weer maak nie saak watter draaie die lewe met jou maak nie. Solank jy altyd veg vir mekaar, en dit is maklik as jy weet dit is net JOUNE,” het Demi Lee gesê.

Demi Lee hoop mense sal die liefde in die liedjie voel - en as hulle nie self sulke liefde het nie, dat hulle graag sulke liefde sal wil hê, want dit is darem lekker.

Die musiekvideo vir Net Myne is deur Eric Graham en Tehan Buys verfilm in ’n pragtige kothuis in Magoebaskloof. “Dit is basies die storie van twee mense wat weg is op ’n romantiese naweek, wat mekaar, asook die klein oomblikke, vasvang deur ’n ou lens. Die mooi in die eenvoudige dinge van die lewe. Amper asof mens die mooi in jou ander helfde meer moet uitlig en raaksien,” het Demi Lee verduidelik.

“Ek het ’n goeie idee gehad van wat ek wou hê en uitbring in die video en ek voel hulle het absoluut my ‘vision’ vasgevang.”

“Die liriek in die koor sing: Sal jy net myne wees, Ek vra jou mooi al het ons alreeds, Baklei, Gestry, Vermy, Weer opgemaak, So sal jy? Sal jy net myne wees? ”

“Dit is nie noodwendig baklei soos mens sou dink nie, vir my is dit baklei vir mekaar. Stry met die dinge wat die lewe jou kant toe gooi, die dinge vermy waarvoor jy bang is. As jy saam al hierdie dinge doen kan jy net sterker en meer lief wees. Kies mekaar bo alles.”

Alhoewel Demi Lee al verskeie hoogtepunte in haar loopbaan kan uitsonder, staan die Afrikaans is Groot-konsert kop-en-skouers bo die res uit. “Afrikaans is Groot elke jaar is natuurlik heel bo aan my lys - om betrokke te wees by so produksie is ’n groot voorreg,” het sy afgesluit.

Net Myne is nou beskikbaar op alle digitale stroomdienste soos Apple Music, Spotify, Deezer en YouTube Music.

Vanes-Mari du Toit nou deel van CAM

Mon, 27 May 2024 13:23:45 GMT

Vanes-Mari du Toit nou ook deel van die CAM-familie

Die sportster en aanbieder Vanes-Mari du Toit sluit nou ook aan by die Coleske Artist Management-familie. Vanes-Mari is ’n kranige netbalspeler wat tussen 2010 en 2018 vir die Spar Proteas en tussen 2011 en 2015 vir SA Fast5 Netball uitgedraf het. Sy het haar graad in Menslikehulpbronne aan die Universiteit van Pretoria en haar honours graad in Industriele fisiologie aan die Universiteit van Stellenbosch voltooi. Vanes-Mari het egter bekendheid verwerf vir haar deelname aan Dancing with the Stars wat in 2018 op M-Net uitgesaai is.

Sy is ook ’n kommentator vir SuperSport en ’n Netbal-analis sedert 2014 en het die Netbal-wêreldbeker op SuperSport, Sky en BBC aangebied. Verder het sy ook verskeie televisieprogramme op kykNET en VIA soos; Kwêla , Hoor My, Sien My, Soen My , Die Groot Afskud , In Japan, Ja en In Frans, Ja aangebied. Laasgenoemde program het haar die geleentheid gebied om vir die tweede keer die Springbokke te ondersteun tydens die wêreldbeker rugby-toernooi.

Vanes-Mari is ook ’n gereelde gesig op verskeie verhoë landwyd en het as seremoniemeester by Afrikaans Gaan Global, Afrikaans is Groot, BOXOP, Walkerbay Outdoor, SA Sportgeleenthede en nog vele meer opgetree. Wanneer Vanes-Mari nie voor die kameras of ’n mikrofoon is nie, is sy ’n netbal afrigter met verskeie klinieke. Sy het ook haar eie besigheid FitPocket, waar sy sport-spesifieke onderklere en oefenklere vir vroue verkoop.

Vanes-Mari was onlangs ook deel van die Madswimmers-span wat na die Himalajas gereis het om ’n nuwe wêreldrekord op te stel. Hulle het dit reggekry om 6405m bo seevlak te swem en so die wêreldrekord opgestel!

Vanes-Mari kan nou bespreek word by Coleske Artist Management as motivering-spreker, sermoniemeester of aanbieder vir jou volgende geleentheid.

Lexus POP Classics: An Unforgettable Musical Extravaganza

johancv@coleskeartists.co.za (Coleske Artists) — Mon, 27 May 2024 10:54:13 GMT

LEXUS POP CLASSICS:

AN UNFORGETTABLE MUSICAL EXTRAVAGANZa

Pretoria, South Africa – Get ready to immerse yourself in a mesmerising musical journey as Lexus POP Classics returns to the SunBet Arena in Pretoria on 3rd August. This year's event promises an exhilarating celebration of iconic pop classics that have shaped the world of music.

For nearly a decade, Lexus POP Classics has been a cornerstone of the South African entertainment calendar, captivating audiences with its stellar lineup of homegrown talent and world-class production. This year's edition promises to elevate the experience to new heights, transporting attendees into a realm of exceptional music, mesmerising visuals, and electrifying performances.

With an impressive lineup featuring renowned artists such as Refentse, Tarryn Lamb, Samantha Leonard, Corlea, Ruhan du Toit, Mzanzi Youth Choir, Zoë Zana, and Margaret Motsage, attendees can expect a nostalgic journey through some of the most iconic pop hits of all time.

Lexus POP Classics is thrilled to have Lexus as the headline sponsor for this year's event. In addition to Lexus, the event is proudly supported by Laeveld Agrochem, Lift Airlines, City Lodge Hotels, Belgravia Gin, SunBet Arena, and World Leisure Holidays.

Don't miss your chance to be part of this unforgettable musical spectacle. Mark your calendars and join us for a magical celebration of pop classics at Lexus POP Classics on 3rd August at the SunBet Arena in Pretoria.

Bobby van Jaarsveld stel eerlikste liedjie nóg vry

johancv@coleskeartists.co.za (Coleske Artists) — Sun, 26 May 2024 19:59:36 GMT

Bobby van Jaarsveld stel eerlikste liedjie nóg vry

Die sanger Bobby van Jaarsveld haal vir die eerste keer ’n “masker wat die wêreld vir hom aangetrek het, af” in sy nuwe enkelsnit, Verlore Seun .

Hierdie liedjie uit Bobby se eie pen, is volgens hom die mees eerlikste en mees opregte liedjie wat hy nóg vrystel.

“Dit gaan maar oor ons elkeen se eie pad en ons pad met God. Hoe ons almal maar eintlik sukkel, maar wil dit nie altyd dit erken nie. Dit gaan eintlik oor soveel goed met so baie boodskappe, maar uiteindelik gaan dit daaroor dat ’n mens self moet besluit om uit daai gat uit te klim en die call moet maak dat jy redding nodig het,” het Bobby gesê.

Bobby sê dat sy eie pad en dinge waarmee hy sukkel die inspirasie tot die liedjie was en alhoewel hy van homself praat dink hy tog mense sal verstaan.

“Dis verligting vir my dat mense ook besef ek gaan deur moeilike tye waar ek nie eers myself meer ken nie. Waar ek myself en ander mense partykeer baie verbaas. Maar dat ek steeds elke keer weer God moet kies en my pad met Hom versoen.”

Alhoewel Bobby nie weet hoe luisteraars dié liedjie gaan ontvang nie, glo hy dat elke persoon dit op sy of haar eie lewe sal toepas en die hoop en mooi boodskap van die liedjie sal hoor.

“Van my vriende en familie hou nie daarvan dat ek so eerlik oor myself sing nie, maar ek verstaan dit ook want dit kom uit ’n plek van liefde, maar vir my is dit in my hart en kop belangrik dat ek dié liedjie moet uitbring. Nie almal gaan daarvan hou nie, maar ek hou daarvan,” het Bobby gesê.

“Ek ken soveel mense wat met só baie goed sukkel in die lewe en ek sien hoe dit hulle opvreet elke dag. Ek hoop die liedjie beteken vir hulle iets en dat ons elkeen besef dat ons mense om ons het vir ’n rede. Ons moet self kan kies dat ons baie keer redding nodig het uit sekere situasies uit en dat ons almal mekaar nodig het. En dan uiteindelik net God ons waarlik kan red, maar ons moet self die besluit maak…”

’n Musiekvideo wat oor twee dae in die middestad van Pretoria verfilm sal word is ook in die pyplyn. “Die video is alles my eie idees en stories en dit is redelik rou en eerlik. Sekere gedeeltes kan mense dalk ’n bietjie skok, maar dis okay - dit moet eg wees,” het Bobby gesê.

“Dit gaan oor ek wat myself besoek en deur die gange van my verlede stap. Ek maak die deure oop en sien dinge waarvan ek nie hou nie en dan maak ek weer die deure toe, net om op die ou einde myself te gaan red uit daardie omstandighede.”

Bobby sê NEM (New Ending Media) gaan die musiekvideo vervaardig en hy glo hulle harte en denkwyse met die liedjie is dieselfde as syne. Sy eie orkes sal ook in die video te sien wees.

Verder is Bobby se dagboek deesdae omtrent tjokkenblok. “Ek is besig met ’n Afrikaanse film. En twee nuwe opwindende televisiereekse. Dan is daar ook ’n paar geheime wat ek nie nou kan verklap nie. O, ja natuurlik baie nuwe musiek en shows.”

Verlore Seun is nou op alle digitale stroomdienste soos Apple Music, Spotify, Deezer, YouTube Music en Tidal beskikbaar.