Franna Benadé, gebore in die bell-bottom-blommekind-era, het in die Bosveld-dorpie Nylstroom grootgeword, waar musiek deel van die daaglikse lewe was. In 1983 het hy en sy broer Innes die nasionale ATKV Crescendo sangkompetisie gewen, wat hulle musiekloopbaan afgeskop het. Hulle het onder andere TV-debute gemaak, platekontrakte gesluit en lande plat gereis vir konserte. 

In 1990 het Franna by die Polisie orkes aangesluit en as tamboermajoor die orkes by openbare optredes gelei, insluitend die Durban Taptoe in 1991. In 1992 het hy en Innes solo-loopbane gevolg, maar hulle tree steeds saam op wanneer gevra. Franna het ook solo-CD’s opgeneem. 

In 1995 het hy en sy gesin terug na Nylstroom verhuis, waar hy deeltyds begin boer het. In 2001 het hy as aanbiddingsleier in Harrismith begin dien tot 2008, toe hulle terug na Nylstroom verhuis het. Franna glo dat elke mens ’n doel het om te leef, en sy musiek fokus op aanbidding en lofprysing. Hy en sy vrou Helena is na 34 jaar steeds gelukkig getroud en het vier kinders en kleinkinders. Franna het steeds ’n aktiewe rol in optredes, boerdery en brandstofbemarking.